تكفون الحل ويا الفيستا ؟ حده بطيء شنو اسوي

[basha]

السلام عليكم


مابي اركب وندز اكس بي ابي الفيستا له حل ويا البطئ الملييييغ الحل تكفون ... وينك يا shadi666

افيدونا جزاكم الله خير

 

[mbahrani]

المشلكة في جهازك او ان يكون عندك فيروس
انا اشتغل على فيستا من اول ما نزل . من سنة ونص . وعلى اكثر من جهاز
سريع وما فيه شي . بس لا يحوشة فايروس
ركب لك برنامج انترنت سيكورتي كامل محترم مو بس مضاد للفيروسات . وسو سكان كامل للجهاز وشوف الصحة كيف بتصير

 

[basha]

اشكرك اخوي على الطرح الواضح ...لكن انا الفيستا الي عندي بس ابي افتح الاكسبلورر يطول على ما يفتحه مو مثل الاكس بي ,,,,

اشرايكم يا شباب يعني هل تعتقد لو احد يفيدنا بموقع في قوقل وانزل منه حمايه للجهاز هل راح نستفيد ولا نفس العمليه ؟؟؟

الكل يقول مشكله الفيستا بطيييء وانا معاهم حييل بطيييء انشالله يفيدنا احد بحل وندعيله ورمضان كريم

 

[xxhxx]

اشكرك اخوي على الطرح الواضح ...لكن انا الفيستا الي عندي بس ابي افتح الاكسبلورر يطول على ما يفتحه مو مثل الاكس بي ,,,,

اشرايكم يا شباب يعني هل تعتقد لو احد يفيدنا بموقع في قوقل وانزل منه حمايه للجهاز هل راح نستفيد ولا نفس العمليه ؟؟؟

الكل يقول مشكله الفيستا بطيييء وانا معاهم حييل بطيييء انشالله يفيدنا احد بحل وندعيله ورمضان كريم

ممكن مواصفات الكومبيونر ؟

جم الرام والمعالج؟

 

[mbahrani]

روح موقع www..kaspersky.com ونزل نسخة تجريبية من kaspersky internet security
وسو سكان حق الويندوز ... فيستا مو بطيء . لكن الاستخدام السيء هو اللي يخليه بطيء .
حتى اكس بي اذا دخل فيه فيروس يصير يلوع الجبد . ياما سويت فورمات حق الاكس بي ورجعت ورا .
والله الموفق

 

[بيت الشعر]

مالك الا الصبر

 

[بوحمود1]

اخوى فيه واحد حاط موضوع فورمات +تعريب +برامج

يمدحونه الشباب ،،، يمكن يقدر يظبط شغلك

وبالتوفيق ان شاء الله

 

[ماستر الذهب]

السلام عليكم

هل ويندوز فيستا اصلي اللي عندك وانا انصحك بتركيب برنامج kaspersky internet security

 

[noor2008]

اخوي دق على شادي
واهوا غصبن عن بيل غيس نفسه يسويلك جهازك طيارة اسال مجرب والله شادي وبس

وهذا الرابط يفيدك
ولاقي شادي عن طريقة


http://www.indexsignal.com/vb/showthread.php?t=118541&highlight=%DD%E6%D1%E3%C7%CA

 

[basha]

يا سلام عليكم الله يوفقكم لأحسن الاعمال الصالحه دنيا وآخره ,,,,


بجرب النسخه التجريبي وبرد لكم خبر ,,,,,,,,,

 

[ASUS]

حط وندوز اكس بي و دز حق السايت مال لابتوبك قولهم ابي الدرايفرات او انطر وندوز7

 

[تومان 2]

اخوي اخذها مني انا عندي فيستا زيد بس الرامات ومالك شغل ودعيلي

 

[أحمد ظاهر]

اخوي مثل ما قال لك اخونا .. اكيد المشكلة بالجهاز عندك .. اكيد حايشك فايروس قوي

اخوي انا عن تجربة اقول لك نزل برنامج اسمه AVG .. برنامج ولا اقوى ولا أروع .. يعني لا تقول لي نورتن ولا مكافي ولا كاسبر ولا اي شي من هالبرامج .. انا صار لي تقريبا 3 سنين وزي الورد

ادخل على موقع www.download.com .. وابحث عن البرنامج AVG .. النسخة الثامنة .. النسخة المجانية .. من مميزات البرنامج انه يحميك من الفايروسات وبنفس الوقت من ملفات التجسس الـ SpayWare .. وقبل ما تفتح اي موقع يشيك الموقع قبل ما تفتحه .. صراحة برنامج قوي ومحترم.

