فشله والله فشله

الموضوع في 'إستراحة المنتدى' بواسطة النائب, بتاريخ ‏22 أغسطس 2008.

  1. النائب

    النائب عضو نشط

    التسجيل:
    ‏19 مايو 2006
    المشاركات:
    514
    عدد الإعجابات:
    0
    شنو هالشفاحه

    والله اللي يشوف الطوابير والزحام الشديد علي الهدية والرمضانيه في الجمعيات او التموين يقول شنو مو شايفين خير شاللي صاير وعسى ماشر والمصيبة الاكبر يتخانقون وهواش وبكسات ودوري لا دوري انا
    الله اكبر

    والغالبيه تعتقد ان الهدية تستاهل الزحمة والوقوف في الدور لساعات
    يا ناس ترا الفرق ما يتعدى6 او 7 دنانير عن السعر في السوق
    بلاش شفاحه
    وكأن البيت فاضي وبتموتون من الجوع
    يا اخي اجلها يوم يومين ثلاثه اسبوع مو شرط تشوف الزحمة وتزيدها زحمه
    او اخذها من السوق اذا محتاجها ضروري ولاحق عليها بعدين لان مدتها تقريبا شهرين علي ما اعتقد
    يا جماعه
    الغني غني النفس
    والله ذكروني بتبرعات اهل الكويت للعراقيين علي الحدود لكن الفرق كبير هناك الناس محتاجه ومعذورين لان الجوع كافر والحصار ما يرحم
    لكن اللي صاير عندنا شيء يفشل من تقوله فيه توزيع هدايا تشوف
    الشفاحه بعينها

    بس عندي سؤال ليش
    بعض المنتجات الكويتية خارج الكويت ارخص من داخل الكويت!!!
     
  2. بو سليمان

    بو سليمان عضو مميز

    التسجيل:
    ‏1 يوليو 2005
    المشاركات:
    8,729
    عدد الإعجابات:
    16
    مكان الإقامة:
    الكويت /عريفجان
    تبي الصج هذا حق لهم لكن طريقة التوزيع فيها اذلال

    و الفشله مو هذي الفشلة يوم تبرع زكاة سمو الشيخ سالم العالي الزحمة و التدافع لناس لا يستحقون الزكاة
     
  3. الوافي ابو محمد

    الوافي ابو محمد عضو مميز

    التسجيل:
    ‏1 أكتوبر 2007
    المشاركات:
    6,146
    عدد الإعجابات:
    58
    خل أعضاء مجلس الأمه يروحون ويشوفون الطوابير لعامة الشعب الكويتي وخل بعد رئيس مجلس الأمه ورئيس مجلس الوزراء يشوفون الناس علي الواقع وبعد وزير التجاره معاهم ووزير الماليه يبا كل الوزاراء خلهم يشوفون الحقيقه علي الواقع شعب متنتف الله يكون بعونهم

    يمكن يحسون علي دمهم شوي ويوقفون المساعدات الخارجيه ويكون توجههم الأقربون أولا بالمعروف
     
  4. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    شلون نذل الشعب واسف على هالكلام بهالطريقه
    مع العلم انه في طريقه احلا واذرب وهي توصيلها للمنازل مثل مافي جمعيات توصل بالتلفون لخدمة اهل المنطقه امثال جمعية الدعيه وغيرها من الجمعيات

    والله عيب الي قاعد يصير بالديره

    واسف على الكلام الي ان قال فوق
     
  5. المدير

    المدير عضو مميز

    التسجيل:
    ‏14 مايو 2004
    المشاركات:
    651
    عدد الإعجابات:
    0
    مكان الإقامة:
    المؤشرنت
    السلام عليكم

    قبل كم يوم كلمني شخص عزيز من الرياض وتبادلنا الحديث عن

    السوقين الكويتي والسعودي وقبل السلام قال لي :

    بو فهد استلمت الهديه ...

    قلت اي هديه ...

    قال هديه رمضان :D:D:D وضحك ضحك شديد .

    العتب ليس علي الناس وانما علي الحكومه التي حتي في ابسط

    الاشياء لا تستطيع تنظيم هذه المساله .

