.,.,., موضوع صراحة يغثني وايد .,.,.,.

الموضوع في 'إستراحة المنتدى' بواسطة yoyo1983, بتاريخ ‏30 أغسطس 2008.

  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy



    السلام عليكم ورحمة الله وبركاته ،،،

    شلونكم ..؟؟ شخباركم ..؟؟ إنشاء الله رمضان خفيف عليكم هالسنة ... وإنشاء الله شهر الخير والبركة علينا أجمعين ...

    عندي لكم موضوع صراحة يغثني وايد .. ويرفع ضغطي .. اللي اهو لما اركب سيارتي وانطلق بالشارع .. تمر علي بلاوي تسبب لي أزمة نفسيه ..


    الواحد لما يسوق سيارته تكون وسيله وضرورة للتنقل .. مو مهمة انتحارية .. ولا أداة يقتل فيها اللي حوالي .. بدون أدنى تحمل للمسؤولية ..

    ليش السرعة ليش !! .. تحرق قلب أمك .. وتموت ناس .. وتأذي روحك .. وتتحسف طول عمرك ..!!
    الطفاقه ( الإستهتار والرعونة).. ما زيـــــنه يا ولدي .. والشارع ما شــــارع أبوك …

    آنا اللي اعرفه انه أسرع حارة اهيه اليسار .. واللي يبي يمشي بطيء بفتح السايد للي وراه .. والسرعة القصوى عندنا بالكويت في الخط السريع اهي 120 ( طبعا وايد ما يعترفون في هالسرعة ) .


    يعني .. اللي ما يمشي في أقصى اليسار 120 لازم يأخذ يمين يفتح للي وراه .. لان الشارع مو على كيفه وفي ناس مستعيله .. والسالفة مو سالفة عناد !!
    بس أنا أقولكم متى تصير سالفة العناد ..!!

    لما إيي واحد غبي والشارع أصلا زحمة والسيايير ورا بعض ويترك (يعني وخر ) جنه مينون !! .. يعني شنو مثلا السيايير كلها تتقلقص ( تتزاحم ) !! بس علشان حظرته يطوف .. اهني لازم الواحد يعانده ويحقره بعد.

    وإلا الثاني إيي دايس وحالته حاله أقول اوكي بفتحله مجال لما اقدر ... ويشب العالي !! انزيـــــن ..يعني شنو اركب على السيايير وإلا اذبح نفسي !! إنشاء الله ما مريت .. خلك جذي متى ما قدرت وخرت افتحلك الطريج .

    يا شين اللي توهم سايقين وكاشخين بليتهم العالي ..


    لا لا وفي ناس الحمد الله معقدين ..!! طول الوقت قاعدين باليمين بس آخذ يسار إيي يأخذ يسار ويدوس يبيني اوخر !! شنو عقده نفسيه وإلا سبـــاق ..

    والداهـــــــــية لما إييون اثنين هتليه (صايعين) يتسابقون .. استحوا على ويوهكم .. في عوايل وياهال وناس مالها ذنب ..

    واللي يبتون (يتخطى السيايير).. وكذا مره جدام عيني دايس يبتون وبغا يدعم !! انزين لـــــيش !! والمشكلة ما وراه شي ولا مستعيل .. ولما يذبح الناس .. ويرفعون علي قضيه ، أهله اييون يتبجبجون .. لاومو عاجبهم بعد !!

    آل إيه … حتى ولدنا بعد انكسرت إيده ما ادري رقبته !! شر البلية ما يضحك .. انزين ولدكم ذبح أوادم لو فيكم خير روحوا عوزوا الناس مو يايين .. لا ويطرشون ناس واسطة خلوهم يتنازلون عن القضية ..

    والله مره إنصدمت !! .. يايني واحد دايس ووراه واحد دايس بعد .. أنا ييت بفتح المجال وإلا راعي السيارة الثانية خذا يمين .. إنزين أنا وين أروح ..تميت مكاني .. أثنينهم دايسين إلا الغبي اللي وراي يأخذ السيفتي (حارة الأمان) اللي على يساري .. ويقعدون يتسابقون .. وآنا بالوسط .. آنا قلت خلاص رحت فيــــــها .. يعني بالذمة هاذول رياييل !!

    يـــــــاو … ولا لما اييج ذاك الوانيت نيسان .. يا ويلي ويلاه وما فتحتيله !! … مسكينة .. ماله شغل عادي نايم عليج (يميل بالسيارة يبي يودرج ) وإلا بريك بالويه .. وإلا ماشي على السيفتي (حارة الأمان) يشلخج بالحصم يكسر جاماتج ..عـــــاديه السالفة .. عاد هذا ما يتفاهم .. هذا لا تفكرين تقولين هـيي وإلا تأشرين .. رحتي فيها .

    وفي منظر ما اتحمله .. لما إيي هندي شاد حيله يترك .. نــــــعم !! .. والله هالهنود طالت وتشمخت .. يمشي جنه شيخ .. لا ويزف بعد !!

