{{{ المدينه للاستثمار }}} عملية تصريف

[أسد في البورصة]

محاوله للتصريف اوصلت السهم الى القيعان ولكن لم يحالفه الحظ لاستعادة نقطته السابقه 405فلس بسب حجم الكميه المعروضه للتصريف

 

[ALSALEM]

شخبارك اخوي اسد
ودي اعرف نظرتك له وين يبي يوصل
لاني مو فاهم كمية التداول كبير وهذي وان كانت تصريف بس في ناس قاعده تشتريها يعني ارباح

 

[أسد في البورصة]

ياهلا بخوي alsalem شلونك عساك بخير
انت عاد الاخبار الزينه عندك دايما ونستفيد منك ومن الشباب الطيب

الحاصل ان
هذا السهم محير بهذي الايام مع ان الاخبار عليه ممتازه وآنه بكل صراحه املك فيه من بداية ادراجه ومربح جدا والتوقع له يصل 460 فلس ومن ثمه 485 ولكن طريقة التداول امس واليوم لاحظ النزول من ال430 الى 400 فلس اعكست نظرية الفيبوناتشي ونقاط المقاومه والدعم وحاول انه يستعيد نفسه لكن موجة التصريف كانت اقوى

كمية التداول كبيره نعم وكان راح يعدل مساره لكن خوف الناس من نزول ساحق للسهم عند كسر نقطة ال390 كانت نقطة دعم قويه ولو انه كسرها راح ينهار السهم الى 370 لكن بعض المحافظ المضاربه اسندت السهم لأنهم شايلين على 400 و 405 امس واليوم

تأمل خير وحاول اذا بدأ بالتصريف مثل اليوم امش مع الموجه قط وشيل من تحت والله المستعان

بس انا خوفي من المؤشر السعري قبل شوي قاعد احلله حيرني كأنه يقول اذا فيني شده راح انزل الى 14,388 وهذا امر وارد في بورصة الكويت

 

[ALSALEM]

ياهلا بخوي alsalem شلونك عساك بخير
انت عاد الاخبار الزينه عندك دايما ونستفيد منك ومن الشباب الطيب

الحاصل ان
هذا السهم محير بهذي الايام مع ان الاخبار عليه ممتازه وآنه بكل صراحه املك فيه من بداية ادراجه ومربح جدا والتوقع له يصل 460 فلس ومن ثمه 485 ولكن طريقة التداول امس واليوم لاحظ النزول من ال430 الى 400 فلس اعكست نظرية الفيبوناتشي ونقاط المقاومه والدعم وحاول انه يستعيد نفسه لكن موجة التصريف كانت اقوى

كمية التداول كبيره نعم وكان راح يعدل مساره لكن خوف الناس من نزول ساحق للسهم عند كسر نقطة ال390 كانت نقطة دعم قويه ولو انه كسرها راح ينهار السهم الى 370 لكن بعض المحافظ المضاربه اسندت السهم لأنهم شايلين على 400 و 405 امس واليوم

تأمل خير وحاول اذا بدأ بالتصريف مثل اليوم امش مع الموجه قط وشيل من تحت والله المستعان

بس انا خوفي من المؤشر السعري قبل شوي قاعد احلله حيرني كأنه يقول اذا فيني شده راح انزل الى 14,388 وهذا امر وارد في بورصة الكويت

تسلم يالحبيب وان شاء الله نشوف تاليه وانا معاك وهذي اعتبرها دعوه للبيع لوقف النزيف اذا كسر ال 390 يومين بييييييييع

 

[أسد في البورصة]

لاتحاتي اخوك ماصار أسد في البورصه الا كل ما نزل انزل معاه وسايره انا املك محفظه ولكن ماأجازف فيها لانها تعب سنين

والبيع عند كسر 390 لوقف الخساره بكميات كبيره اما اذا كانت الكميه قليله لا تقط

والامر راجع لخبرتك وعساك سالم

 

[سالم 999]

السلام عليكم ورحمة الله وبركاته

اللي حاصل انه فيه شخص دخل على السهم بكميات طلع عليه السعر فوق والحين يحاول الخرووج من السهم في أقل خساير وهذا اللي حصل حسب ما وصلني والله اعلم

 

[xokx]

اموت واعرف من وين تجيبون هالتحليلات
ومن وين هالاخبار واحد مشتري فوق ويبي يصرف
ياجماعه حلال ناس اذا ماي دليل قاطع لا تقطونها قط وتخلونها تذوب بعقول الناس

 

[الوافي ابو محمد]

السلام عليكم ورحمة الله وبركاته

أخواني الأعزاء أشكركم علي طرح مثل هذا الموضوع حيث اني سبق وقد حذرت من مجموعه المدينه في صفحتي السابقه بأنهم راح يصرفون علي العالم وقلت إن شاء الله يطلع كلامي مو صحيح وللأسف أصبحت المعلومه صحيحه وإذا فيه أي تطورات علي الموضوع راح أبلغكم بإذن الله تعالي
أخوكم ابو محمد الوافي

 

[مارس1]

شكرا لك يالوافى على مرورك الجميل واحنا ماراح ننسى افضالك

 

[أسد في البورصة]

السلام عليكم ورحمة الله وبركاته

أخواني الأعزاء أشكركم علي طرح مثل هذا الموضوع حيث اني سبق وقد حذرت من مجموعه المدينه في صفحتي السابقه بأنهم راح يصرفون علي العالم وقلت إن شاء الله يطلع كلامي مو صحيح وللأسف أصبحت المعلومه صحيحه وإذا فيه أي تطورات علي الموضوع راح أبلغكم بإذن الله تعالي
أخوكم ابو محمد الوافي

ماقصرت يا خوي الوافي بومحمد هذا الكلام عن سهم المدينه خلاك تذكر اخوانك وتحذرهم والله يعطيك العافيه وبميزان حسناتك

 

[كيزر]

جزاك الله خير