هذي اسهمي الي شريتها وهذي الكميات ارجو المساعدة

[ابو_العبادلة]

مساء الخير على جميع الاخوان

اول شي وبدون مقدمات

انا شخص الله سبحانه رزقني وشتغلت صارلي اربع سنوات بالبورصة

والحمد الله كونت مبلغ طيب ولكن مع اللأسف يقلون الغراده ما تخلي راعيها

في تاريخ 2 / 7 /2008 وصلتني معلومه من احد الصدقاء عن سهم ( ايفا )

ان سهم رايح فوق فوق وكان سهم في هذاك الوقت سعره 465 فلس

ورحت واخذت سهم أجل بكمية 300 الف سهم اجل بسعر تقريبا 470 فلس

والمدة 3 اشهر ونفس اليوم بعد شريت سهم ( غلف انفست ) بسعر 212

كاش والكمية 100 الف وبعد نفس اليوم اخذت سهم ( بيان ) كاش بسعر 375

فلس وبعد يومين رجعت واخذت غلف انفست بسعر 202 فلس أجل قلت ابرد

على الي عندي من الغلف الي ماخذا بسعر 212 فلس وكان هذا تفكيري

ومع الايام كنت انتظر ان الاسهم الي ما خذهم ان يصعدون ولكن مع اللأسف

لم يصعد اي سهم منهم وفي تاريخ 4 / 8 / 2008 رحت حق سوق ابي

اشوف شنو صار على الاسهم الي ما اخذها ووزني شيطان اني ادخل على

شركة المستثمرون لان سهمها كان مغري جدا وكان في هذاك الوقت

سعره 128 فلس وفعلن دخلت وشريت 100,000,000 مليون سهم أجل

ولحين يا اخوان ابي نصيحتكم الله يرحم والديكم ترى والله فلوسي كلها

شريت فيها اسهم والحين على الله سبحان وتعالى وحده واملي فيه ان

يعوضني عن خسارتي لكم الاسهم مع الكميات والانتهاء العقد .


1- ايفا سعر شراء 465 الكمية 300 الف أجل انتهاء العقد 28/ 9 .
2- غلف انفست سعر شراء 212 كاش كمية 100 الف .
3- غلف انفست سعر شراء 202 كمية 100 الف اجل 30 / 9 .
4- المستثمرون سعر شراء 128 كمية مليون سهم أجل انتهاء العقد 1/ 12 .
5- بيان سعر شراء 375 كمية 100 كاش .

ارجوكم الي يقدر ينصحني ويرشدني الله يرحم والديه والي يبي يعلق ويطنز ترى الواحد زهقان ما له خلق ان احد يتشمت فيه ودمتم .

 

[بـوغـانـم]

اللة يعينك ويعوض عليك انت رقم مليون من اللى اتييهم توصيه او معلومه والعدد يزداد يوميا

 

[محمد النصافي]

الله يعيـــنك .. وماتضيق الا تفرج .. وان شاء الله الفرج قريب
لكن ياخوي قبل لا تأخذ اجل ماعرفت خطورة الاجل ؟؟
الاجل اسهل طريق للافلاس"
ومشاء الله على كتلتك الماليه يعني ماتحتاج تأخذ اجل اتحرك بالسوق على كيفك بالكاش
حنا بشهر فضيل ادع ربك عسى الله يفرجها عليك وعلى كل مسلم ان شاء الله
واهم شي لا تأثر هالامور على صحتك ونفسيتك " لان الفلوس اتعوض وكل شي يتعوض "" لكن الصحه وحده انعم الله علينا فيها وما تتعوض

الله يكون في العون

 

[thug-life]

اخي الكريم الحل بالصبر و الدعاء
مع العلم انا شخصيا مدبس مثلك .. بس ما اقول الى الحمدلله على الصحه و العافية و ادعوا الله ان يفرج عنك
و الله مع الصابرين

 

[بوناصر10]

الله يعوض عليك يالغالى ولحمدالله على الصحه ولعافيه وان شاءالله المحللين فى المنتدى ماراح يقصرون معاك وفيهم الخير والله يحفظك ويفرجها عليك وعلى كل خسران


اخوك بوناصر

 

[ابو_العبادلة]

هلا اخوي ابو غانم مشكور على مرورك .

