اللقاء التلفزيونى مع Q8 Stock اليوم ..تابعوه

[kwk]

المرة الثانيه تشوفون اغرد ويصير احسن من المذيع من يراهني

 

[أسد سليمان ملك]

والله جني بروح اليوم سوق التمور بالشويخ واشتري هالفنخا

لاتنسانه معاك نبي تنكه

اظهر يابوسليمان على حقيقتك ليش مخبي كل هالعلم عنا لييييييش

اشعبالك كل بوسليمان فيه ابداع بس مايبينون

 

[لسه فاكر]

مع اني ما شفت اللقاء لكن متأكد انه بو علي مشرفنا كان متميز بغض النظر عن الارتباك لانها او مرة وتلفزيون وكامرات وعلى الهواء مباشرة ...

وان شاء الله في المرات القادمة يكون أفضل

 

[BO-MUBARAK]

اول ظهور لي على التلفزيون !!!!! تدرون شنو

اكيد تعرفون البرنامج ( الفنان الصغير )

مو خرتها الى ضيعت الطاسه لووووووووووووووووووووووووووووووووووووول

وبعد الفاصل ضبطت الامور شنو كنت مخترع الله لا يوريكم مو جهال هالوقت السانه يلوط اذانه


خيرها بغيرها اخوي كويت ستوك

 

[kwk]

السلام عليكم


شاكرلكم على المتابعه والنقد
كلامك سليم الارتباك كان مسيطر علي
نعم اول ظهور لي بالاعلام وان شاء الله مايكون الاخير
الكلام اللي قلته لم ارضى به
اذا صارت لي فرصة ثانيه ما اتردد احاول فيها

نعم كنت محضر اشياء كثيرة لكن قدر الله ما شاء وفعل

لن يضايقني احد في كلامه

وسامحوني



هذي رساله وصلت لي على الخاص وحبيت اتشكره

والله المقابله فوق الممتازة لاتحاتي والي طرش المسج عيب عليه هذا الكلام الكل يشهد لك الكل اخوان في هذا المنتدى ولا نرضى بالغلط يجب عليه الاعتذار بيضى الله وجهك الله يوفقك و وفق الجميع ويهدي الي كتب المسج

 

[فلسني البدر]

الله يوفقك

مايميز المنتدى وجود خيره من الشباب يحبون الخير لأخوانهم وانت منهم

الى الامام الله يحفظك ياشمري

 

[دربك خضر]

ياشباب لازم تفهمون شي

بما أني لي جم لقاء في التلفزيون

أحب أوضح لكم عدت أمور من خبره


أول شي اللقاء الأول على التلفزيون وفي مبنا التلفزيون بالذات شي مهيب

للكامرات إلي دار مادارك والمذيع إلي ما تدري شنو يبي يسئلك والمصورين والمعدين والمخرج ومساعده إلي كل ساع يكلمون المذيع ويربكونه ويربكونك

ثاني شي في حاجه مهمه
وهو هل اللقاء على الهواء مباشره أو مسجل

أنا جربت الإثنين المسجل تغلط مليون غلطه ما يهم تعيد وتسجل مليون مره
بس إذا على الهوا مثل ما حصل بخوي الفحل أبو علي وخاصه أول لقاء فيكون الوضع مرعب ليش ؟؟ لأن يكون بمخيلتك إن العالم الحين كله قاعد يشوفك وهذا إلي يسبب الإرتباك لأي واحد وخاصه أول ظهور له
ومع عدت الحلقات يصير الأمر عادي

والله آنا ما شفت حلقت الغالي أبو علي علشان أحكم عليه

بس والله العظيم - وماهي مجامله - الروحه والطلوع على الشاشه الفضية على الهواء مباشرة ما يسويها غير السبع - وأنا أشهد إنك يا بو على سبع - لأنه كثير من إطوال الشوارب يفر من هالموقف - والله يوفقك ...

 

[m.h.a]

شالسالفة محد رافع رابط للمقابلة​

 

[ميكانيكي]

منو اللي قالي انه خال قصير ومتين

حسين علي الشمري

سبحان الله لابتوبه نفس لابتوبي

ترى اللابتوب اللي معاه..متسلفه من عندي أمس .....يخوفي ينساه بالاستديو.!!!!!

هههههههههه

يا جماعة نبي نشوف اللقاء

اي والله متى الاعاده

 

[الاوربي]

يقولون مشرفناااا يشبه مهند

 

[المانع]

هههههههههه


اي والله متى الاعاده

الفال لك بس موتغيب عنا

 

[(فزاع)]

السلام عليكم


شاكرلكم على المتابعه والنقد
كلامك سليم الارتباك كان مسيطر علي
نعم اول ظهور لي بالاعلام وان شاء الله مايكون الاخير
الكلام اللي قلته لم ارضى به
اذا صارت لي فرصة ثانيه ما اتردد احاول فيها

نعم كنت محضر اشياء كثيرة لكن قدر الله ما شاء وفعل

لن يضايقني احد في كلامه

وسامحوني



هذي رساله وصلت لي على الخاص وحبيت اتشكره

حبيب قلبي والله بو علي ..
افا عليك بس .. لا تتضايق ولا تتكدر ..
خلهم يتحجون وينبحون مثل ما يبون .. وخلهم يتكلمون ..
هذي ضريبة النجاح .. انك تلقى اللي حوالينك يتحجون عنك ..
خل ببالك شغله .. ان مو مهم الناس اتعرف انت شنو ..
المهم ان انت تعرف شنو انت ..

