اللقاء التلفزيونى مع Q8 Stock اليوم ..تابعوه

[الصافي@]

ياكثر التوصيات استفدنا منها من هالرجال
ودعم ومقاومة جنبت الاخوان خساير كبيرة بفضل الله ثم الطيبين امثال بوعلي
انا بكلامي هذا امثل شريحة كبيرة من الاعضاء
مانسمح لكم تطرحون هالطرح​

يا اخوي بوعلي عزيز وغالي وشرف لنا ولمنتدى الكلام هذا من باب المداعبه

عشان يشوفها بوعلي ويضحك

 

[بوزييز]

شباب والله نعست وخذيتلي غفوه وماشفت المقابله
محد فيكم نزلها وله في طريقه ثانية نشوف فيها المقابله

 

[C-oNtROoL]

المذيع : كم تتوقع نقطة الدعم ـ وكم تتوقع نقطة المقاومة !

بالاضافة لذلك كان المفروض يساله عن آراء المتداولين بالوضع الحالي بما أنه مشرف منتدى ومطلع على المشاركات لينقل رسالة الأعضاء المتضررين ـ الربحان والطبعان والشرح للوضع الحالي وردود فعل المتداولين​

 

[basmman]

والله ما ينلام

أنا أذكر من 15 سنة دعوني أعطي محاضرة في احدى الهيئات الحكومية و أمام حوالي 40 مهندس و كان أول مرة بالنسبة لي أحاضر أمام ناس تشوفهم قاعدين يخزونك كلهم شباب و بنات .....اتصدقون من كثر الارتباك و المحاتات قعدت 10 دقايق ماني قادر أتكلم ..استأذنت منهم علبو اني ناسي بوينتر بالسيارة و أهو في مخباتي هههههه....رحت دخنت سجارة و رديت ههههه..كان هذا أول مرة .....

 

[AL.MOUSAWI]

ما قصر أبو علي مشرفنا العزيز...ولم يكن مرتبكا...بل متوترا قليلا وهذا احساس عادي يواجهه كل من يقف أمام الكاميرا ...حتى أن عملاق الشاشة العربية يوسف وهبي ...يقول في مذكراته انه يشعر بتوتر وشد عصبي كلما وقف أمام الكاميرا..ولا يزول هذا التوتر الا بعد فترة من الزمن.تحياتي الى مشرفنا العزيز أبو علي والى مزيد من النجاح والتألق.

 

[بوزييز]

والله ما ينلام

أنا أذكر من 15 سنة دعوني أعطي محاضرة في احدى الهيئات الحكومية و أمام حوالي 40 مهندس و كان أول مرة بالنسبة لي أحاضر أمام ناس تشوفهم قاعدين يخزونك كلهم شباب و بنات .....اتصدقون من كثر الارتباك و المحاتات قعدت 10 دقايق ماني قادر أتكلم ..استأذنت منهم علبو اني ناسي بوينتر بالسيارة و أهو في مخباتي هههههه....رحت دخنت سجارة و رديت ههههه..كان هذا أول مرة .....

ماشاء الله قبل 15 سنه عيل انت الحين اكبر من ابوي

 

[basmman]

ماشاء الله قبل 15 سنه عيل انت الحين اكبر من ابوي

اييييييييييييييييي أكيد بس قلبي خضر للحييين ههههههههههه

أخوك بوعبدالمحسن

 

[المعوشرجي79]

بالنسبة للمقابلة هذا رايي الشخصي

لمجرد اول طله على التلفزيون الواحد يصاب بارتباك او بمعنى اصح رهبه لمجرد الظهور على الشاشة واخونا بوعلي هذا الي صار معاه انا اقولك يا بوعلي الله يعطيك العافية ماقصرت بالعكس هاذي البداية واخوانك كانوا معاك قلبا وقالبا ، صحيح ان مو كل الناس ترتبك على حسب الشخص ذاته ولكن برايي الشخصي يجب ان يكون الشخص مؤهل لمثل تلك المقابلة وانا مع احترامي الشخصي لكل المشرفين والاعضاء الموجودين اشوف الاختيار كأنه وقع مكرها للاخ بوعلي ( حسين الشمري ) يعني بالعربي جنه ما يبي يطلع بالمقابله بس الاخوان اصروا انه يطلع ، صحيح الاخ بوعلي يملك خبرة في التحليل والتوصيات ولكن قوة الظهور على الشاشة الصغيرة لها شأن اخر لذلك نقولك يا بوعلي الله يعطيك العافية وما عليه كل الناس ترتبك وان شاء الله الجايات اكثر وموفق خير ان ان شاء الله ، واقول للاخوان الي ينتقدون خفوا شوية ترى بوعلي كنز بالنسبة لنا اما الي يدافعون بشراسة نقول ترى بوعلي ما يحتاج

 

[FOCUS]

الله يعطية العافية عالوقوف جدام الكامرا
تري الوضع صعب بالنسبة لاول مرة
شباب انا اقدر اتكلم بالثانية عشرين كلمة
مرة سالوني بالمهلب اتوقع بخصوص الزيادة
والله تبلعمت ماقدرت اتكلم

والله نفس الشئ حصل معاي ...

