#####متابعة التداول ليوم الاحد 14/9/2008#####

[بوحسين11]

من قدك يالي بايع فوق

 

[حفار قبور]

السوق صار سوق المحاميد

كل شي بإمية فلس

( بورصة المحاميد )

 

[Navigator]

صح بدنك
طوفة سوق الميره
مقابل بوابة الأغرار طالع عمرك

لا يروح بالك بعيد انا مو عندهم ولله الحمد

سو لك ديوانية

بس دير بالك من الازاله

 

[دولار$]

طلعت لي قسيمه بسعد العبدالله قلت ابني سرداب و 3 ادوار من فتره

كنسلت السرداب ومن جم شهر كنسلت الدور الثالث اول شهر 9 كنسلت الدور الثاني

اليوم بعد ما سكر السوق دخلت على ام العيال وقلت ترا يمدحون البيت دور واحد

ان شاءالله ماتدخل عليهم وتقول لهم يمدحون الخيمه ام عمودين ​

 

[هموم وكدر]

سو لك ديوانية

اذا السوق على الحاله هذي

تاكد 3 غرف و حوش نفس بيوتنا القديمه اما الصاله اخذ العيال بيت

الجيران ادخلهم صالتهم واقولهم ترا هذي للى يسمونها صاله

ما نقول الا ..... لا اله الا الله قدر الله وماشاء فعل

 

[أسد في البورصة]

اخواني اصبح المنتدى مجرد تحلطم عالبورصه

مافي تحليل اخبار توصيات محافظ صناديق المركزي اشرايه اعضاء مجلس الخ....الامه

اغلب الصفحات سوالف وضحك الله يهدي الجميع

هذا شارت يقول انه المؤشر رايح 12000 نقطه