    طبعا الزحمة والمعاناة في الصبح وقت الدوامات .. حتى البحر زحمة !! شالسالفة الأوادم مجربين جميع الطرق ... واللي يمشون على السيفتي . أي إنثبروا حالكم حال الأوادم !! لا ما يقدورون .. ومن لقطوا دوريه إندعسوا خخخخخ

    أي شنو نسيت بعد .. إي إي ..


    الحريـــــــم .. قطيعه .. ابو اللعانه .. أنا بنت اوكي بس والله إني طيبه وأطوف .. بس البنات جنه قاعدين في حرب .. جنه تحتر من الثانية ..المشكلة بنت ما تطوف بنت .. بس لو ريال اي عاد غير .. ليش يعني ؟

    والهيـــــلق اللي يسولفون معطلين السايد .. واللي يتحرشون بالبنات معطلين السايد .. هـــاذول قمة التفاهة .. يقعدون يسوون حركات جدام الناس جنهم شواذي عيب عيب ..

    واكره ما عندي عديمين الأحســــاس .. يصفط سيارته على كيف ابوه !! مو متقيد بالخطوط بالعرض بالطول المهم صفط ونزل بس ماله شغل ..

    ولا اللي عنده ذاك الموتر .. والمفروض يكون جنتل وشيك .. والحمد الله ذيك الصحة والعافيه .. يروح يصفط في موقف المعـــاقين !! .. حرام وعيب بعد .. خل اشوي عندك ذرابه وسنع ..بدال لا تقول الحمد الله على النعمة !!

    وفي ناس استغفر الله مخهم مصين !! ريال اشكبره طايف الأشارة الحمرة..
    حتى الحريم بعد !! .. لا وما يصبرون الإشارة تشب .. جذي نقص لا حول الله ولا قوة ..

    طبعا الحزام ترى شي ظروري .. وياما المرور تكلم عنه .. بس لا حياة لمن تنادي .. أنا بداية ما كنت احبه بس مع الوقت تعودت عليه .. جربوها مني والله .. ومع الوقت قمت أحسه شي حضاري ..

    ويا جماعة ترى الطريج له آدابه .. يعني عيب ترفع ريلك صوب السكان وتأرفنا بأصابعك.... عيب تتفل من الدريشه ( تبصق بالشارع) .... والا تقعد تنقف ( أي تضع الأصبع في الأنف وتبحث عن الذهب) عيب .. عيب .. عيب .

    وســـــلامتكم ..


    أي صج إلا بقول ليش اللي عندهم فـــــــراري .. إيي عند البنت يخفف وما يطالع !! لاء انتي طالعيني .. ولما يحس إن محد عبره يدوس وحالته حاله .. شنو من عمره ما تبخر !! خخخخ
    ويــــــه بس خلاص تحلطمت وخلصت .. تعبت ..
     
  2. ناصر الخالدى

    ناصر الخالدى عضو جديد

    التسجيل:
    ‏29 يونيو 2007
    المشاركات:
    1,413
    عدد الإعجابات:
    0
    مكان الإقامة:
    الكويت
    اخت ليلى مواضيعج كلها واقعية
    الله يعطيج العافية
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الله اعافيييك

    شكرا على مرورك
     
  4. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    ليلي الظاهر طلعتي إللي بجبدج كله قبل رمضان عشان ما تخربين صيامج بعدين..!! :D

    عاد والله توقعت آخر شي بشوف كلمة منقول بس إنصدمت إن هذا كلامج إنتي :eek:

    إنتي إللي إذا رديتي على موضوع تردين بس بإبتسامه عيزانه تقولين شكراً :)

    عموماً كلامج عدل وما أنكر إني ساعات أحاول أتمالك أعصابي و أتعوذ من إبليس لكن يصيرلي موقف بالشارع من نوعية البشر إللي ذكرتيهم يخليني أفقد أعصابي و أعفس يومي و يومه ::verymad::

    و الأدهى إن هالحالات تكثر في رمضان و وقت الصيام يعني عاد إني صايم لا تكلمني..!! :confused:
     
  5. alfanare

    alfanare عضو جديد

    التسجيل:
    ‏4 مارس 2008
    المشاركات:
    319
    عدد الإعجابات:
    0
    مكان الإقامة:
    الرياض
    لو كان فيه جزاء صارم لهؤلاء المستهترين ولو اختفت المحسوبيات والواسطات ,,ولو اصبح الجميع تحت قانون واحد ,,لا كبير ولاصغير ,,,
    على فكرة 120 سرعة عالية عشان كذا صوت الانذار يشتغل في السيارة السرعة المعقولة هي حدودد المائة
     
  6. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy

    خير الكلام ماقل ودل

    شوووف اغلب المنتدى منقووول وكلنا ندري

    بس الي مو منقووول واضح ومبين

    وبالنسبه حق ردي انا ارد بعبرات كثيره راجع مواضييعي وتعرف او احسن ادخل ملفي الشخصي وشوووف