اذا ما حصلته او صادفتك اي مشكلة ارسل لي ايميلك على الخاص ونتكلم على المسنجر .. وعيوني لك يا باشا

 

[الحريه وطن]

الفيزتا بايخه وثقيله؟

 

[أبو يعقوب]

الفيزتا بايخه وثقيله؟

الفيزتا:
فورمات وفك عمرك

 

[xnet]

زيد الرام وغير الانتى فايروس

 

[basha]

تسلم عيونك يا احمد ظاهر ...شباب على قولتكم بجرب الحمايه وبغيرها واذا ما صار بزيد الرام .........الف شكر للجميع ماقصرتوا والله يوفقكم دنيا واخره

 

[Xmedia]

تسلم عيونك يا احمد ظاهر ...شباب على قولتكم بجرب الحمايه وبغيرها واذا ما صار بزيد الرام .........الف شكر للجميع ماقصرتوا والله يوفقكم دنيا واخره

سو disabled حق windows defender
وغير حماية الانتي فايروس خليها وحده من هذيله
kasper
zonealarm
Nod32

خفاف وجيدين

بعدين سو ترتيب ملفات للهاردات الي عندك C

ودوس على Start و روح على startup امسح كل شي بس خل الـ Bluetooth

ودش على Control Panel وهذا مهم في البطئ
ادخل على windows update واعمل له disabled

ودش على windows security واعمل الdisabled msg

وروح على user account وفي اختيار اخر واحد عليه علامة صح اذا كانت موجوده شيلها وسو ريستات للكمبيوتر

وخالصين

مالك خلق تسوي كل هذا 5 دنانير خدمة منازل ادزلك واحد يسويلك كل شي ويطيب خاطرك


شتبي بعد

 

[أحمد ظاهر]

وغير حماية الانتي فايروس خليها وحده من هذيله
kasper
zonealarm
Nod32

اخوي من بعد اذنك اسمح لي اختلف معاك:

اولا:
الـ ZoneAlarm مو برنامج حق الفايروسات .. هذا برنامج حماية من الـ Hackers .. من الاقتحامات .. وهو فعلا اقوى برنامج حماية ضد الهاكرز على مدار حوالي 5 سنين او اكثر .. الكلام هذا عن تجربة.

ثانيا:
عن تجربة ايضا افضل برنامج حماية من الفايروسات هو برنامج الـ AVG .. وافضل نسخة او اصدار منه هو الاصدار الثامن .. لأنها تيجي حماية شاملة حتى ضد برامج التجسس او ما يسمى بالـ SpyWare.

عموما هالبرنامجين حسب رأيي وخبرتي المتواضعة لازم يكونوا موجودين في كل برنامج لقوتهم وحمايتهم الممتازة .. وبنفس الوقت خفيفين جدا جدا وايضا سهل استخدامهم.

هذا رأيي المتواضع .. وهذه نصيحة لوجه الله من واقع تجربتي المريرة في عالم الكمبيوترات واللابتوبات .. ولو تدخلوا على موقع www.download.com وتبحثوا عن هالبرامج رح تلاقوا اقل تصنيف لهالرامج 4 نجوم.

وفقكم الله جميعا .. والله يحميكم من الفايروسات والهاكرس والسباي وكل مشاكل الكمبيوتر

 

[مرور الكرام]

شباب الرام اذا ماكان 2غيغا وفوق الفيستا فيه بطئ وممل نوعا ما خصوصا للي مايسوي تحديثات للجهاز من الشركة