زين وخدمات الانترنت

[الفاتح]

السلام عليكم


شباب هذي شركة زين والله ماعندها اي حس بالعميل ولاهي محترمته

حسبي الله ونعم الوكيل عليهم قبل فترة اخطؤو بفاتورتي وبالمووت ردولي الخطء على الحساب والحين الانترنت عندي ابو 28 الديل اب اسرع منه

خلوني ابيع القطعة القديمة الي عندي وشروني e go والحين يقولون اخوي عندنا تطوير للشبكة

حفظة اعذارهم من كثر ما اتصلت المهم الحين يقولي قطعتكم بعبد الله مبارك تسير الخدمة فيها زينة شهر 11 طيب انا مضطر يعني تجربون علي


وادفع فلوس قطعة وكم شهر تبنيج انطر وبكره


حسبي الله عليهم انا صايم وغثوني انشاء الله الشركة الثالثة تنزل انترنت

وتعلمهم الشغل السنع

 

[بو سلطان_]

السلام عليكم
اخوي وبعد الوطنيه مو شي الانترنت مالهم بطيئ وبعد يقولون الاسرع ناطرين الثالثه وبتشوف خدمه مو طبيعيه ويقولون يدهينه لا تنكتيين

 

[الخبير بوناصر]

أشاركك الراي أخوي أول ماشتركت معاهم كان سريع وحلو بعد شهرين بالضبط قام يخورها والداون لود صار بطيء ولما سئلتهم ردو علي بنفس الإسطوانة اللي أنت ذكرتها ماقول إلا حسبي الله ونعم الوكيل​

::verymad::::verymad::::verymad::::verymad::

 

[يزيدبن معاوية]

وانا بعد تحدث لي المشكله وكل ما اكلمهم الحين في تطوير بالخدمه


ومتى التطوير الساعه 7ونص الصبح ولا الساعه 11 الظهر يذبحوونك بالوقت الي انت تسفيد منه

 

[Buffett]

يا زين ال DSL بالبيت 1MB و يا زين قطعة الهواوي .. واشتراك بو 9 دنانير القديم للتقزوره بره البيت

الله يعينكم والله .. انا ما لغيت اشتراكي بو 9 دنانير والسبة ادري ان هالحركات ماراح تضبط كثر ال DSL .. فبلا عوار راس وبلا حنه وكل شوي داق عليهم .. مشكلتك يالغالي اشوفها باليوم 10 مرات وانا قاعد بالقهوة والكل عنده ego ومحد متهني فيها .. ناطرين الشركة الثالثه جوووود تخليهم يحسون على دمهم

 

[jemee]

وانا بعد ب عبدالله المبارك كل عشر دقايق يفصل

لاعت جبدي منهم

 

[الفاتح]

المشكلة الكبيرة ان الجرايد ماتقدر تتكلم عن المهزلة الي تسير تدرون ليش

لان شركة زين حرمها من الدعايات الي تحطها بالملاين طبعا قيمة الدعاية من جيوبنا احنا ندفعها على شكل فواتير

ووزارة المواصلات ماتبي تركب لصباح الناصر وعبد الله مبارك تلفونات تنفيع لشركات الاتصالات الي قاصه فيا قص

صج بلطجة انا اعرف ان كل شركات العالم يحترمون العميل لاكن زين وقحة مع عملائها ومومحترمة احد لان احنا السبب تعودنا ننطق ونسكن

لا كن هين انا اول واحد بسوي دعاية للشركة الجديدة وبحط بتوقيعي اللوجو مالها

 

[حبيبكم]

لا و فوق هذا عسى ما دشيت موقع طلع هالختم لك Access DeИied (حتى حرف الn مقلوب عندهم مثل مخوخهم).
يعني الموقع محجوب ، طيب ليش ؟ يقول لك من وزارة المواصلات مع أن كواليتي مو مانعين الموقع شو هالكذب.
و مواقع P2p كلها ممنوعة طيب شنو نبي بالانترنت مالهم ؟ بس علشان التداول الالكتروني ؟
التداول الالكتروني ما يبي سرعة عاليه يعني دايل أب كافي عليه. بس شنقول غير حسبي الله عليهم يغثون اللي ما ينغث.

 

[wooow]

محد تعب مع شين كثرى

كل ما ادق على 107 واقول . يالطيب الاشتراك بطيئ حده
يقول: انطور الشبكه هذا الكلام من سنه ونص وللحين ادق ونفس الرد
بعرف متى تشتغل الشبكه طبيعى ؟؟؟؟

 

[قتيبة]

لاحول ولا قوة الا بالله

وأنا الداون لود أول مااشتركت كان ممتاز والحين تعبان حيل ومرات يوصل لارقام كانه اشتراك كروت !!