اخوي محمد النصافي مشكور على مرورك وبخصوص ان عندي سيولة زينه ومحتاج اجل صح كلامك بس انا قلتلك كان عندي معلومه عن سهم انه راح يرتفع وكنت اتوقع انه راح يرتفع بسرعه .

اخوي thug-life مشكور على مرورك وندعوا الله الي ولكم ان يفرج علينا كربتنا جميعاً .

 

[ابو_العبادلة]

هلا باخوي ابو ناصر

مشكور على مرورك الله يرحم والديك واتمنى من الاخوان المحللين ان يفيدون

بالنصيحة ولكم فائق الاحترام والتقدير على مروركم .

 

[alshammery]

اللة يعينك اخوى واشلك فى الاجل ومخاطرة انت اندفعت وخاطرت مو كل واحد يبوصى تمشى وراة اتذكر فى 2004 واحد من الربع يوم تفسخ جيزان من 3920 ووضل ل1160 اخذت كميةويوم وصل ل1240 بعت ونزل بعدها للمرة الاخيرة اوصانى وقال شيل باللى عندك من فلوس جيزان تراة رايح 1800 والحمد للة انى ما طعتة والا كان راحت فلوسى مع جيزان اللى خسر عالم بعدين الاجل نصيحة للكل ابتعدوا عن الاجل ولاتغرنكم الاسعار وهذا انتوا شايفين احد توقع المستثمرون ينزل ل99 فلس يا ناس الكبارية اذا حبوا يفسخونكم الاجل واللة لينزلون السهم ل50 فلس اذا كانت الكمية كبيرة علشان ينفذون اللى فى راسهم واعتقد الوضع الحالى درس لكل من يقدم على الاجل مستفبلا ودمتم.

 

[الشاطر]

1- ايفا سعر شراء 465 الكمية 300 الف أجل انتهاء العقد 28/ 9 .

ايفا طلع عليك تقريبا 139.5الف تقريبا مقدم 55.8 الف مطلوب 83.3الف
سعر السهم الحين310 يعنى 93الف لوبعت الحين بالسعر الحالى راح تخسر 46.5 الف باقيلك من مبلغك 9.3 الاف يعنى لو ينزل السهم خمس افلوس تطلع مطلوب


2- غلف انفست سعر شراء 212 كاش كمية 100 الف .

سعر الشراء 21.2 الف السعر الحالى 165 فلس =16.5 الف


3- غلف انفست سعر شراء 202 كمية 100 الف اجل 30 / 9 .

مقدم على الاجل 8080 دينار اجمالى المبلغ 20.2 الف
السعر الحالى 165فلس =16.5 الف خسارتك=3700 دينار راح يصير وياك كاش 4380 دينار


4- المستثمرون سعر شراء 128 كمية مليون سهم أجل انتهاء العقد 1/ 12

ما تخوف ان شاء الله تتعدل باقرب وقت .

5- بيان سعر شراء 375 كمية 100 كاش .

السعر الحالى 255 فلس =25.5 الف

اجمالى الكاش اللى عندك يطلع46.380 دينار من راي انك تبيع الكاش ونمدد الاجل ايفا مبلغك اللى دافعه كبير لعل وعسى يتعدل السهم او خل عنك ايفا وعيد ترتيب نفسك بالفلوس الباقيه عندك والله يعوض عليك مبلغك الباقى تقدر تشتغل فيه من جديد

ارجوكم الي يقدر ينصحني ويرشدني الله يرحم والديه والي يبي يعلق ويطنز ترى الواحد زهقان ما له خلق ان احد يتشمت فيه ودمتم .

