منو يبي يرفع قضيه وياي

[أسد سليمان ملك]

ابشرك بخير عساك بخير

واليوم ولد اخوك طلعت نتيجته ونجح ولله الحمد

مبروك يابو سلمان تستاهل تفرح وعقبال ما يصير دكتور

تدري الولد لي سالته شنو تبي تصير قال ابوي يبيني دكتور
ولي كبر اتراكض ورى الواسطه علشان تشغله

 

[جمبازي]

السلام عليكم موضوعي انا مشترك نظام 17 دك 700 دقيقة
فواتيري الشهرية ما تعدي 18 و اذا زادت 21

الشهري الماضي سجلت فواتيري قفزة سعرية 51 دك

اخاف رحت سوق شرق ..

 

[(فزاع)]

ابشرك بخير عساك بخير

واليوم ولد اخوك طلعت نتيجته ونجح ولله الحمد

كفو والله .. انا قايل منزمان انه على ابوه :d ..
يلا بالمبارك ان شاءلله ..
وعقبال ما تشوفه دكتور او مهندس ..
ولا تدري اشلون ..؟
اشرايك تعلمه على الاسهم ..؟ :d​

 

[بو سليمان]

اخاف رحت سوق شرق ..

ههههههههههههه

شرق رحت له مرتين بحياتي اخرها بشهر 6 الماضي و تصدق كنت ضايع و مبهور من اللي شفته

تصدق ما كأني عايش بالديره

البر احسن لضمان الاخلاق الحميدة مو حلو الواحد ينحرف علي كبر :d:d:d

 

[nawafhma]

والله انا وياكم هالشركة صارت مثل مؤسسة التأمينات يخذون الفلوس ولايقولون

واذا سألت قالوا هم ادري والبيبان مسكرة.

 

[NOCOMMENT]

مارح تصيد عليهم شئ لان فواتيرهم محد يعرف يقراها حتى الموظف عندهم مايعرف

 

[السور]

أبتلشنا في هالديره بكثرة الحراميه
لج الله ياكويت

منو يقول فى حرامية !!

ناس قاعدة تستثمر بفلوسك بدل ماانت حطها بالبنك !!

 

[bo_hamood]

بسم الله الرحمن الرحيم



السلام عليكم ورحمة الله وبركاته

اولا يا اخوان يعلم الله اني ما احب رفع القضايا ولا المحاكم ولا عمري طبيتها

بس السالفه خلاص اوصلت حدهاااااااااا

بتقولون خلصنا بترفع ضد منو

بقولكم ضد شركة (زين)


طيب ليش يانواف بترفع قضيه؟؟؟؟؟


بقولكم السالفه.......



يطولي بعماركم صارلي 5 اشهر وانا قاعد اقول بتابعهم واقول مو معقوله الي قاعد يصير مكالمات جنونيه قاعد ادفعهاااااا


خذيتلي خط وطنيه تعبئه ......

وقمت استعمله وخليت خطي هذا شغاال

طبعا اول شي دقيت عليهم وقلت لهم كنسلو كل الخدمات

بس خلو خدمة ويانا الى اهي اشتراكها 17 بالشهر وفيها 700 دقيقه

حلوووو ؟ حلوووو؟؟؟


يعني لي بالشهر 700 دقيقه اتكلم حلال بلال طبعا قولو مع المسجات

وللعلم انا مو راعي مسجات حتي بالمناسبات مسجاتي قليله

قولو داز مسجات ب 5 دنانير ولايزعلون الاتصالات

5+17 =22 دينار

حلو

الحين قلت ابي اصيدهم

قمت اذا اتصلت عقب المكالمه اسجل الدقايق

تدروون جم اطلعت عدد الدقايق الي استخدمها شهريا


طبعا هالمتابعه مثل ماقلت من 5 اشهر

600 دقيقه بالكثير هاااااااااااااااا ولا تنسون انه اغلبها يكونون داقين يعني المفروض انها مجانيه حلووووو؟؟

بس هم ولا يزعلون الاتصالات خلووووووووووووووها 600 دقيقه

يعني اطالبهم 100 دقيقه
مابيها حلال بلال

تدرون جم شهريا يطلبون مني

ماااااايقل عن 120 150 دينا هذا

الافرج من 5 اشهر..........


