صراع الكبار

[السبيطي]

طرحت شركة هيونداي مؤخرا سيارتها جينيسيس كمنافس لكل من

BMW الفئة الخامسة

مرسيدس E

انفينيتي G35

لا كسز ES

السيارة موجودة حاليا للتجربة والتفاصيل حول المواصفات تستطيع الحصول عليها من خلال كتابة اسم السيارة جينيسيس وابحث في قوقل​

 

[Rap Soul]

محد منافس طال عمرك الهيونداي بتنافس السيارات اللي ذكرتهم ؟

 

[kokokaka]

قبل كانت المواصفات حصريه على السيارات الاوربيه

والحين كل الشركات قامت اتحط مواصفات حتى الهيونداي

طبعا ماكو على المرسيدس والبي ام و الاودي والكزس كامواصفات

لكن باقي الشركات اعرفت الخلطة السريه ..انها اتحط المواصفات الي تبي

مقابل انها اتزيد السعر ...

ولا قبل كنا انقول سيارة يابانيه اقتصاديه وسعرها ارخيص

الحين اذا كنت تبي تاخذ سيارة يابانيه من غير مواصفات بتدفع 5500 دينار

على اربعه سلندر من غير مواصفات مثل الالتيما والكامري

اذا كانت الهيونداي كاملة المواصفات بسعر مثلا 6000 او 6500 دينار

ومكفولة مدة 3-5 سنوات .... موغلط ان الواحد ياخذها

مواصفاتها : هيدروليك ... فتحة... نيفيجيين .... كشنات جلد ... وغيرها

غير ان شكلها روعه

راي ثاني يقول: ماتلاحظون ان دخلنا 6500 دينار على سيارة

اخذ تاهو Ls من السعودية 7500 وسيارة كبيرة واسمها شفر

وشكرا على الموضوع

 

[مهم للغاية]

من الخلف شكلها بي ام دبليو الفئة الخامسة
من جدام خليط بين مرسيدس وبين الكامري
من داخل مثل ديكورات الافالون

هذي من كل بستان زهره
بس انا اايد كلام اخوي kokokaka
دامني وصلت فوق ال 6500 احطهم بسيارة لها وزنها بالسوق مثل تويوتا او شفر

على كل حال اشكر صاحب الموضوع الاصلي وننتظر جديدك

 

[السبيطي]

شاكرين لكل من اثرى الموضوع ونحب نسمع اراء الجميع

 

[التمساح]

ردي على هالموضوع شكلي بروح أثمن سيارتي واخذ وحدة..ياخي خيالية..بس المشكلة سوقنا ضعيف..بتبيع يكسرون فيك
صور عجيبة واللون رووووووووووووووووووعة

 

[السبيطي]

توجد 3 مكائن للسيارة الجديدة
3300 سي سي
3800 سي سي
4600 سي سي

 

[ابوشهاب]

مهم للغاية
لاماظنتي انها تاخذ من كل بستان زهره
بس مبيين انه الهونداي تبي تحاول تكبر اسمها وتظبط سياراتها من حيث الجوده والقوه
مثل اللكزس والاودي ..
وانا ماكنت اتوقع انه اللكزس بيكون منافس قوي للبي ام والمرسيدس .. لكن والله اثبتلي هالشي ويمكن تغلب على هالعمالقه من خلال السعر + الجوده


وبعدين شكل الهونداي هذي غريب وجديد وعلى نفس خطوط الهونداي الافتراضية .. موماخذه من البي ام ولا الكامري ولاشي .. لكن يتهييئ للواحد هالشي من اول نظره :>

بس كل واحد له ذوق خاص فيه .. انا بصراحه احب الاودي + الجاكوار .. البساطة الاوروبية ياسلام
اما من ناحية الجمع بين الجمال والاستعمال اعتقد اللكزس

ويعطيكم العافيه ,,
أبوشهاب

 

[السبيطي]

والله كلامك عدل يا بوشهاب
بس الصغير يكبر
والسيارات الكورية قفزت قفزات نوعية تكنولوجيا

 

[مهم للغاية]

مهم للغاية
لاماظنتي انها تاخذ من كل بستان زهره
بس مبيين انه الهونداي تبي تحاول تكبر اسمها وتظبط سياراتها من حيث الجوده والقوه
مثل اللكزس والاودي ..
وانا ماكنت اتوقع انه اللكزس بيكون منافس قوي للبي ام والمرسيدس .. لكن والله اثبتلي هالشي ويمكن تغلب على هالعمالقه من خلال السعر + الجوده


وبعدين شكل الهونداي هذي غريب وجديد وعلى نفس خطوط الهونداي الافتراضية .. موماخذه من البي ام ولا الكامري ولاشي .. لكن يتهييئ للواحد هالشي من اول نظره :>

بس كل واحد له ذوق خاص فيه .. انا بصراحه احب الاودي + الجاكوار .. البساطة الاوروبية ياسلام
اما من ناحية الجمع بين الجمال والاستعمال اعتقد اللكزس

ويعطيكم العافيه ,,
أبوشهاب

وجهة نظرك احترمها
وتقبل احترامي

 

[albttar]

آنا شفت السيارة من كم يوم عند الوكالة حاطينها للعرض .

الصراحة السيارة أكثر من روعة من ناحية الشكل والمواصفات والرفاهية الداخلية .

بس للحين ما تحدد سعر السيارة . بس أعتقد إنها راح تكون غالية وممكن توصل الى عشرة آلاف دينار لأن الأزيرا الأقل منها وكاملة المواصفات تنباع عندهم تقريبا ب 7500 دينار .

آنا عندي وجهة نظر إنك حرام تدفع مبلغ كبير على الهيونداي وبعدين لما تفكر تبيع بعد سنة أو سنتين ما راح تيبلك نص السعر إللي دفعتها فيها لأن سوقنا معروف وما يمشي فيه إلا بعض أنواع السيارات وهي قليلة جدا وإللي تحافظ على سعرها بعد البيع .

نصيحة خلك في المضمون لما تفكر تدفع مبلغ كبير مثل هذا .

ولك جزيل الشكر أخوي السبيطي .​

.

 

[ايمن البورسعيدى]

شكرا على المعلومات الروعة دى
انا اود تصدير سيارات من المانيا اذا حد يفيدنى عن الانواع المطلوبة والاسعار
كل عام وانتم بخير