لقاء صحفي مع رئيس مجلس ادارة أعيان العقارية الأخ سليمان الوقيان!

الموضوع في 'السوق الكويتي للأوراق الماليه' بواسطة حقائق, بتاريخ ‏13 سبتمبر 2008.

  1. حقائق

    حقائق عضو محترف

    التسجيل:
    ‏4 يوليو 2008
    المشاركات:
    3,778
    عدد الإعجابات:
    145
    لقاء صحفي مع رئيس مجلس ادارة أعيان العقارية الأخ سليمان الوقيان!

    السلام عليكم,

    هذا اللقاء تم تلفونيا الساعة 12 (منذ ساعتين و نصف تقريبا)

    حقائق: هلا أبو ثنيان شخبارب؟

    ابو ثنيان: أوووه.. هلا بمحللنا, شلونك ابو محمد؟ وينك غاطس؟ عندنا غبقة حياك.

    حقائق: لا, مشكور.. شفي سهمكم رايح فيها؟

    ابو ثنيان: أهو سهمنا بس؟ السوق كله.

    حقائق: شنهو صاير من وجهة نظرك؟

    ابو ثنيان: السبب قرارات البنك المركزي, حسب تحليلك وين تشوف السوق رايح؟

    حقائق: و الله آنه شايف ان نهاية تصحيح المؤشر ما تتعدى المنطقة بين 12900-12350 نقطة باذن الله و أتوقع بأن الصعود يبلش مع بداية الربع الرابع يعني شهر عشرة

    ابو ثنيان: كلامك صحيح يا بو محمد," الثور يطلع بشهر عشرة"

    حقائق: اشمعنى الثور ما يطلع الا بشهر عشرة؟

    ابو ثنيان: لا, هذا الكلام كنا نقوله أيام ما كنا نتداول بالسوق الأميركي, و كنا نلاحظ بأن الصعود غالبا يكون بشهر عشرة.. بس على فكرة يمكن يمكن يوصلون المؤشر الى 12000 نقطة و بس خلاص.. يعني مكاسب الصعود السابق تصبح صفر.. لأن أي نزول أكثر من جذيه يصبح انهيار حقيقي و لا يستحملونه كبار الشركات, و أعتقد أن النزول أكثر من 20% يصبح شبه انهيار.

    حقائق: ال 20% تعادل 12800 تقريبا, بس في تصحيح سنة 2006 وصل الى 28%

    ابو ثنيان: أيه بس الوضع مختلف..

    حقائق: شرايك باللي يقولون بأن السوق أنهى دورته الاقتصادية و مقبل على نزول يصل الى 10000 أو 9000 نقطة؟

    ابوثنيان (بعد أن ضحك): اشهالكلام؟ تدري لو يوصل السوق 10000 شنهو يصير؟ شركات و صناديق تعلن افلاسها و هذا غير مقبول و غير وارد و لا يخلونه. و بعدين شنهو انتهاء الدورة الاقتصادية؟ اقتصاد الكويت لازال في دور انتعاش و كان من المفترض ان البنك المركزي يرفع الفائدة بسبب هذا الانتعاش الاقتصادي.

    حقائق: طيب ليش ما رفع الفائده؟

    ابو ثنيان: ما رفعها لأن الدولار نازل و يصبح ضرر على الكويت اذا رفع الفائدة, لذلك البنك المركزي سوى شغله بديله و هي القرارات اللي طلعت بس هذه القرارات صحيح انها تحد من التضخم و لكن انعكست سلبي على الشركات و البورصة.. حتى ان البنك المركزي ما عطى فرصة! طبق قراراته فجأة و دون سابق انذار أو اعطاء مهله .. و لو فعل ذلك كان ممكن يكون الوضع أهون.

    حقائق: هيئة الاستثمار أقرت ضخ 20% للصناديق, بس ما أشوف لها أثر ليش من قبل الصناديق؟

    ابو ثنيان: ممكن بس ما راح تشوف شي في الوقت الحالي (لأسباب ذكرها لي ابو ثنيان, ممنوعة من النشر)!
    حقائق: طيب شنهو وضع سهم شركة زين و باقي الأسهم؟ لأني شايف انه تقريبا انهى تصحيحه و يفترض انه يبلش في الصعود , بس مو عاجبني تذبذبه في منطقه سعرية معينه كأنه يبي ينزل.