     
  6. بو سليمان

    بو سليمان عضو مميز

    التسجيل:
    ‏1 يوليو 2005
    المشاركات:
    8,729
    عدد الإعجابات:
    16
    مكان الإقامة:
    الكويت /عريفجان
    الجمعيات اعضاءها مو فاضين اخذو عيالهم للامارات و الصين و رايحين يجبون مستلزمات مدرسية

    الربع ناوين يطلعون فلوس السفرة و الوناسة و يبون يجدودن السيارة

    الله يعينهم

    من يبي يشتري فرشات اسنان مصر و هي مصر رفضت دخولها يروح جمعية---------- عندهم 10مليون فرشاة اسنان من 3 سنوات و تم دفع فلوسها ل----- من اول اسبوع

    سلمي علي الجمعيات و اتحاد الجمعيات
     
  7. bo fawaz

    bo fawaz عضو نشط

    التسجيل:
    ‏25 يونيو 2006
    المشاركات:
    4,890
    عدد الإعجابات:
    2

    والله هذا الكلام المضبوط يابومحمد

    ودك تصور وتحط بالجرايد عشان الناس الى فوق

    تشوف
     
  8. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    بوسليمان مو احنه الي وصلناهم للمناصب هذي مثل ماوصلنه غيرهم خلها على الله


    خلني اقولك سالفه

    ولد عمي ماسك منصب كبير بشركة البترول فاول ماطلعله بيت باحدى المناطق قام وشكل قائمه كلها ناس دكاتره ومهندسين واصحاب شهادات عاليه وقال احنه نبي نمسك السنه التاسيسيه علشان نضع الاساس وبس

    بعد جم يوم جوه ناس من القائمتين يفاوضونه انه ينجحونه بس بشرط يمسكون الراسي والنائب وامين الصندوق ومدير الشتريات يعني بالعربي اشكره يبون يبوقون
    رفض ونزل هو وربعه تدري منو الي نجح والله اكثر واحد شهادته ثنويه والحين تكفه تعال شوف شمسوين
    تقدر تقولي منو السبب بتردي الوضع ؟
     
  9. النائب

    النائب عضو نشط

    التسجيل:
    ‏19 مايو 2006
    المشاركات:
    514
    عدد الإعجابات:
    0
    ماشي حق لهم لكن ليش يقبلون المذله وانا اجزم ان الغالبيه في غنا عنها
    لكن فعلا الذليل ذليل وما غلط ناصر الفراعنه لما قال
    لابغيت تعرف النفوس ارم الفلوس
    شكرا ابو سليمان
    فعلا طريقة التوزيع غلط
     
  10. النائب

    النائب عضو نشط

    التسجيل:
    ‏19 مايو 2006
    المشاركات:
    514
    عدد الإعجابات:
    0
    اخوي ابو محمد وانت تعتقد انهم ما شافوا الطوابير وما يعرفون الواقع
    يمكن لو تتمعن في وجيه اللي في الطوابير يمكن تحصل عضوء او وزير
    مسوي زحمه ...خلها علي الله
     
  11. الفال الطيب

    الفال الطيب عضو نشط

    التسجيل:
    ‏7 مايو 2007
    المشاركات:
    1,925
    عدد الإعجابات:
    42
    ايوالله فشله ..
    ومنظر غير حضاري ..
    لو كان فيه ترتيب وتنسيق قبل شهرين لعملية التوزيع وأن توزعها الجمعيات للمنازل مثل ما قال اخونا كان افضل ..
    ولو ما وزعوها افضل ..
    وتذكرون عملية صرف المكرمه الاميريه للمنحه , كان فيه ترتيب وتنسيق ممتاز تشكر عليه حكومتنا الرشيده ..
     
