ارجوا مساعدة يا اهل الخبرة

[الهاجري6]

الوالد مساهم بشركة سنة 1978 او 1979 مو متذكر اسم الشركة او بنك ما يدري ويقول مساهم مبلغ 30 دينار




ولا يدري عنه شيء يا اهل الخبرة السنة اي شركة فتحت الاكتتاب وين اقدر احصل

الشركة المساهم فيه اذا في مساعدة لا احد يبخل علينا


وتحياتي

 

[مديرو]

والله يالهاجري سؤالك صعب .. بس

احتمال يكون الوالد مساهم في

بيت التمويل الكويتي .. ​

 

[ميكانيكي]

روح البورصه

الدور الاول افتكر

عطهم الاسم والبيانات ويفيدونك شنو يملك الوالد

 

[Navigator]

روح البورصه

الدور الاول افتكر

عطهم الاسم والبيانات ويفيدونك شنو يملك الوالد

انت صح

البطاقه المدنية

يشيكون على شركة او شركتين ان ذكرتهم بالاسم مجانا

حسب مزاج الموظف ::verymad::

واذا تبي تشيك على كل الشركات تدفع رسم 10 دنانير

 

[حمدان]

الوالد مساهم بشركة سنة 1978 او 1979 مو متذكر اسم الشركة او بنك ما يدري ويقول مساهم مبلغ 30 دينار




ولا يدري عنه شيء يا اهل الخبرة السنة اي شركة فتحت الاكتتاب وين اقدر احصل

الشركة المساهم فيه اذا في مساعدة لا احد يبخل علينا


وتحياتي

اخوي الهاجرى ,,,
اتوقع العملية قد تكون محصورة بين 3
بيت التمويل الكويتى 1977
بنك برقان 1975
شركة اجليتى (المخازن ) 1979 وهى الاقرب وفقا للتاريخ المذكور اعلاة
ومثل ماتفضلوا الاخوان راجع شركة المقاصة وطلب كشف بالأسهم التى بأسم الوالد اطال الله بعمره ...

وبالتوفيق للجميع

 

[المانع]

اخوى الله يعينك انا طلبت من البوصه شهاده لشركه السور وتعتبر الشركه حديثه وتفاجأت من الموظف يقول ما فى بأسمك شى والمشكله الشهاده ضايعه وانا ماخذها من المقاصه شى يحير الزبده ابى شهاده شلون

 

[(فزاع)]

الوالد مساهم بشركة سنة 1978 او 1979 مو متذكر اسم الشركة او بنك ما يدري ويقول مساهم مبلغ 30 دينار




ولا يدري عنه شيء يا اهل الخبرة السنة اي شركة فتحت الاكتتاب وين اقدر احصل

الشركة المساهم فيه اذا في مساعدة لا احد يبخل علينا


وتحياتي

السلام عليكم ..
هلا والله الهاجري .. كيف الحال ..؟ بشرني عنك ..؟
نفس الموقف صارلي يا اخوي ..
وبعد ما سمعت الكلام من الوالد ..
استانست وفرحت .. وتوقعت ان في ارباح وفي شي ..
قعدت استفسر مثل ما انت تستفسر ..
رحت المقاصه .. الدور الاول .. سجل المساهمين ..
سآلني الموظف قال لي اي شركه ..؟ قلت له جيكلي على كل الشركات ..
قال لي تدفع رسوم 10 دنانير ..
انا قلت يالله مو مشكله ، ندفع 10 دنانير وانشوف الاسهم اللي شايبنا نام عليهم مدة 20 سنه ..

اخر شي جان يقول لي .. الشركات اللي اكتتب فيها شايبكم .. اعلنت افلاسها

ان شاءلله يالهاجري ربي يفرح قلبك ..
​

 

[مال و أعمال]

الوالد مساهم بشركة سنة 1978 او 1979 مو متذكر اسم الشركة او بنك ما يدري ويقول مساهم مبلغ 30 دينار




ولا يدري عنه شيء يا اهل الخبرة السنة اي شركة فتحت الاكتتاب وين اقدر احصل

الشركة المساهم فيه اذا في مساعدة لا احد يبخل علينا


وتحياتي

والله ياخوى السؤال وين المقاصة عنك وهى تجاوبك ابصاحه لازم يبلغون صاحب الاسهم عن ارباح اذا صارلة (خمس سنوات) او اهلة

 

[الرامي1]

انشا الله بيت التمويل

 

[الشاطر]

اتوقع شركه قيوين

 

[ابوعلي(الاوحد)]

أول شي / هل الوالد عنده رقم تداول ؟
اذا نعم يكون حل المشكلة سهل- لانه الموضوع يحتاج رقم مدني و رقم تداول لكي يكون اسهل
اذا لأ
راسلني عالخاص وانا ادزك على واحد يخدمك فيها

 

[ابوعلي(الاوحد)]

أول شي / هل الوالد عنده رقم تداول ؟
اذا نعم يكون حل المشكلة سهل- لانه الموضوع يحتاج رقم مدني و رقم تداول لكي يكون اسهل
اذا لأ
راسلني عالخاص وانا ادزك على واحد يخدمك فيها

واذا تبي بروكر يبيعلك اسهم الوالد بدون حضوره عندي واحد يخدمك ايضا
علما ان الخدمة مبنية عالثقة

 

[الهاجري6]

اشركم جميعا يا اخواني الاعضاء


وما قصرتوا علي الرد الطيب

من الجميع

وتحياتي لكم

 

[خبير النفط]

بيت التمويل
الميلامين
الاطارات
الادويه او الدوائيه
برقان
الاسواق
........البتروليه

الشركات ذاك الوقت كانوا كثير و الاكتتاب كان فى مكاتب المحاسبه مثل برقان و بدر البزيع و ابوطلاله و المسعود..
الله يعينك اذا الشركه ما فلست مثل الاطارات و الميلامين والادويه راح تلقاهم ان شاء الله