الله يعينك
ويجعل لك مخرج من هالمصيبه

اكثر من الاستغفار

 

[سوق الاوراق]

مساء الخير على جميع الاخوان

اول شي وبدون مقدمات

انا شخص الله سبحانه رزقني وشتغلت صارلي اربع سنوات بالبورصة

والحمد الله كونت مبلغ طيب ولكن مع اللأسف يقلون الغراده ما تخلي راعيها

في تاريخ 2 / 7 /2008 وصلتني معلومه من احد الصدقاء عن سهم ( ايفا )

ان سهم رايح فوق فوق وكان سهم في هذاك الوقت سعره 465 فلس

ورحت واخذت سهم أجل بكمية 300 الف سهم اجل بسعر تقريبا 470 فلس

والمدة 3 اشهر ونفس اليوم بعد شريت سهم ( غلف انفست ) بسعر 212

كاش والكمية 100 الف وبعد نفس اليوم اخذت سهم ( بيان ) كاش بسعر 375

فلس وبعد يومين رجعت واخذت غلف انفست بسعر 202 فلس أجل قلت ابرد

على الي عندي من الغلف الي ماخذا بسعر 212 فلس وكان هذا تفكيري

ومع الايام كنت انتظر ان الاسهم الي ما خذهم ان يصعدون ولكن مع اللأسف

لم يصعد اي سهم منهم وفي تاريخ 4 / 8 / 2008 رحت حق سوق ابي

اشوف شنو صار على الاسهم الي ما اخذها ووزني شيطان اني ادخل على

شركة المستثمرون لان سهمها كان مغري جدا وكان في هذاك الوقت

سعره 128 فلس وفعلن دخلت وشريت 100,000,000 مليون سهم أجل

ولحين يا اخوان ابي نصيحتكم الله يرحم والديكم ترى والله فلوسي كلها

شريت فيها اسهم والحين على الله سبحان وتعالى وحده واملي فيه ان

يعوضني عن خسارتي لكم الاسهم مع الكميات والانتهاء العقد .


1- ايفا سعر شراء 465 الكمية 300 الف أجل انتهاء العقد 28/ 9 .
2- غلف انفست سعر شراء 212 كاش كمية 100 الف .
3- غلف انفست سعر شراء 202 كمية 100 الف اجل 30 / 9 .
4- المستثمرون سعر شراء 128 كمية مليون سهم أجل انتهاء العقد 1/ 12 .
5- بيان سعر شراء 375 كمية 100 كاش .

ارجوكم الي يقدر ينصحني ويرشدني الله يرحم والديه والي يبي يعلق ويطنز ترى الواحد زهقان ما له خلق ان احد يتشمت فيه ودمتم .

السلام عليكم

اخي الكريم الله يكون بعونك ...
فعلا مصيبة .
شوف اخوي انت فكر بكلامي عدل ومن ثم القرار لك ولا تحملني المسئوولية ... !!!
لو كنت مكانك اروح السوق وابيع الاجل كله بدون تردد ولا راح اتحسف على اللي يصير بعدين لان السوق كل يوم له شكل .
لماذا ابيع الاجل لان تاريخ الانتهاء بالنسبة لايفا وغلف انفست باخر الشهر الجاري ...
وابيع حتى المستثمرون حتى لو في كلام عن الشركة .. لان الكمية كبيرة جدا وماتقدر تغطيهم لو استمر النزول ....

المهم عندي اني امسك الكاش وما اشتري شئ فيهم حتى نعرف شنو سبب النزول وشنو سر الخطير ..الاسواق العالمية كلها تنهار بنفس الوقت !!!!

