تاكسي جوال ولا الاسهم احسن ؟؟ اشرايكم

الموضوع في 'السوق الكويتي للأوراق الماليه' بواسطة بايعها, بتاريخ ‏11 مارس 2004.

  1. بايعها

    بايعها عضو جديد

    التسجيل:
    ‏3 يونيو 2003
    المشاركات:
    198
    عدد الإعجابات:
    0
    بعد التحية

    تناقلت الاخبار بالصحف موافقة وزارة الداخلية على تشغيل خدمة

    التاكسي الجوال في مناطق الكويت الحبيبة وهذا المشروع بصراحة تأخر

    تطبيقه كثيرا حيث هناك صعوبة في التنقل لمن ادخل سيارته الكراج او

    حتى لو باعها وقاعد يدور على غيرها فالحل كان اما انه يستأجر صني

    ولا جالنت ويقز عليها مشاويره واجرة اليوم مثل مانتو عارفين لا تقل عن

    خمس دنانير باليوم فعليكم الحساب او الحل الثاني انه ياخذ سيارة

    واحد من الربع مره ومره سيارة اخوه ومره سياره الاهل لين ربك يفرجها

    اما الحل الاخير فهو باص المواصلات وما اظن احد بالكويت ممكن يركب

    هالباصات

    المهم

    التاكسي الجوال الان وتطبيقه راح يسهل كثير من المعاناة خصوصوا ان

    التعرفة تعتبر مناسبة جدا ( 50 فلس لكل كيلو ) انا اتوقع انه مشروع

    ناجح جدا وارباحه خيالية وفي فترة قصيرة ممكن تطلع راس مالك وزيادة

    وممكن تتوسع بعد

    المطلوب لو واحد من الشباب يسوي لنا جدوى اقتصادية عالطاير بصراحه

    ودنا نغير مو كله اسهم اسهم يعني ننوع بالانشطة مع ان الاسهم وآخ

    من الاسهم اللي يشتغل فيها صعب يتركها

    هل تتوقعون سبعين الف دينار تكفي لمشروع تاكسي جوال بالكويت

    وشنو المعوقات لمثل هالمشروع وشنو الحسنات وشنو السلبيات ؟

    ملاحظة
    مطلوب سواقين للعمل في مكتب للاجرة شرط التفرغ والالمام بمناطق الكويت خاصة المناطق الخارجية والربح النص بالنص :D
     
  2. شاريه

    شاريه عضو جديد

    التسجيل:
    ‏25 يونيو 2003
    المشاركات:
    94
    عدد الإعجابات:
    0
    :D :D منو صاحب التاكسي الجوال اهم شي
     
  3. almotaktak

    almotaktak عضو جديد

    التسجيل:
    ‏4 فبراير 2004
    المشاركات:
    356
    عدد الإعجابات:
    0
    مكان الإقامة:
    الكويت
    هذا منتدي للأسهم

    شفيكم ياجماعة الخير هذا منتدى للأسهم ذاك اليوم وحدة من الخوات تقول أشتري أسهم ولا أفتح صالون واليوم أخوي بايعها يبي يفتح تاكسي والله هالشيء مو عيب بس تذكرت سالفة قبل عيد الأضحى كنت في الرقة في فرع بيت التمويل علشان العيادي وجنبي واحد بدوي عمرة بالخمسين مطوع ومحني لحيته بحنه حمراء اتباعا للسنه جزاه الله خير اتصل على واحد من ربعه وقاله صاحبة انت وين (حسب ما فهمت من مجرى الحديث ) قال له : والله يا خوي آنه بالبنك ودي أسحب عشر تالاف ودي أشتري فيها أسهم يقولون الربع إنها أبرك من الغنم فظحكت مطولا لأنه شايب على الفطرة السليمة المهم رأيي بالنسبة للتشكيل في مصادر الرزق وتنويعها أنه رأي صحيح مية بالمية حتى على مستوى الدول ما قاعد تخلي النفط مصدرها الوحيد والله يوفقك يا بايعها