شباب ديروا بالكم مافيه شي اسمه تطوير قطعة e GO

[amer alamer]

السلام عليكم .......
انا حبيت اوضح انا مافيه شي اسمه تطوير قطعة الشبك على الانترنت
يعني من 3.6 تصبح 7.2
هذه ولا في الاحلام تصير لان شبك الانترنت معتمد على الخدمه الي انت مشترك فيها يعني زين عندهم اشتراك ب13ونص واشتراك ب27
على حسب الخدمه ...
وانا اظن ان احسن خدمه هي 27 دينار ...صج غاليه لكن تسوى

 

[تاجر 2008]

لا يسلم راسك طال عمرك

في شي اسمه تطوير بالشركه

كان عندي القطعه الزرقه القديمه وتشبك بقوة 3.6 واشتراكي ب 27

ورحت لهم وطوروها وخلو الشبك 7.2 وحتى الايقونه مالتها صارت نفس الايقو السوده

يعني الشركه تطور لك القطعه وسلامتك يا غالي بس حبيت اصحح المعلومه

 

[KuWaiT DriFT]

شاكر توضيحك ياخوي

 

[daywalker]

لا تعليق....!

 

[Camaro]

بالنسبه للتطوير كان عندي اشتراك بو 20 واخوي عنده بو 15 وانا طورت الايقو وجربنا الجهازين سووينا داون لود حق لعبه ونفس اللعبه ونفس الموقع وصراحه
مافرق شي لا بالنسبه للتطوير الى 7.2
ولا هم بالنسبه للاشتراكات طبعا السالفه قديمه اول ماطلع التطوير

 

[amer alamer]

لا يسلم راسك طال عمرك

في شي اسمه تطوير بالشركه

كان عندي القطعه الزرقه القديمه وتشبك بقوة 3.6 واشتراكي ب 27

ورحت لهم وطوروها وخلو الشبك 7.2 وحتى الايقونه مالتها صارت نفس الايقو السوده

يعني الشركه تطور لك القطعه وسلامتك يا غالي بس حبيت اصحح المعلومه

لا يا اخوي غلطان حدك انا متاكد من السالفه التطوير الي تقصده
هو بس بالارقال من 3.6 الى 7.2 هذا ارقام بس ..
الكلام على الاشتراك الي انت مشترك فيه ..
وفيه تلفونات انزلة تدعم خدمة 7.2 مثل ماشفنا تلفون ان 95 الي كان يدعم 3.6 القديمه
ولي مو متاكد دقو على زين واسالوهم ..شنو الفرق بينهم

 

[عزوز الكويت]

اخواني في شي انتم مو فاهيمه

في شي اسمه سرعه الشبكه

وشي اسمه سرع الاشتراك

الشبكه اهي 7.2

الانترنت عندكم زين لو تعدا 1 ميجا

 

[كويت2]

ياعمي .. مالك شغل بسرعة القطعة

عينك على سرعة الاشتراك

وهالأيام مو مقصرين قاموا يخورونه بالشبكة

يعني بو 27 يصير ساعات أتعب من اردى دايل أب

 

[هامور 2000]

ضعنا بالطوشة
أشترك ولا ما أشترك بالإيقو

 

[رولكس]

ضعنا بالطوشة
أشترك ولا ما أشترك بالإيقو

أخوي آنا عندي ego السوده شركة زين وإشتراكي 16 د.ك

وصارلها عندي تقريبا" 8 شهور وأحسن منها مافيه بصراحه

توكل على الله ولحق عليها بالشركة مسوين خوش عرض على القطعة

موفق إن شاء الله ...