وايضا من المهم عدم بيع الاسهم الكاش حتى لا اكون خسران بشكل كامل انما راح استخدم الكاش مستقبلا عند الضرورة بحالة توقف النزيف ومعرفة اتجاه السوق .....!!!!
دير بالك تشتري شئ لو بعت الاجل ولا حتى التفكير بالتبريد بالوقت الحالي مهما كانت الظروف او الاشاعات او كلام الناس ...!!!
وحاول انك تمسك الكاش ان شاء الله تقدر ان تجمع ايضا خلال الفترة القادمة وتجد اسعار حلوة للشراء والتبريد بعد فترة زمنية حتى تقدر تبرد على اسهمك اللي انت ماخذهم بالعالي وتخفف خسارتك الكبيرة بخسارة معقولة .... وتحتاج للصبر والوقت ...
الله يوفقك ويصبرك ويعوضك خير ان شاء الله ​

 

[FLOOD]

توقيتك سىء باين من طريقة الشراء تستهدف الربع الثالث للخروج وهذا كان تفكير اغلب الناس و اعتقد انه خطأ بالوقت هذا الى يشترى اعتقد توقيت الخروج يفترض ان يستهدف مابين الربع الاول والربع الثانى السنه القادمه بالخروج السوق يحتاج وقت وصبر شوى على ما تتغير النفسيات والاتجاه

 

[بو سجي]

انا الله وانا اليه راجعون من شاف مصايب الناس هانت عليه مصيبته الله يكون في عونك وبعون الله من اليوم السوق يصير اخضر بخضر وانا من اليوم بصير عرباوي بس ترجع اسعار الاسهم مثل ماكانت بس ماابي اربح توبه ردولنا فلوسنا

 

[ورق خسران]

ان شاء الله السوق يعدل الايام الجايه ووتتعدل اوضاعنا كلنا يالحبيب اللي صاير فيك احمد ربك يا خوي اشوه عندك كاش مو كلهم اجل بس الله كريم وان شاء الله يطيح حظنا بسهم نودع الفقر فيه

 

[ابو_العبادلة]

صباح الورد

على جميع الاخوان : الشاطر و سوق الاوراق و flood وبو سجي وورق خسران

والله هذا الي كنت افكر فيه اني ابيع كل الأسهم الي عندي وأنطر

على ايفا والمستثمرون لان ايفا اهي الوحيده الي اذا بعتها مراح استفيد شيء ولا راح يطلعلي

شيء من للبيعه .

الله يرحم والديكم ومشكورين على النصايح وعلى المرور على الموضوع

ولكم مني فائق الاحترام والتقدير

 

[الشاطر]

صباح الورد

اخوي الشاطر

والله هذا الي كنت افكر فيه اني ابيع كل الأسهم الي عندي وأنطر

على ايفا والمستثمرون لان ايفا اهي الوحيده الي اذا بعتها مراح استفيد شيء ولا راح يطلعلي

شيء من للبيعه .

الله يرحم والديك اخوي الشاطر ومشكور على مرورك [/color]

حياك يالغالى

والله يعينك

 

[>>الرويلي<<]

لا تستعجل وتبيع بخسارة تركد واحسبها صح وحاول تقلل من الخسارة كثر ما تقدر اما عن الاجل انطر او بيع حسب هوى السوق وخلك مع الموجة لا توقف ضدها ترى تغرقك امشي معاها يعني تحبل للفرص بيع مع الصعود وتحبل لها مع النزول جذي قللت من الخسارة وتماشيت مع السهم

 

[(فزاع)]

اذكرك بدعاء الرسول عليه الصلاة والسلام ..
اللهم اجرني في مصيبتي ، واخلف لي خيرا ً منها ..
والله عزوجل ما راح يقصر مع عبده بهالشهر الكريم اذا دعاه وطلب منه ..
وان شاءلله ربي يعوض عليك ويفرح قلبك ..


دمت بود ..

 

[qwqw1]

مالك الى الدعاء واحنا كلنا خسرانين وماينفع خسران ينصح خسران والله يعوضك ويعوضنا

 

[بو سلطان_]

الله يعينك ولو اقدر اساعدك انا حاضر وربك كريم ويفرج عنك وعن الجميع هالمصيبه

 

[تفائلوا بالخير]

اوصيك بالدعاء اكثر من الدعاء خصوصا عند السجود واخر الليل واثناء الصيام وبالحاح على الله الكريم ومنا لك الدعاء