وانا ما الومك والله على الارتباك الخفيف اللطيف الظريف ..
لأن التلفزيون بحد ذاته رهبه ذاتيه ..
انا لو اشوف برنامج فكر واربح بالشارع اروح بطريج ثاني خخخخ
وعلى فكره ان اكبر خوف يحوش اغلب البشر بحسب الاحصائيات ..
الاول اهو الظهور جدام الجمهور والثاني اهو ركوب الطائرات ..
عاد ما يندرى اذا اتخاف من الطياره ولا لأ هههههههههه

لكن فديتك والله اتينن ومافيك الا العافيه ،، وهالارتباك شي طبيعي ..
يبيلك الحين تتغدى برياني دياي مع اقلاص لبن .. وتحط راسك على المخده وتنام ..
وتقعد وتصير الدنيا عندك حلوه وبسيطه ..

وبعدين احاجيك ..؟ منو هذا اللي طارده وشايل بقلبه عليك خخخخخ
​

 

[boalons]

بس والله العظيم - وماهي مجامله - الروحه والطلوع على الشاشه الفضية على الهواء مباشرة ما يسويها غير السبع - وأنا أشهد إنك يا بو على سبع - لأنه كثير من إطوال الشوارب يفر من هالموقف - والله يوفقك ...

والله انك جبتها

 

[حدي متفائلة]

يقولون مشرفناااا يشبه مهند

احلف

حساااااااااااااااافة ما شفته 000 عندنا مهند كويتي يا بختنا

 

[الراقي]

بوعلي العزيز
والله اني كنت متوقع انك شوي ترتبك
وسبب اني كان لي الشرف ان ألتقي فيك عند اخونا العزيز بوسليمان وكنت اهذر على راسك وانت كنت نعم المستمع حتى اني خجلة من نفسي وقلت والله هذا الأنسان قمة في الأخلاق وطحت بحبك من اول نظرة
وان شاء الله يابوعلي خيرها بغيرها​

 

[marvel]

بس والله العظيم - وماهي مجامله - الروحه والطلوع على الشاشه الفضية على الهواء مباشرة ما يسويها غير السبع - وأنا أشهد إنك يا بو على سبع - لأنه كثير من إطوال الشوارب يفر من هالموقف - والله يوفقك ...

100% .. اوافقك الراي .. يعطيك العافية بوعلي.

 

[Q8 Stock]

نشكركم على بث الروح والتفائل
ووقفت الاخ لاخوه


بارك الله فيك

 

[فلسني البدر]

تستاهل يالغالي

احنا كلنا عائله وحده

 

[(فزاع)]

نشكركم على بث الروح والتفائل
ووقفت الاخ لاخوه


بارك الله فيك

بو علي اشلون المعجبات معاك ..

 

[نوط بو 1000]

حبيب قلبي والله بو علي ..
افا عليك بس .. لا تتضايق ولا تتكدر ..
خلهم يتحجون وينبحون مثل ما يبون .. وخلهم يتكلمون ..
هذي ضريبة النجاح .. انك تلقى اللي حوالينك يتحجون عنك ..
خل ببالك شغله .. ان مو مهم الناس اتعرف انت شنو ..
المهم ان انت تعرف شنو انت ..

وانا ما الومك والله على الارتباك الخفيف اللطيف الظريف ..
لأن التلفزيون بحد ذاته رهبه ذاتيه ..
انا لو اشوف برنامج فكر واربح بالشارع اروح بطريج ثاني خخخخ
وعلى فكره ان اكبر خوف يحوش اغلب البشر بحسب الاحصائيات ..
الاول اهو الظهور جدام الجمهور والثاني اهو ركوب الطائرات ..
عاد ما يندرى اذا اتخاف من الطياره ولا لأ هههههههههه

لكن فديتك والله اتينن ومافيك الا العافيه ،، وهالارتباك شي طبيعي ..
يبيلك الحين تتغدى برياني دياي مع اقلاص لبن .. وتحط راسك على المخده وتنام ..
وتقعد وتصير الدنيا عندك حلوه وبسيطه ..

وبعدين احاجيك ..؟ منو هذا اللي طارده وشايل بقلبه عليك خخخخخ
​

أفا والله يا فزاع ما هقيتها منك

ترا صديقك من صادقك مو من صدّقك

و أنا عن نفسي لما قلت رايي ما نكرت إني لو كنت مكانه برتبك أكثر منه بمراحل

وإللي إنتقد ما كان ينبح (الله يكرمك إنت و القراء) لكن كان قصده يكون مرايه لبو علي عشان يقوّم من نفسه في المقابلات القادمه إن شاء الله

بخصوص الشخص إللي دز الرساله الخاصه حسافه نسولف فيه.