سؤال لااهل الخبره بالعقار

[زايدي]

اخواني مبارك عليكم الشهر وكل عام وانتو بخير

انا يااخواني شريت قسيمه بسعر 90 الف ودفعت 5الاف دينار

عند مكتب عقار وعندي العقد وبالعقد مسجل شرط جزائي 10 الاف دينار

اللى يهون عن البيع او الشراء المهم الرجال مبين انه هون وادق عليه مايرد

تالي قاال طليقته ماوقعت على البيع بعدين الرجال فصل رقمه شفتكم ولاشفته



السؤال ......... وش اللى يترتب على او عليه في هالموووضوع وارجوو الافاده؟؟؟

 

[زايدي]

شدعوه 5 ولاواحد فادنا وكسب اجر

 

[MUSAED77]

اذا عندك الورقه الزرقه مالت البيع روح ارفع قضيه وانت انشاء الله راح تكسبها واسال محامي احسن لك .

 

[زايدي]

اللزقه اى لززقه ؟؟؟ عندي العقد مال البيع موقعين الطررفين

 

[MUSAED77]

اسف الورقه الزرقة اذا عندك ارفع قظية بسرعة وراح تكسبها
انشاء الله

 

[الصبر زين]

وأنا نصيحتي تآخذ الخمسة اللي دفعتها


وتترك العوض على الله من باب إقالة المسلم

وربي بيعوضك ببيت أحسن منه إذا كانت النية خالصة لله سبحانه

 

[زايدي]

والله يخووك انى حتى ابي الخمسه بس هو حط رجله ماعاد شفته

يعني بمعنى ان هج لو مكلمنى بس المشكله ماعاد شفته

انا ابي الحل وشو يعني وش اسوي؟

 

[keepintouch]

راجع المكتب الي كتبت فيه العقد وكلم الدلال يشوف لك صرفة وتاخذ عربونك ابرك لك من ركضة المحاميين والقضايا والمحاكم

 

[طيران]

لايكون ورقه بينكم بس اذا بينكم الورقه نقعها واشرب مايها لاتزعل منى
ب اذا عن طريق دلال حط اصابعك فى عيونه واذ فلوسك والشرط معاها بعد

 

[Q 8 T]

وعليكم السلام اخوى

وقبل الله طاعتك بالشهر الكريم .

اول شئ اخوى انت شريت عن طريق مكتب عقارى

اكيد سجلت بالدفتر مال الدلاله ... عدل

اذا سجلت بالدفتر اكيد المكتب عطام ورقه من العقد اللى اهى

مثل ماذكر الاخ MUSAED77 الزرقه والبرتقاليه للبائع

اول شئ تكلم المكتب وتضغط عليه انه يشوفلك حل حتى

او تقول للمكتب انت مسجل باتحاد السماسره واللا لا

لان اتحاد السماسره عندهم محامى خاص لقضايا المكتب اذا هم مشتركين ؟

اذا ماكو حلول كلش ماعندك اللى حل اخير اللى اهو توكيل محامى خاص

والله يعينك .

 

[زايدي]

مشكووورين ع الردوود والحاصل انى الحيبن وكلت محامي ورفعت قضيه

والله كررريم

 

[maseela77]

عزيزي الشرط الجزائي قانونا عبارة عن تعويض اتفاقي

أرسل للبائع انذار بأنه تخلف عن تسجيل البيع وحدد في الإنذار موعدا أسبوعين مثلا بأن عليه أن يقدم أوراقه إلى العدل فإذا لم يقم بذلك تقدم بكتاب إلى العدل وأطلب منهم شهادة لمن يهمه الأمر أن البائع لم يتقدم بأوراقه وبعدها ارفع دعوى بفسخ العقد وأخذ الشرط الجزائي

أهم شيء الإنذار

 

[المانع]

شوف ضروف الرجل من ترك شيا لله عوضه خيرا منه

 

[عصويد]

لاتخاف اخوي مدام اورقة الدلال عندك ارفع قضيه او جره المخفر ولاشاف الصجيه هون هذي سوالفهم أنا مره صار فيني نفس الحركه وتحجج بطليقته المصريه وقضبناه الباب ,ولايطوفك الشراء في هذا الوقت وقت الركود والديره ديرة قرارات والحي بيشوف.

 

[MUSAED77]

يا اخوي انا ماره علي بالضبط نفس السالفه وعلي هذا الاساس انا رديت عليك اذا كان عندك الورقة الزرقة مالت الدلال انت بخير انشاء الله .وعلمتك الطريقه ارفع قضية بسرعة وما وصيك بالمحامي الزين لانه قضيتك ربانح 100% او تاخذ تعويض طيب.

وانتمني لك وللجميع التوفيق

 

[الجبري555]

السلام عليكم


والله ياخي العزيز ماودي اكدر خاطرك بس انشالله تاخذ فلوسك من الرجال
بس هذا النوع من القضايا تسمى بقضيه مدنيه
والقضيه المدنيه نفسها طويل بالمحاكم يعني نسبه 80 بالميه من هذا النوع من القضايا تاخذ لها مو اقل من سنه ونصف بس الحمد لله ان مبلغك مو كبير بعض الناس دافعين تقريبا نصف قيمه المنزل الله يكون بعونهم ونصيحه ياخوان للي بيشتري بيت خاص لا يدفع اكثر من 1000 دينار كعربون شراء واللي يقولك لا ماقبل هذا نصاب وبيدوخ راسك والظاهره هذي انتشرت بالكويت بشكل فضيع لانهم مطلعين على القانون المدني بالمحاكم الكويتيه والله يعقل عليك فلوسك واتمنى لك التوفيق

 

[زايدي]

مشكوووورين ع ردوودكم والحلال مايضيع وانا اخوووك دامنا بخير وستين نعمه ننطر وش المشكله ان شاءالله بعد سنتين

وع العموووم اللى مايخاااف الله عيشته خسااره وحلاله خسارره

 

[kw_tahoe]

الحق معاك اذا الاتفاق المبرم بينكم مكتوب في ورقة المبايعه
واكيد المكتب مصور البطاقه المدنية للطرفين وصورة الوثيقة تقدر توصل للبائع وتكلمه ودي

وهذا افضل الحلول

وانشالله تكون خيره لك