    ابو ثنيان: السهم ما أعتقد راح يخلونه, راح يصعد (باذن الله) و اللي راح يشيل السوق الشركات الكبرى بما فيهم مجموعة الخرافي.. و مو من صالحهم ينزل عليهم السوق نزول كبير و لا من صالحهم ان تبقى اسهمهم نازله.

    حقائق: اشصار على موضوع "مصفاة البترول"؟ و من المستفيد من الشركات المحلية؟

    ابو ثنيان: خلاص, صار من صالح الحكومة, و أول المستفيدين هم شركة السفن و الأنابيب.

    حقائق: تسمح لي أن انشر كلامك بمنتدى المؤشرنت؟

    ابو ثنيان: على راحتك..

    حقائق: يالله نشوفك على خير

    ابو ثنيان: تعال .. تعال بو محمد عندي لك سهم تستثمر فيه 3 شهور (من الاسبوع الياي الى شهر 12) و راح تحصل من وراه خير باذن الله, بس لا تقول حق أحد انطر لمن يدخلون عليه بعض من اللي يعزون علي.

    حقائق: ايه و لا يهمك ما أقول, بس شنهو هالسهم؟

    ابو ثنيان: السهم " الفلاني" (سعرة تحت 200 فلس)

    حقائق: مشكور, بس هالسهم ما أبيه و لا أشتهي ملاكة, و بعدين عندي اسهم مقتنع فيهم و الكاش لك عليه شوي.

    ابو ثنيان: على راحتك, بس لا تقاطع.

    على فكرة الأخ ابو ثنيان يعتبر من أولاد اسواق الأسهم المحلية و الدولية و كذلك العملات منذ أن كان عمرة 18 سنه! و عسى الله أن يوفقه

    هذا الحوار الذي دار بيننا الذي أذكره!

    و السلام عليكم
     
  2. الغالبي

    الغالبي عضو نشط

    التسجيل:
    ‏5 يونيو 2008
    المشاركات:
    255
    عدد الإعجابات:
    0
    مشكور والله يعطيك العافيه.... السهم؟
     
  3. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    مشكور بارك الله فيك
     
  4. بوحسين11

    بوحسين11 موقوف

    التسجيل:
    ‏27 أكتوبر 2006
    المشاركات:
    2,076
    عدد الإعجابات:
    114
    مشكور ما قصرت اخوي حقائق وكذلك صاحبك ابوثنيان ماقصر :)
     
  5. سوق الاوراق

    سوق الاوراق عضو نشط

    التسجيل:
    ‏5 يوليو 2005
    المشاركات:
    3,972
    عدد الإعجابات:
    1,057
    السلام عليكم

    حسافة انك ما سألته هذا السئوال ..
    ليش الاسواق العالمية والاقليمية كلها نازلة بشدة ؟
     
  6. بو سلطان_

    بو سلطان_ عضو جديد

    التسجيل:
    ‏9 يونيو 2008
    المشاركات:
    313
    عدد الإعجابات:
    0
    مكان الإقامة:
    kuwait
    مشكور حقائق وجزاك الله خير
     
  7. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    خوش لقاء :)

    مشكور اخوي حقائق :)

    تدري عاد اليوم كنت ناوي افتح موضوع واكتب فيه (( اتوقع شركات الخرافي القائد القادم )) :)
     
  8. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    اتوقع بسبب النفط مثل ماقال كويتي زوم
     
  9. حقائق

    حقائق عضو محترف

    التسجيل:
    ‏4 يوليو 2008
    المشاركات:
    3,778
    عدد الإعجابات:
    145
    شكرا لك و لجميع من شكر,

    بالنسبة لسؤالك سأجاوبك عليه بعد شوي باذن الله.. بس فيه لك رسالة خاصة يا ريت تقرأها.