فزت بمسابقة تصوير فوتغرافي وكانت بهلا فبراير لأول مرة ... والمذيع نزقة لاحقني من مكان لمكان قال لي راح نجري لقاء معاك للقناة الثانية الأجنبية تتكلم عن الصور ... قلت له آسف روح حق الأول أو الثاني قال نبيك أنت كلمة كلمتين ماكو مشكلة قلت له أخاف من الكاميرا ... أخوك بالعربي إرتباك وبدليات هالنوب بالإنجليزي إنحش ياولد ...


لاتلومون بوعلي أول مرة ونقل مباشر على الهوا .... ماينلام ... أعتقد الثقة راح تزيد بالمرة الثانية شد حيلك يابوعلي



أخوكم فووووووكس

 

[Master-Leo]

الله يعطيه العافيه ومنها للأعلى يستاهل بوعلي ولو إني ماشفت اللقاء بسبب الدوام إذا في امكانيه حطوه لنا نشوفه

وبعدين من هاللي قاعد يعيب ؟! 90% من اللي يكتبون بالمنتديات كله بدليات ومايكتبون جمل عربيه مفيده وهم تعيبون عيل لو تواجهون كاميرا شتسوون !

 

[Trend Line_Q8]

كان المفروض بو علي يستفيد من اللقاء لأنها تعتبر فرصه ممكن ما تتكرر !
وواضح إن مشرفنا العزيز مرتبك وبين هذا في طريقه كلامه ويعطيك إحساس كأنه اللقاء حدث بالصدفه بدون تحضير !

والله تمنيت لو إنه ينسى الكاميرا ويعتبر بأن المذيع لا يفقه بأمور التحليل الفني ويبدأ بمقدمة يشرح مفهوم التحليل الفني بطريقه مبسطه وسريعه وبعدها ينطلق للقنوات اللي رسمها بالشارات ومدى تأثيرها ونقاط الدعم المقاومة ويكون موضحها بالشارت وليس فقط سرد أرقام !
كان هناك مجال لأن يتألق بوعلي خصوصا إن المذيع حاول اكثر من مره بإعطائه المجال ولكن بوعلي يتكلم بالقطاره كأنه خايف يطيح بالمحظور !

كلمة اخيرة :
اتمنى ما يزعل بو علي من هالرد ولكن صديقك من صدقك وليس من صدقك واتمنى في المرات القادمة التوفيق له ولكن واحد من الأخوان يظهر بالتلفزيون بالمرات القادمة .​

 

[أسد سليمان ملك]

وين خاش هالجمال والاناقه يابوعلي ولا بس تعرف تحرمنه منه الله يعطيك العافيه على التميز وبارك الله فيك ونبيك تكرر ها
بارك الله فيك

 

[بوزييز]

اييييييييييييييييي أكيد بس قلبي خضر للحييين ههههههههههه

أخوك بوعبدالمحسن

هلا فيك يابوعبدالمحسن وان شاء الله دوم قلبك خضر

 

[saber ayoob]

:

الله يعطيه العافيه ومنها للأعلى يستاهل بوعلي ولو إني ماشفت اللقاء بسبب الدوام إذا في امكانيه حطوه لنا نشوفه

وبعدين من هاللي قاعد يعيب ؟! 90% من اللي يكتبون بالمنتديات كله بدليات ومايكتبون جمل عربيه مفيده وهم تعيبون عيل لو تواجهون كاميرا شتسوون !

نتبههثىر كهثتهثك ىرىعثهىر عقهثلارثهلا قعكنةوؤ
انا فى احد المقابلات

 

[Shima]

السلام عليكم

بالنسبه حق اول مره يظهر فيها بالتلفزيووون يعتبر ممتاز ​

اللقاء فووق الممتاز مثل ماقلتي اختي ليلى بالنسبه لاول مرره
في البدايه واضح كان مرتبك بس بعدين ماشاء الله خف الارتباك ان شاء الله الجايات احسن

 

[(فزاع)]

اشفيكم على بو علي ..؟
اصلا ً يا بخت التلفزيون انه بو علي طلع فيها ..



بو علي ..؟ وين البشت ..؟ لايكون الكواي احرقه ..

 

[نقوشي]

السناعيس مو اهل كلام ... اهل افعال ...

تسلم يابو علي ماقصرت

 

[المرسومي]

يبا بسكم حش بالرجال جزاه الله خير على ما قدم

ترى ماشف اللقاء وإذا توروني اياه يمكن أغير رايي ​

 

[Q8 Stock]

السلام عليكم


شاكرلكم على المتابعه والنقد
كلامك سليم الارتباك كان مسيطر علي
نعم اول ظهور لي بالاعلام وان شاء الله مايكون الاخير
الكلام اللي قلته لم ارضى به
اذا صارت لي فرصة ثانيه ما اتردد احاول فيها

نعم كنت محضر اشياء كثيرة لكن قدر الله ما شاء وفعل

لن يضايقني احد في كلامه

وسامحوني



هذي رساله وصلت لي على الخاص وحبيت اتشكره

من كثر ماكنت تطرد الناس وتشطبهم من المنتدى وانهم كانوا على حق اليوم جا الدور عليك انك تطلع بالتلفزيون وانت ضعيف ركيك ماعندك شي تقوله هذا عقاب من الله والله شديد العقاب واتعظ يوم لاينفع مال ولابنون

 

[الطـبـيـب]

صج أخوي بو علي كنت شويه مرتبك
بس مو لهدرجه

وان شاء الله نراك وأنت تحلل بشكل افضل في الايام القادمة