اليوم خذيت قرض اسدده بعد 625 شهر

[قلم حر]

اليوم خذيت قرض اسدده بعد 625 شهر يعني اسدده بعد 52 و8 ايام تقريبا
ال 52 سنه مقدور عليها مو كاسر ظهري الا ال 8 ايام صعبه علي
المهم اشلون رايح يكون شكلي بعد 52 سنه او هل انا موجود او في ذمة الله

ملاحظه القرض قرض بنك التسليف

 

[yoyo1983]

الله يعوضك خير ان شاء الله

اكثر من الاستغفار ​

 

[الأرستقراطي]

عالبركة ،،، وين خذيت البيت ،،،

 

[قلم حر]

الله يعوضك خير ان شاء الله

اكثر من الاستغفار ​

الله يجزاج خير والحين انا من مؤيدي اسقاط القروض

 

[قلم حر]

عالبركة ،،، وين خذيت البيت ،،،

الله يبارك فيك ويرحم والديك - القسيمه مدينة جابر

 

[zoya_y]

اولـــــــــــــــه ليش !!! هذا قرض البيت

 

[قلم حر]

اولـــــــــــــــه ليش !!! هذا قرض البيت

خرعتيني عسى ماشر شنو صاير اكيد راح اموت قبل التسديد

 

[zoya_y]

خرعتيني عسى ماشر شنو صاير اكيد راح اموت قبل التسديد

لا اسم الله عليك عسى الله يطول بعمرك وتســــــدده واتسدد الف منه بعد​

 

[بلازمي]

الحمد لله

سلام
------------------
شنو هالحسبه ؟ من وين جبت الثمان ايام؟
اخوي انت لازم تسدد على 52 سنه وشهر واحد
تبي شلون؟
خذ
52 سنه
x
12شهر
=
624 شهر
+
1شهر
=
625شهر
بس حلو المعاش اقول كم ولا اسكت؟
--
مدرس رياضيات او محاسب بالسور للوقود

 

[دلال البورصه73]

الله يطول بعمرك ويهنيك بالبيت بس صاج 8 ايام صعبه وايد الله يصبرك عليهم

 

[بوالعيس بيك]

السلام عليكم

الله يبارك لك ..

عنديسؤال يعني الحين خلاص عطو تصريح بناء بجابر؟

 

[aclient]

الله يباركلك بالبيت و يعطيك خيره و يكافيك شره

 

[قلم حر]

zoya_y
شكرا لمرورك اوخيتي


بلازمي
بلاش فضايح واستر على ما واجهت


دلال البورصه73
انتي اللي فاهمتني


بوالعيس بيك
الناس بنت بمدينة جابر وكل سنة وانت طيب


aclient
الله يجزاك خير ويرحم والديك

 

[OPEN]

بعد عمر طويل انشالله ياخوي قلم حر
يعني احفادك بكملون عنك الاقساط
شكرا

 

[man.vip]

مبروك

والله يعطيك خيره ويكفيك شره,,

بي تدري وانا اخوك المشكله مو بالقرض ولا بثمان ايام


المشكله بالبنيان الله يعينك لانك بعد ماتخلص بنيان اتوقع تشوف نفسك بالمنظره ماراح تعرف منو الي قاعد تشوفه



موفق ان شاء الله...

 

[وافى الوافى]

مبروك

والله يعطيك خيره ويكفيك شره,,

بي تدري وانا اخوك المشكله مو بالقرض ولا بثمان ايام


المشكله بالبنيان الله يعينك لانك بعد ماتخلص بنيان اتوقع تشوف نفسك بالمنظره ماراح تعرف منو الي قاعد تشوفه



موفق ان شاء الله...

هههههههههههههههههه عاااد والله صج

المشكله مو با القرض الاسكاانى ...!!

لان كلناا راح ناخذ ها القرض ...!!

كل اللى اعرفهم بنوا قساايم .... اشوفهم صج شيبواا ... وتغيرت ملامحهم

علشاان جذى .... انا قررت اخذ بيت حكومى جااهز فى سعد العبدالله

يقولون خوش بيوت ومصممه بطريقه حلوه وجديده ..!!

على الاقل لاخذيت بيت حكومى .... اشترى الاثاث واقطه قط با البيت

وانثبر انا وعيالى ...!!

لامشاكل مع العمال والصحى والمقاول منحاااش ....!!!

مالى خلق لها السواالف ...!!

على العموم عسااا الله يوفقك يااارب .....!!!

 

[ALSERHAN]

صارلك يومين باقي 52 سنه و6 ايام..

قلنالك شفت أشلون الأيام تركض..

 

[بترولي نشط]

لك طولت العمر انشالله ياخوي

والله يعينك

ومبروك عليك البيت مقدماا

 

[قلم حر]

بعد عمر طويل انشالله ياخوي قلم حر
يعني احفادك بكملون عنك الاقساط
شكرا

احفادي يدفعون الاقساط افأ انا وين رحت ليش الاحباط

 

[قلم حر]

مبروك

والله يعطيك خيره ويكفيك شره,,

بي تدري وانا اخوك المشكله مو بالقرض ولا بثمان ايام


المشكله بالبنيان الله يعينك لانك بعد ماتخلص بنيان اتوقع تشوف نفسك بالمنظره ماراح تعرف منو الي قاعد تشوفه



موفق ان شاء الله...

كلامك عدل رفيجي كان عنده بنيان ولما خلص طالع روحه بالمنظره
طلع له وجه المقاول