شكرا على النصيحه واذا امكن اعرف اسم الفندق ومن وين حجزتوه وشنو الاماكن اللي تسوا الواحد يروح لها في باريس ابي معلومات عن اي شي تقدرين اختي اتفيديني فيها وجزاك الله خير ومبارك عليج الشهر .
حياك الله أخوي
بالنسبة للفندق إحنا ما سكنا فيه للأمانه لكن قررنا لو ربي يسر ورحنا مرة ثانيه نسكن فيه...إحنا سكنا بشقة في باريس في شارع الشانز نفسه وبموقع إستراتيجي...إذا تبي إسم الشقه أنا حاضره وإذا تبي فندق خذ فندق كليفورنيا في الشانز وسعره معقول إحنا ما سكنا فيه لكن دخلناه وقلنا لهم نبي غرفة عشان نشوفها من داخل لو بغينا نحجز السنه الياييه...
وهذا موقع الفندق..على فكرة إحنا سكنا في البناية اللي ملاصقه له
http://www.hotel-california-paris.com/
بالنسبة للفندق اللي في الأوت لت فليج والله نسيت إسمه لكن أعتقد إنه هذا وممكن مكتب السفريات يشيك لك لزيادة التأكيد...
http://www.tripadvisor.com/Hotel_Re...l_d_Europe-Marne_la_Vallee_Ile_de_France.html
ميزته أنه الفندق مقابل المول والمول حلو وفيه القرية مالت الماركات اللي قلت لك عنها
وهم المول كبير جنه شرق وشفت شلون سوق السمج مقابل شرق جذيه بالضبط الفندق والمول
إحنا طلعنا من الصبح من باريس وركبنا المترو والطريج يمكن 17 دقيقة بالمترو وكنا طبعاً شارين تذاكر دزني من محل دزني اللي للألعاب اللي يقع بالشانز..
يعني لا تفكر تروح تشتري التذاكر من دزني دير بالك ترى توقف طابور لمدة خمس ساعات!!
المهم رحنا بالمترو ومرينا 13 محطة لين وصلنا فال دو يورب واللي إهي المنطقة اللي أتكلم عنها وهي محطة وحدة قبل دزني يعني لو مانزلت فال دو يورب وكملت بتوصل دزني في نهاية الخط
الفندق نفسه يسوي لك مواصلات من وإلى يورودزني...
لو تبي تسكن ذيج المنطقة..
أنا أشوفها عقب باريس كفاية يومين إلى ثلاثة.. بين المول والألعاب
وهاذي الماركات اللي بتلقى عليهم خصم في الأوت لت
Celine
-Kenzo
-Miss Sixty
-New Man
-Bodum
-Calvin Klein
-Max Mara
-Puma
-Versace
-Polo Ralph Laurent
-Charles Jourdan
-Cacharel
-Diesel
-Mexx
-Nina Ricci
-Gianfrance Ferre
-O Neill
-Tommy Hilfiger
-samsonite
-Furla
-Donaldson
-River Wood
-Timberland
-Cafe Cotton
-Darjeeling
-Blanc Bleu
-Mandarina Duck
-Givenchy
-Camper
-Anne Fontaine
-Longchamp
-Cerutti
-Cristian Lacroix
-Agnes B.
-Burberry
-Armani
-Reebok
-Francois Girbaud
طبعاً أحلى خصم كان في أوغست بس أتوقع على مدار السنه ...يمكن...
على فكرة كل الدول الأوربية فيها أوت لت
وإي إستفسار مازلت في الخدمة وحياك الله.