مهزله الأكتتابات

[mezkar]

ان مايحدث حقيقه مهزله ثلاث غير موجوده اوراق الاكتتاب في الشركه الثالثه وكل احضر للبنك الساعه ٩صباحا يقولون نفذت الاوراق واليوم وقفت عند بان البنك قبل لايفتح ومع تزاحم الناس في طوابير كانت المفاجئه انه لايوجد ورق اليوم تعالوا يوم الاحد قمه المسخره من وراء هذه الاعمال معقوله هذي حال البلد والله يستر

 

[العميل عبدالله]

توني الحين راد من بيت التمويل غطيت البطاقات اللي معاي الاوراق متوفره
ماشاء الله عليهم شزينهم ماطولت 5 دقايق

 

[mezkar]

اي فرع

 

[مراقب الاسهم]

ان مايحدث حقيقه مهزله ثلاث غير موجوده اوراق الاكتتاب في الشركه الثالثه وكل احضر للبنك الساعه ٩صباحا يقولون نفذت الاوراق واليوم وقفت عند بان البنك قبل لايفتح ومع تزاحم الناس في طوابير كانت المفاجئه انه لايوجد ورق اليوم تعالوا يوم الاحد قمه المسخره من وراء هذه الاعمال معقوله هذي حال البلد والله يستر

الخبيث اللي حشر الاكتتاب في هذا الوقت الحرج مو بعيده عليه
يخطط على احتكار نماذج الاكتتاب عشان مايخلي عامه الناس يكتتبون معاه مو معقوله من اول يومين اكتتاب تخلص النماذج الشركه المؤسسه للاكتاب حاطه ((((عموله وتكاليف اصدار 5 فلوس على السهم حق شنو ))))

والمصيبه ان تكاليف الاصدار (((غير قابله للاسترجاع بعد التخصيص )))

يرجعون لك الفائض 100فلس بعد التخصيص بدون ال 5 فلوس تكاليف اصدار

يعني مو دافع من ورث ابوه شيء لما يطبع اوراق بافخم وارقى مطبعه
ويعمل سايت بالانرنت وحتى يجند موظفين توصيل منازل للمعاقين وكبار السن

ولكن ما اقول حسبي الله على اللي كان السبب

 

[ياسر الروقي]

رحت اليوم الساعه 8 الصبح لقيت زحمه بيت التمويل قالو تعال يوم الاحد
رحت التموين بستلم هدية باقر لقيت الناس زحمه والباب مسكرينه العمال والعالم فوق بعض قالوا تعال يوم الاحد
رحت الصحه بستلم اوراق ومفروض خالصه من الاثنين قال الموظف تعال يوم الاحد

عاشت الحكومه الاكترونيه عاش المركز المالي عاش جليب الشيوخ والحساوى

 

[العميل عبدالله]

اي فرع

فرع شرق اللي بشارع احمد الجابر