ايراد يوم واحد من النفط يساوي اكتتاب جميع الشعب بالاتصالات الثالثة وزياده

[kwt.to.kwt]

أزيدك من الشعر بيت


كل دولار زيادة عن 25 دولار بسعر البرميل الكويتي

يوفر صافي للخزينة مبلغ 120 مليون دولار بالشهر

وعليك الحساب

الله يرزقنا إنشالله

هل تتوقع هالأرقام تخفى على مجلس الوزراء ؟؟

 

[قلم حر]

مو باقي الا نقول الكويتي يدخل الجنه بدون حساب

ذكروا الله واحمدوه على النعمه اللي احنا فيها . ترى النعمه زواله
غير سالفه هذي سددوا ديوني وعطوني منحه واكتتبوا عني وشيلوني وحطوني والسبب اني كويتي _ ويعني شنو كويتي !!!

كافي تذمر كافي تذمر كافي تذمر

 

[أوبال]

اشرايكم تقعدون في بيوتكم وتعطيكم الحكومه رواتب شهريه وتشتري لكل واحد فيلا للسكن وشاليه للوناسه وسياره اخر موديل للسايق وسياره كشخه للمعزب
وتدفع رواتب الخدم عنكم وتلغي فواتير الكهرباء والماي
و10 الاف سنويه بدل سفره
وبعد اغراض الجمعيه لازم تكون ببلاش
وانتو اكلو ونامو واستانسو

يااااخي كلامك يسرسح على الجبد...
يالله على إيدك

 

[kwt.to.kwt]

مو باقي الا نقول الكويتي يدخل الجنه بدون حساب

ذكروا الله واحمدوه على النعمه اللي احنا فيها . ترى النعمه زواله
غير سالفه هذي سددوا ديوني وعطوني منحه واكتتبوا عني وشيلوني وحطوني والسبب اني كويتي _ ويعني شنو كويتي !!!

كافي تذمر كافي تذمر كافي تذمر

لا إله إلا الله
والحمد لله والله أكبر

 

[P.Engineer]

بحسبه بسيطه ايراد يوم واحد من انتاج النفط الكويتي
الذي يعادل 2.5مليون برميل يساوي
اكتتاب جميع المواطنين وعددهم مليون تقريباً
بشركة الأتصالات الثالثة (25مليون دينار) ثلاث مرات


2.500 مليون برميل * 125 دولار = 312.500.000دولار ما يعادل 82مليون دينار
يعني يغطي الاكتتاب 3 مرات
بإختصار
ايراد 8 ساعات من النفط تغطي الاكتتاب بأكمله !!!

فهل يا ترى تقدم الحكومة الرشيدة على هالخطوة ؟؟؟؟؟

تقديرا للظروف الاقتصادية التي يمر بها الشعب من
1- غلاء الأسعار
2- دخول شهر رمضان والعيد
3-بداية العام الدراسي
وكذلك تكون هدية من الدولة بمناسبة ارتفاع اسعار النفط غير محتسبة بتقديرات الميزانية فهي فائض على الميزانية العمومية


​

2.5 مليون برميل هذا الانتاج كامل بس أنت نسيت أستهلاك الكويت الاستهلاك تقريبا 1.5 مليون برميل ... للعلم فقط

 

[kwt.to.kwt]

2.5 مليون برميل هذا الانتاج كامل بس أنت نسيت أستهلاك الكويت الاستهلاك تقريبا 1.5 مليون برميل ... للعلم فقط

كم فائض الميزانية للستة شهور الماضيه
14مليار دولار
ماشاء الله
وإحنا نحتاج لإقتراحنا 25مليون دينار

 

[P.Engineer]

قبل لا يدشون بهل معمعه يا ريت بس يشوفون ووضع الكويت النفطي والقطاعات ماتدرون شقاعد إصير مو وراكم ولا ابي أتحجى ... شوفوا قطر وين وصلت وصارت من أوائل الدولة المصدرة للغاز بسرعة رهيبة .. وإحنا غازنه كله محروق و مستخدمين كله حق كهربه والماي والنقص نستوردة من قطر ... راح أيي يوم خط الإنتاج و خط استهلاك الفرد بالكويت من الطاقة راح يتقاطعون و راح يصير إنه كل النفط إلى ننتجه راح تستخدمه بالطاقة لتوليد الكهرباء والماء إذا بنظل على جذي .. خلاصة كلامي هل فوائض لازم تستغل في تطوير الحقول لزيادة الأحتياطي .. الأنتاج مو شرط يزيد بس نبي الحقول تتطور لزيادة الإحتياطي ...