    بس الشطاره مو بالرد الشطاره بلي افييد الناس بالمواضييع المفيييده احسن من الكلام الي مافيييه فايده

    عموما اشكرك واحترمك على ابداء رايك فيني وبموضووعي

    وعسى الله يغفرلنا
     
  7. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    ان شاء الله تختفي الواسطه يارب

    شكرا على مرورك
     
  8. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    ابوي لي لي
    الأدهى والأمر من كل هذا

    الباصاااااااااااااااااااااااااااااااااااات :mad: ماشي بالنصصصصصصص لا ودايس فوق ال 100 ياحبيبي

    أمس انا دايسه 100 ومو ملحقه عليييييييييييه :( :( صج غثني


    وفي شي ثاني لما بتغييرين السايد اول مايشوف الاشاره يسرعووووووون ليش يوبا ليييييييييش :( :( :(

    لا وهالأيام طالعين اب موضه بالسايد اليمين اهو حق البطيئين اييج واحد دايس 120 ييبج اتوسعين له وتعطينه السايييييد لا المصيبه يترك لووووووووووووووووووووووول

    والله مسخره
     
  9. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    الحريـــــــم .. قطيعه .. ابو اللعانه .. أنا بنت اوكي بس والله إني طيبه وأطوف .. بس البنات جنه قاعدين في حرب .. جنه تحتر من الثانية ..المشكلة بنت ما تطوف بنت .. بس لو ريال اي عاد غير .. ليش يعني ؟

    وهاذي بعد صج تغثني بس والله والله انا الحين دايما اردد القياده فن وذوق وصايره وايد مأدبه بالشااارع أطوف الكل حتى الهندي بس صج البنات ملااااااااااااااااااااااااااااعين والله والله
     
  10. alfanare

    alfanare عضو جديد

    التسجيل:
    ‏4 مارس 2008
    المشاركات:
    319
    عدد الإعجابات:
    0
    مكان الإقامة:
    الرياض
    تساؤل معليش ارجو ان لا يفهم بغير مغزاه ,,,,,الكويت دولة صغيرة ,,كيف تقدروا تسرعوا فيها ,,

    يعني الواحد يسرع فوق المائة وستون في ضرف ربع ساعة يقطع الكويت شرق غرب ولا انا غلطان
     
  11. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    اي والله صاجه
     
  12. alfanare

    alfanare عضو جديد

    التسجيل:
    ‏4 مارس 2008
    المشاركات:
    319
    عدد الإعجابات:
    0
    مكان الإقامة:
    الرياض
    الله يستر من حريمنا ,,,مزعجاتنا يبون يسوقون الله يستر منهم ,,لا يبطون سبودنا
     
  13. alfanare

    alfanare عضو جديد

    التسجيل:
    ‏4 مارس 2008
    المشاركات:
    319
    عدد الإعجابات:
    0
    مكان الإقامة:
    الرياض
    ابروح ارقد لا حد يحش فيني ,,,دمتم بود
     
  14. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy

    حياتي زوزو ام الفن والذوووق
     
  15. ناصر الخالدى

    ناصر الخالدى عضو جديد

    التسجيل:
    ‏29 يونيو 2007
    المشاركات:
    1,413
    عدد الإعجابات:
    0
    مكان الإقامة:
    الكويت
    غلطان
     
  16. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    لا مااتوقع زحمه صارت يبييلك وقت
     
  17. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    مو كلهم :)
     
  18. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    نوووم العوافي
     
  19. نوط بو 1000

    نوط بو 1000 موقوف

    التسجيل:
    ‏6 يونيو 2004
    المشاركات:
    1,426
    عدد الإعجابات:
    0
    ليلي ممكن أسألج سؤال..؟

    إنتي دايماً جديه جذي و إلا بس معاي أنا..؟! :confused:

    يبه والله أتغشمر شفيج ترا قاعدين بالإستراحه يعني وسعي صدرج :)

    أنا دايماً ردودي على مواضيعج بهالطريقه من باب الغشمره و إذا غشمرتي ثقيله نبهيني و ما يصير خاطرج إلا طيب.
     
  20. حدي متفائلة

    حدي متفائلة عضو جديد

    التسجيل:
    ‏31 يناير 2008
    المشاركات:
    389
    عدد الإعجابات:
    0
    الف شكر لك اختي ليلى

    والله لو فيه قانون يلتزمون فيه كان ما شفتي كل هذا 0000

    ومن أمــِنَ العقوبة 000اساء الادب

    وفيه نقطة اختي ليلى مو تبط الجبد الا تموت لما تكونين واقفة بالاشارة والطريج زحمة وراج يجئ واحد من اخر السايد ويغز خشم سيارة جداااام يعني بطوف ومو ملتزم بالدور انا هالحركة تجيب لي الاعصاب حتى الباصات صارت تسويها بعد يعني ما فيه خوف من القانون

    الله كريم