  12. Navigator

    Navigator مشرف مشرف

    التسجيل:
    ‏14 نوفمبر 2007
    المشاركات:
    28,212
    عدد الإعجابات:
    5,970
    مكان الإقامة:
    الكويت
    رايحين شرق اسيا عشان نكسب خبرات لتحويل الكويت مركز مالي

    وقبل ساعتين موقعين قرض لكمبوديا نص مليار دولار

    مبروك عليكم التقدم
     
  13. بدرالعتيبي

    بدرالعتيبي عضو جديد

    التسجيل:
    ‏8 يوليو 2007
    المشاركات:
    1,094
    عدد الإعجابات:
    0
    مكان الإقامة:
    مجلس التعاون الخليجي
    مساك الله بالخير بوسليمان لتوضيح فقط سمو الشيخ / سالم العلي عسى الله يرد لنا بالسلامه تبرعه ما كان زكاة كانت منحه في فرق بين الزكاة والمنحه
    بارك الله فيك أخوي بو سليمان
     
  14. النائب

    النائب عضو نشط

    التسجيل:
    ‏19 مايو 2006
    المشاركات:
    514
    عدد الإعجابات:
    0
    والله توصيلها للمنازل ...فيه احترام كبير لكرامة الانسان
    وهذا مكلف جدا ...... متى الجمعيات الاخرى تحترم مساهمينها
     
  15. bo_hamood

    bo_hamood موقوف

    التسجيل:
    ‏14 ابريل 2008
    المشاركات:
    241
    عدد الإعجابات:
    0
    هذي اخرتها والله فشله كلها فرقيه 5 دنانير لو بدوله افريقيه نقول ماشي بس نفط وفايض بالمليارات والشرهه علي الحكومه اللي قاعده تذلكم بهاهديه اللي مالها داعي تخلون شعوب الخليج تضحك علينا والله راح زمن الرجال الاولي بالحكومه تشوفلها حل حق زحمه الشوارع والكهربا وزحمه المستشفيات تبي غرفه بالواسطه ويوم انقطاع الكهربا عن وحده غسيل الكلي تصدقون مافي محول بديل؟؟؟؟؟ مو فالحين بس يوزعون الفلوس يمين وشمال خق دول مجهوله
     
  16. بدرالعتيبي

    بدرالعتيبي عضو جديد

    التسجيل:
    ‏8 يوليو 2007
    المشاركات:
    1,094
    عدد الإعجابات:
    0
    مكان الإقامة:
    مجلس التعاون الخليجي
    :confused:
     
  17. ابوعلي(الاوحد)

    ابوعلي(الاوحد) عضو جديد

    التسجيل:
    ‏2 أغسطس 2008
    المشاركات:
    216
    عدد الإعجابات:
    0
    هذيل ربعنا كأنهم مو شايفين خير
    و اوضح مثال سالفة توزيع تبرع سالم العلي
    واحد اعرفه عند بيت فيه ثلاث شقق ايجار و معاشه يسفره كل صيف
    وراح قدم طلب اذا تقوله ليش انت مو محتاج يقولك بهالديرة اخذ كل شي لا تخلي شي
     
  18. هذا انا

    هذا انا عضو نشط

    التسجيل:
    ‏11 أغسطس 2008
    المشاركات:
    305
    عدد الإعجابات:
    2
    والله كلام ابو سليمان عين الصواب
    ياخي شدخل المنحه ببيت الزكاة وبعدين انا اتوقع علي الي شفته من الناس لو مو زكاة لو ترميقات وآسف للكلمه هم يصير مدافع وزحمه الناس تبي فلوس ومو مهم شنو مصدرها وشنو نوعها شفيكم ربعنا ونعرفهم
    والحكومه اهم شي يفتكون بأي طريقه من اللويه والحجي واتوقع يتعمدون اذلال المواطنين بهالطريقه وفي مقوله يقولونها العراقيين (هاك لا هناك)
     
  19. الفال الطيب

    الفال الطيب عضو نشط

    التسجيل:
    ‏7 مايو 2007
    المشاركات:
    1,925
    عدد الإعجابات:
    42


    هذي الشفاحه بعينها ..
    الله يكافينا الشر ..!
     
  20. ابوعلي(الاوحد)

    ابوعلي(الاوحد) عضو جديد

    التسجيل:
    ‏2 أغسطس 2008
    المشاركات:
    216
    عدد الإعجابات:
    0
    و الله ماتدري ليش الشعب تغيرت نظرته للامور
    كانهم عايشين لاقتناص الفرص و استقلال كل شي
    كانه خير هالديرة بيخلص اليوم ولا باجر
    والبعض واكد البعض ذابحهم الحسد ​