    شكرا
     
  10. الغالبي

    الغالبي عضو نشط

    التسجيل:
    ‏5 يونيو 2008
    المشاركات:
    255
    عدد الإعجابات:
    0
    عزيزي حقائق ... السهم بعد قلبي
     
  11. Medo

    Medo عضو نشط

    التسجيل:
    ‏15 نوفمبر 2004
    المشاركات:
    662
    عدد الإعجابات:
    1

    بارك الله فيك عزيزي بومحمد على المجهود المميز
     
  12. notime

    notime عضو جديد

    التسجيل:
    ‏16 فبراير 2006
    المشاركات:
    521
    عدد الإعجابات:
    0
    مكان الإقامة:
    Kuwait
    الله يعطيك العافيه على اللقاء .
    اجابه دبلوماسيه عن اعيان ويوصي على شركه اخرى ...!!
    انا عن نفسي ما ابي اعرفه هالسهم اللي اوصى عليه اخاف يبي صرفه علي .
    وسلامتكم
     
  13. أسد سليمان ملك

    أسد سليمان ملك عضو مميز

    التسجيل:
    ‏15 مايو 2008
    المشاركات:
    8,659
    عدد الإعجابات:
    0
    مكان الإقامة:
    uk
    الله يجزاك خير يا خوي حقايق
     
  14. kuwaiti_zoom

    kuwaiti_zoom عضو مميز

    التسجيل:
    ‏16 ابريل 2007
    المشاركات:
    933
    عدد الإعجابات:
    0
    مجهود رائع من شخص رائع
    بارك الله فيك يابومحمد على هالمقابله اللي أستمتعت بقرأتها
    موفق خير أن شاءالله
     
  15. kuwait_SE

    kuwait_SE عضو جديد

    التسجيل:
    ‏12 أغسطس 2007
    المشاركات:
    176
    عدد الإعجابات:
    0
    مشكوووووور
     
  16. حقائق

    حقائق عضو محترف

    التسجيل:
    ‏4 يوليو 2008
    المشاركات:
    3,778
    عدد الإعجابات:
    145
    حياك الله بو عبدالوهاب

    حياك الله بو عبدالله و جميع الاخوان اللي عبروا عن شكرهم..

    و آنه ناطر رد الأخ "سوق الأوراق"! ما تعرفون وينه؟:)

    تحياتي و الله يوفق الجميع
     
  17. فيصل2

    فيصل2 عضو نشط

    التسجيل:
    ‏21 مايو 2006
    المشاركات:
    1,615
    عدد الإعجابات:
    29
    مقابلة جدآ قيمة

    واسئلة جدآ مهمة

    بس ودي احط علامة استفهام كبيرة على توصيتة لك بسهم غير سهمة

    ماذا يقصد فية والسوق متوقع نزولة الى 12 الف وشوي على قولتة ؟؟؟

    بارك الله فيك ياخوي .....


    وانا احس ومقتنع اسباب نزول البورصة كلة يدور على اقروب الخرافي
     
  18. أبو فلسين

    أبو فلسين عضو نشط

    التسجيل:
    ‏9 مارس 2007
    المشاركات:
    4,124
    عدد الإعجابات:
    549
    الله يجزاك خير اخوى حقائق بس لو قايل شنو السهم جان ريحتنى شوى
    لانه لو عندى هذا السهم بحتفظ فيه :)
     
  19. حقائق

    حقائق عضو محترف

    التسجيل:
    ‏4 يوليو 2008
    المشاركات:
    3,778
    عدد الإعجابات:
    145
    حياك الله أخي الكريم..

    التوصية كانت شغله عابره و ليس لها اي أهمية مقابل الوضع العام.. آنه عن نفسي لم أعيرها اهتمام كان عندي الأهم الوضع العام. أما التوصية فكانت أخويه و لم اذكرها و لن اذكرها! مو وقته. وكل الاسهم يعتبرون توصية في الأيام القدمة, لأن أغلبهم في الحضيض و باسعار مغرية بما فيهم سهم اعيان عقارية. و آنه عادة لا أمشي على توصيات.

    نروح انصلي أحسن. صح؟
    تقبل تحياتي
     
  20. الغالبي

    الغالبي عضو نشط

    التسجيل:
    ‏5 يونيو 2008
    المشاركات:
    255
    عدد الإعجابات:
    0
    الله يباريك فيك ويخليك لعيالك...