خبر يفتح النفس قبل الفطور عن هيئة الاستثمار

[aboazoz77]

شباب كنت اطالع السى ان بى سى قبل شوى واشوف بالشريط مال الاخبار اللى تحت يمشى :
مصادر للسى ان بى سى تقول بأن الهيئه العامه للاستثمار سوف تضخ سيوله وتستثمر بالصناديق داخل السوق الكويتى
يعنى ان ضخت من باجر نقدر نقول فالكم ربيع هههههههههههه
مبروكين مقدما شباب والله يعوضنا وياكم جميعا

 

[سته فوق سته تحت]

بارك الله فيك ورزقك من واسع فضله


نعم الخبر موجود تاكدت منه الحين

نتمنى ان يؤثر على السوق تاثير قوي



.

 

[faisel 2]

مو ناقصين سيوله ....ناقصين شفافيه وخوف من الله سبحانه وتعالى ...

 

[faisel 2]

وبعدين ضخ السيوله يجب أن يمر بعده قنوات قبل ضخها في السوق..ايضا السيوله كم ستكون؟وأين سوف تتجه؟

 

[أبو فلسين]

خوش خوش يقتل القتيل يمشي بجنازته
احنى مو ذابحنى الا الهيئه الحراميه للاستثمار

 

[الهدف البعيد]

ديرو بالكم تري نفس هالحركة صارت 2006
ضخو بالسوق 200 مليون ارتفع السوق 500 نقطة
يوم الثاني ارتفع 50 نقطة
ثالث يوم نزول 400 نقطة
عقبها طلعو وقالو كافي ماراح نضخ سيولة

 

[سته فوق سته تحت]

يستثمرون في سوق الكويت مو احسن ما يستثمرون في اسواق اجنبيه

وخساير بالمليارت



على الاقل هنى تبقي بين الشعب



.

 

[بو الصراحة]

اذا ضخوا
التجربة تقول

رحنا فيها

 

[الشرقاوي]

الخبر صحيح والهيئه اتصلت بجميع مدراء الصناديق من اجل وضع آليه لضخ سيوله في السوق
والخبر راح ينشر بجرايد الغد يعني الليله
وان شاءالله باجر السوق اخضر قامج

 

[فوزى بو احمد]

حسب ما وصلنى انه امر اميرى من طويل العمر عسى الله ان يحفظه
ابشروا بالخير

 

[Blue Chips]

باكر راح يطلعون لكم مدراء الصناديق والمحافظ ويعطون نصايح بعدم تدخل الدوله
علشان السوق ياخذ حاصله من النزول وان التدخل غلط كبير وهذا ما يصير بالسوق.

 

[السور]

وبعدين ضخ السيوله يجب أن يمر بعده قنوات قبل ضخها في السوق..ايضا السيوله كم ستكون؟وأين سوف تتجه؟

السيولة تتجه الى الاسهم اللى شروها من قبل يومين علشان يبيعونها بالعالى !!

 

[البواردي]

شباب كنت اطالع السى ان بى سى قبل شوى واشوف بالشريط مال الاخبار اللى تحت يمشى :
مصادر للسى ان بى سى تقول بأن الهيئه العامه للاستثمار سوف تضخ سيوله وتستثمر بالصناديق داخل السوق الكويتى
يعنى ان ضخت من باجر نقدر نقول فالكم ربيع هههههههههههه
مبروكين مقدما شباب والله يعوضنا وياكم جميعا

يعطيك العافيه بس اذا ما دشت بهالوقت معناتها حتى الهئيه ما تعرف تستثمر
لان عندها اسهم والحين واحلى وقت للتبريد على اسهمهم القديمه
ومن هذي الاسهم جيزان

 

[جمبازي]

السيولة تتجه الى الاسهم اللى شروها من قبل يومين علشان يبيعونها بالعالى !!

السور يالسور ..منت هين


الهيئه هى السبب فى نزول السوق .


فكيف تتدخل بضخ الاموال لتصعيد السوق ؟؟؟؟؟ افهمها بس



(((الصحيح هو ...تعود للشراء مره اخرى )))

 

[الراقي]

هيئة الأستثمار راح ترفع سهم الصناعات الوطنية وهذا مايبيه حجي

 

[الخمعلى]

الظاهر السيوله اللى تبى تدخل الله العالم اهى اللى خرجت بصمت

 

[السور]

السور يالسور ..منت هين


الهيئه هى السبب فى نزول السوق .


فكيف تتدخل بضخ الاموال لتصعيد السوق ؟؟؟؟؟ افهمها بس



(((الصحيح هو ...تعود للشراء مره اخرى )))[/QUOTE



يأخى مو مشكلة نفس تداول منا قابضة ؟؟؟؟؟

مو هامهم محفظة الهيئة ينزل ويبيع ولما تصير الاسعار مغرية يشترى حغ احسابه الخاص وبعدها يصعد بفلوس الهيئة الاسعار اذا الناس مااشترت منه يعطى امر للهيئة تشترى منه بالعالى ....... علبالك فى احد يحاسب او يهتم بالمحفظة !!

مثل ما صار بالاسهم الامريكة اشتروا اسهم يوم انزلت الاسعار ادعموا اسهمهم بفلوس الهيئة وباعوها !

اوصلت ؟

 

[frozen]

انشاللله يعدل السووق علي هالخبر

 

[دايــم]

هيئة الأستثمار راح ترفع سهم الصناعات الوطنية وهذا مايبيه حجي

صدقت
إذا ارتفع سهم الصناعات بكميات دسمه ،، فهو دليل على دخول هيئة الاستعمار​

 

[هنتر سبيد]

وجهة نظر= المؤشر عند دعم قوي جدا الا وهو 13000 و13100 وتصريحهم هذا بمثابة اعلان عن نهاية التصحيح والهيئه بتصريحها تحاول ان تطمئن صغار المستثمرين لأن صغار المستثمرين فقدوا الثقه بصانع السوق او كبار المستثمرين وصغار المستثمرين يثقون بتدخل الحكومه الممثله بهيئة الاستثمار فيجب على صغار المستثمرين التأني لحين الارتداد الصحيح الفعلي وليس التقاط الانفاس لأنه بحال كسر الدعم راح يروح 12000 الف وهو دعم قوي ثاني اللهم انها وجهة نظر