يعني قولو فوق حسبتي ماخذين مو 100 دينار افبلاش يالله قولو 50 دينار

اتوقعون جم 50 ياخذون منا شهريا بلا وجه حق

من متى واحنا ننباق وماندري وساكتين

حتى لو الواحد عنده خير ونعمه مايصير نسكت عنهم


ابيكم من هالشهر تتابعون فواتيركم

من هالشهر تبطلون عيونكم

وتطلعون برنتات

والي يصيد عليهم شي يدزلي بالخاص راح انتظركم اليييييييييين نجمع اكبر عدد ونرفع قضيه جماعيه

والمحامي عندي لاتحاتون ومجااااااااااااااااااااااني



لاحول ولا قوة الا بالله ​

انا اول واحد معاك والله العظيم امس رايحلهم حاطين علي 25 دينار مسجات وكنسلوهم والشهر اللي طاف نفس القصه60دينار وهم راجعتهم وقالو غلط فني وهم كنسلوا الزياده وبعد عندي جوال مستعمله شوي بس تعال شوف الحساب بجم واصل

 

[دلال البورصه73]

انا بعد اشوف كل شهر فواتير تلفوني وايد

رغم انه كل شهر اصفر الحساب لكن مايمدي قبل لاينتهي الشهر يطرشون مبلغ يديد

 

[acton]

حراميه من قلب انا صارت لي قصه بسنه 2004 ياتني فاتوره بقيمه 87 دينار ولااستعملت التلفون خير شر لان هالفتره مسافر والتلفون عندي وكل شهر تيني فاتوره ولمن رجعت الكويت سنه2006 سددت الفواتير ولغيته
على فكره في شي ثاني تيني فاتوره الماي والكهرباء فوق 600 وبيتي مسكر وازيدكم بعد تيني فاتوره ماي الصليبي وانا اصلا ماعندي صليبي
اشتكي حق منو ::verymad::::verymad::

 

[سوق خضرة]

اللي تلفونه تجوال يلاحظ انه اذا سافر اي دولة توصله مسجات فيها ارقام السفارة (( يعني ترى خايفين عليك لا تضيع )) ويدزنها لك اكثر من مره مع مسجات الشركات الثانية اللي بالدولة اللي انت مسافر فيها تدرون انه سعر المسج فوق ال 300 فلس ؟؟

بس نصيحة كل تاريخ 11 الشهر طلع فاتورة لتلفونك اللي بالشهر اللي فات كله وسوى نفسك فاهم وانت تسالهم وحمر العين شويه واللي يبي شي من زين رفيجي يشتغل فيها (( لا بس لا تقولون لي طلع رقم التلفون بأسم منو )) :d:d:d:d:d:d​

 

[المتسامح]

لو تلاحظون دائما أي خطأ في الخدمة أو الفاتورة يكون لصالحهم !

يعني دائما ياخذون منك زيادة ما يعطونك زيادة .. بالخطأ !

أليس هم من يبرمج و يتابع أنظمة الفوترة و الحاسب الألي.

هل الأمر مجرد خطأ و صدفة ؟!

لا أظن ..

 

[الجيكر]

اي والله حسبي الله ونعمه الوكيل
ولا حوله ولا قوه الا بالله
وانا بعد وياكـــــــــــــــــــــــم

 

[Mohammedq8]

احتسبوا..

وجايكم الجوال... حولو عليه.

(ويمكرون ويمكر الله والله خير الماكرين.)

 

[سفير النواياااا]

حول خطك ايزى وارتاح البوق من زمان حسبى اللة ونعم الوكيل

 

[باحث قانوني]

السلام عليكم انا صتهم
وطلع خطأ موظف
والمشكله خمس دنانير
ومن واحد لواحد يقطه براسه
وطوفتها وخلوها بحسابي
زايده
والله مشكله
وكان وقتي مصادف اليام الانتخابات
والكل مو فاضي
مثل ما انتو عارفين

 

[باحث قانوني]

على فكره انا خطوطي ايزي
عليهم وهذا اللي خلاني اصيدهم
عندي الوطنيه فواتير مرتاح
حدي

 

[الخمعلى]

الحمدالله فصلت الفواتير والحين على الايزى ومرتاج
ذبجونا تدفع اليوم بعداسبوع تنزل عليك فاتوره غير طبيعيه
الجوال متى يشتغل ويريحنا منهم ومن البراك اللى من استلم زين وزين مو زين0 تدرون ان افريقيا ابتلشوا فيها يقولون فواتير بمئات الملايين لم تسدد وهناك ماكوا ظبط واحضار نفس الكويت يعنى باى جبل تصيده

 

[مناوي الشعر]

على فكره انا خطوطي ايزي
عليهم وهذا اللي خلاني اصيدهم
عندي الوطنيه فواتير مرتاح
حدي

والله فواتير الوطنيه مو مقصره تاخذ اكثر من اتصالات زين

مع ان مكالماتي ماهي كثيره بس الفواتير كثيره

حسبي الله عليهم من تلقى طريق لهم يشوفون طريق ثاني للنهب

والاتصالات السعوديه اكبر رادع لهم ولاشكالهم ؟

والله يكون بعون الكويتي الشريف

 

[kuwait_17]

انا اقل واحد يتكلم بالتلفون وكل شهر ادفع من 60 الى 80 دينار

بس الشهر الجاي بسوي فيهم دقه ,, بسكر تلفوني شهر كامل وبشوف الفاتورة بكم بتوصل لي .

بس المشكلة إشلون تثبت عند عند القاضي انك مسكر تلفونك شهر ؟؟؟

اذا حبيت ارفع عليهم قضيه ​