سؤال ماهى أفضل سيارة ديزل فى الكويت ولها وكيل محترم...؟؟؟؟

الموضوع في 'اعلانات المركبات' بواسطة الوانيت1, بتاريخ ‏20 أغسطس 2008.

حالة الموضوع:
مغلق
  1. الوانيت1

    الوانيت1 عضو جديد

    التسجيل:
    ‏11 يناير 2007
    المشاركات:
    323
    عدد الإعجابات:
    0
    يا أخون أنا معجب بسيارات الديزل وذالك من كثر ما أجرت سيارات ديزل لما أسافر براا فالعزم قوى وكمية الوقود من الديزل مثلا 50لتر تقطعك أو توصلك لمسافات تصل الى700كيلو وبدون خوف حيث لم تولع اللمبة ولم يصل العداد لربع الربع الاخير ومع هذا رخص سعر الديزل بالعكس نفس الكمية من البانزين توصلك فقط400الى450كيلو هذا أذا السيارة يابانى كورولا ومن فى مستواها من سيارات البانزين.
    وسؤالى هذا على الاقل أشتريها للسفر فى الصيف وباقى السنة تكون تحت أستخدام السائق. كما أننى لااا حظت أنتشار هذا النوع من السيارات فى منطقة الخليج خاصة السعودية خصوصا جدة وما حواليها هذا غير تركيا وبلاد الشام ويلاد أوروبا...
    فما هى السيارة الديزل العائليه ولها وكيل محترم للصيانة.
    وأسف على الاطاله وشكرا للجميع............////.
     
  2. الوانيت1

    الوانيت1 عضو جديد

    التسجيل:
    ‏11 يناير 2007
    المشاركات:
    323
    عدد الإعجابات:
    0
    للرفع...........////.
     
  3. ©A©

    ©A© عضو جديد

    التسجيل:
    ‏7 يناير 2008
    المشاركات:
    539
    عدد الإعجابات:
    0
    بما ان نكك وانيت ف جرب وانيت ايسوزو الشكل الجديد و ديزل بصراحه حده عجيب

    عندنا واحد شريناه حق البر العام الماضي رحنا فيه الصمان طو العطله عبيناه مره وحده بس و قز ياولد بهالبرااااان.

    اما السيارات فماعندي فكره بصراحه و اعتقد ان مشكلتها بالتصليح مافي مصلحجيه :)

    يمكن كراجات السكسات الي بالشويخ دوار شهرزاد
     
  4. q8240z

    q8240z عضو جديد

    التسجيل:
    ‏18 أغسطس 2008
    المشاركات:
    134
    عدد الإعجابات:
    0
    الديزل

    السلام عليكم

    مثل ما ذكر اخوي في الوانية الإيسوزو وينزل ديزل

    اما سيارة عائلية ومكينتها ديزل ما أظن تحصل بالكويت

    وحتي لو يبت من برة الكويت منو يشتغل فيها وما تحصل ديزل بكل محطه

    فكر فيها
     
  5. الوانيت1

    الوانيت1 عضو جديد

    التسجيل:
    ‏11 يناير 2007
    المشاركات:
    323
    عدد الإعجابات:
    0
    شكرا لكم أخوانى على المرور والتعليق.
    نعم كلامكم صحيح أخوانى.
    ولكن المطلوب سيارة ديزل تستخدمها العائلة ولها وكيل فى الكويت يكفل الصيانة وتوفير قطع الغيار منها تتحمل كرف السائق والمشاوير وفى الصيف يتم السفر عليها لبلاد الشام وتركيا حيث البانزين فى تركيا اللتر ب780 فلس وفى بلاد الشام يقترب من300فلس . كما أن هذة النوعية من السيارات تتحمل الكرف وقليلة الصيانةوعمر المحرك الافتراضى أطول من محرك البانزين .ولايوجد بلاكات ولاشمعات ولابلاتين ولا وايرات كهرباء فقط فلتر يتم تبديلة كل 15 الف كيلو يعنى قليلة الاستهلاك وقوية العزم وأقتصادية جدا.
    ووانيت الأيسوزو أثبت جدارتة ولكن كأستخدام للعائلة وتوصيل البنات لكلياتهن والاولاد للمدارس فلا زلنا تحكمنا مسألة المظاهر أمام الناس.
    وكل الشكر لكم والاحترام مرة أخرى...........////.
     
  6. (فزاع)

    (فزاع) عضو جديد

    التسجيل:
    ‏18 ديسمبر 2007
    المشاركات:
    4,473
    عدد الإعجابات:
    0
    مكان الإقامة:
    .. الكون ..
    عندي لاندقروزر ..
    وكل واحد جرب اللاندقروزر يشوف اشلون النهيبه بالبنزين ..
    لدرجه ان كل اسبوع اعبيه 10 دنانير .. مع ان مشاويري محدده معينه وخاصه جدا ً ..

    يوم رحت السعوديه انصدمت ان اهناك عندهم لاندقروز بالديزل ..
    فكرت اسوي جذي ..
    لكن اطلعت السالفه اشوي دوخه .. اشلون ..؟
    لازم اتغير المكينه وتغير كل شي ..
    وباجر ما تضمن منو راح يصلح لك ..
    فـ شلك بعوار الراس .. :)

    خلك على مينونك ،، لا اييلك اين منه ..!
     
  7. Maxima

    Maxima عضو جديد

    التسجيل:
    ‏24 سبتمبر 2007
    المشاركات:
    830
    عدد الإعجابات:
    1
    سكودا
     
  8. المتفوق

    المتفوق عضو نشط

    التسجيل:
    ‏21 مايو 2007
    المشاركات:
    339
    عدد الإعجابات:
    3
    اخوي الوانيت إذا لك خاطر بسياره عائليه كشخه اوديزل بنفس الوقت
    عليك بالمرسيدس البوكس بس طبعا لازم يكون تجاري وبالنسبه للتصليح
    وقطع الغيار لاتشيل هم كل الكراجات الي بالشويخ مقابل الجيوان يشتغلون
    بالديزل.​
     
  9. Solid_investor

    Solid_investor عضو نشط

    التسجيل:
    ‏17 فبراير 2004
    المشاركات:
    1,461
    عدد الإعجابات:
    1
    مكان الإقامة:
    الكويت

    اللاند كروزر ديزل كان موجود عند الساير موديل 2008

    بس شلك بالديزل ؟ ماتحصله بكل محطة و صوت المكينة مزعج و كفائة المكينة اقل .....
     
  10. الوانيت1

    الوانيت1 عضو جديد

    التسجيل:
    ‏11 يناير 2007
    المشاركات:
    323
    عدد الإعجابات:
    0
    مبروك عليكم الشهر.........////.
     
  11. q82007

    q82007 عضو نشط

    التسجيل:
    ‏21 مايو 2008
    المشاركات:
    569
    عدد الإعجابات:
    0
    خلك صديق للبيئة وعندك بانزين
    اليورو الجديد سعر اللتر 275 فلس
    تقريبا
     
  12. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    إذا تبي شبح ٣٠٠ موديل ٩٧ ديزل تيربو نظييييف إستعمال شايب عنده سيارتين غيره و كله واقف بالمظله

    اللون كحلي من داخل جلد كحلي و ممشاه قليل حيل و حالته نادره مثل الجديد

    السياره موجوده في أحد دول الخليج و للتفاصيل راسلني عالخاص.
     
حالة الموضوع:
مغلق