ووالله أنهم ماكلين علي أكثر من شهر والفواتير عندي بس قلت خل يخف حر الصيف شوي وأنا أتفاهم معاهم.

وفوق هذا برنامج الخليج للوساطة مايشتغل على زين والمشكلة من زين لأن كل الاتصالات شغال معاها الا زين وكلمتهم وقالوا دز البرنامج لنا علشان نعرف المشكله ودزيته لهم بالبريد واتصلوا مره ثانيه وقالوا لازم ندخل على البرنامج والبرنامج له رقم سري ولازم تعطينا رقمك السري علشان ندخل على حسابك ونعرف شنو المشكلة !!!

ياسلام

 

[Navigator]

يامن شرا له من حلاله عله

هذا اللي ينطبق علينا اخوي

انا بمنطقه ثانية والمصيبه منطة تأسيس الشركه والمقر الئيسي فيها

والدايل اب ابرك وافضل منهم

الله يصبرنا هالكم يوم

 

[الفاتح]

هين يا زين انشاء الله نتركك من غير حسوفة

وعسى الشركة السعودية تكون احسن منها بس لا يتفقون على التسعيرة

مثل الوطنية شبيهة زين تصدقون تقريبا نسيت ان في شركة اسمها وطنية

 

[الدنيا حظوظ]

تصدقون قبل ما أقرأ كلام الفاتح كنت أعتقد إني أنا الوحيد اللي يعاني مع زين !!

في تاريخ 3/8/2008 قطعوا عني الخدمة ولما راجعت 107 قالوا انت طالب قطع خدمة!!

راجعت فرع الشركة قلت إني ما طلبت قطع الخدمة ..... قالوا أوكي إنت عليك 17.500 د.ك !!
لييييييييييييش شلون بعد ما أقطع الخدمة ينزل علي اشترااااك فهموني!!


والله يا جماعة إلى هاللحظة ما انحلت المشكلة !! قلت يا شركة أدفع الـ17.500 وفكوني ...مو راضين

شركة تعيسة جدا!

 

[al7bebe]

شغله فيها نصب الي شبكة الاتصال الهوائي مكتوب سرعه عاليه جدا ومحددين السرعه واذا اشتريت هذه القطعه وشبكتها على الابتوب تلاحظ ان السرعه اقل من ماهو محدد على القطعه الشبك واذا سألت الشركة قالوا هذا مستوى السرعه الطبيعي مع اني ابحث عن اغلى اشتراك من اجل التداول بشكل سريع وعدم وجود مشاكل.
طبعا الكلام للشركتين زين والوطنية
ان شاء الله الشركة الثالثه تكون عند حسن ظن العملاء

 

[العالم]

هذه شين مو زين

 

[صايدها]

ناطرينج يالثالثه وانشالله الرابعه والخامسه والسبع وسبعين كلهم جاين بالطريج
خلنا نفتك من الاحتكار وطنيه وشين

 

[Dr-Q80]

انا اليوم كنت عندهم و قدمت شكوى عقب ما طلعت روحي ويا 107 و الدعم الفني اقصد اللا دعم.
و لما قلت لهم ابي اقابل مسؤول او مدير قالوا مافيه. اكتب شكوى و راح يتصلون فيك خلال 48 ساعة. و سجلت شكوى عند الموظف و قلتله ماكو فايده من الشكاوي . قالي هذي اول مره انت تقدم شكوى. قلتله انا يوميا ادق على 107 و اتشكى من بطء الخدمه. قالي الاتصال على 107 لا يعتبر شكوى.
المهم يا جماعة كل واحد فيكم لازم يمر على اقرب فرع و يسجل شكوى عندهم.
و حسبي الله و نعم الوكيل.
ناطرين الفرج مع الشركة الثالثة.

 

[Dr-Q80]

للرفع
هذا نداء لكل متضرر من خدمة زين السيئة. روحوا سجلوا شكوى في اقرب فرع لزين.
اليوم اتصلوا فيني و قلتلهم كل اللي صار معاي. ووعدوني يتابعون الموضوع مع الشبكات و يردون علي.

 

[مليون دينار]

وانا بعد ب عبدالله المبارك كل عشر دقايق يفصل

لاعت جبدي منهم

زين من غيرت اسمها صارت موزين

 

[alsaher55]

اخ يازين كلج شين على شين
انا من اول مانزلو خدمه الايجو وانا مشترك واجبرونى انى ارفع اشتراكى او الفى الاشتراك وانجبرت ارفع الاشتراك الى 7.2 ميغا بايت
المشكله انها مو ذاق الزود بالسرعه ولا بالتنزيل
اخذت 2 سنه وانا على هالحاله
تعقدت ورحتلهم وقلتهم الغو اشتراكى وحطو اشتراك ابو 14 دينار احسن من 29 دينار
تصدقون مفاجاه
سرعته وتنزيله احلى الف مره من الا7.2