 

[wal3li 2]

الحين في قطعه ايقو جديده يكون فيها مموري كارد وهذا اخر شي وصل والله اعلم

 

[rawking]

يعطيكم العافيه ,,,, بالنسبه للايقو وغيره من اجهزه اللي يقولك سرعة اشتراكك 3.6MB و 7.2MB و 3G كواليتي نت تعتبر المركز الرئيسي للانترنت في الكويت وكل الشركات تحتها من ضمن فاست تلكو والى آخره والانترنت يوصل عندنا من عن طريق مصر ومنحتنا حده 2 MB الاشتراك اللي نستعمله وماكو اكثر وبالنسبه لوزارت الخارجية والبنوك وغيره يعتمدون على سيرفر خاص فيهم وكيبلات خاصه فيهم بالاشتراكات فسرعاتهم تزيد لان لهم اتصال مع القمر الصناعي دايركت فالكلام اللي قاعد يطلع ان 7.2 و 3.6 هذا الكلام صحيح ان القطعه نفسها تعطيك السرعه هذي ولكن الاشتراك مايطوف سرعة ال512 ودلاله على كلامي لو تقارن بين دي اس ال من يونايتد نتوورك وقطعة اليو اس بي الايقو او ال wnet بتحصل ان يونايتد نتوورك سرعته خطيره جداً وهذا بسبب اعتمادهم على نقاوة الاشتراك واقصد من النقاوه ان كل اتصال له Ip address خاص فيه عندنا اللي صاير بال MTC , WATANIYA ان متاحه 8 ايبيات والكويت كلها تشبك عليه فيصير ضغط بالسيرفر والباندويث اللي اهوا الاشتراك ويفصل علينا وهذا سبب فشل قطعة زين وغيره من اشتراكات وشاكر لكم لمنحي فرصه للمشاركه معاكم

 

[kwaity1978]

السلام عليكم .......
انا حبيت اوضح انا مافيه شي اسمه تطوير قطعة الشبك على الانترنت
يعني من 3.6 تصبح 7.2
هذه ولا في الاحلام تصير لان شبك الانترنت معتمد على الخدمه الي انت مشترك فيها يعني زين عندهم اشتراك ب13ونص واشتراك ب27
على حسب الخدمه ...
وانا اظن ان احسن خدمه هي 27 دينار ...صج غاليه لكن تسوى

اخوي في لبس بالمعلومه عندك في فرق بين سرعه القطعه وقابليتها لل 7,2 والسرعه الحقيقيه

القطعه تتطور ما في اي مشكله بس السرعه اتيي من الخدمه نفسها

يعني لو انت عندك قطعه توصل 7,2 لكن اشتراكك 3,4 فرضا ماراح تطوف 3,4 لو شنو
بس لو اشتراكك 7,2 فرضا والقطعه مالتك ما تطوف 3,4لازم تطور القطعه لان القطعه مستقبل للاتصال


بس الفكره الحين في قطع اتتي عن طريق واير وسرعه الواير بنقل البيانات 2,5 !! اشلون بتستحمل 7,2 !!؟؟

 

[alanzi]

السلام عليكم .......
انا حبيت اوضح انا مافيه شي اسمه تطوير قطعة الشبك على الانترنت
يعني من 3.6 تصبح 7.2
هذه ولا في الاحلام تصير لان شبك الانترنت معتمد على الخدمه الي انت مشترك فيها يعني زين عندهم اشتراك ب13ونص واشتراك ب27
على حسب الخدمه ...
وانا اظن ان احسن خدمه هي 27 دينار ...صج غاليه لكن تسوى

السلام عليكم

اخي الرد عليك تجده هنا

http://www.mobilyconnect.com.sa/wps...icmV-oH6xfkhkaU5zsqAgDSa9LS?resetPortlet=true



اخوووووووووووووووك

 

[kokokaka]

انا اليوم رحت لهم وطور eg الحين صار اقوي من قبل وتقدرون تتصلون على 107 وراح يطلع كلامي صحيح ؟ محد قالي انا رحت اليوم وطورته ؟

 

[انا محمد]

انا مطورها برمضان اللي طاف قبل سنه وكان اشتراكي 17 دينار القديم

والسرعه اهي اهي ماتغير شي نفس الشي بالظبط وفاااشله القطعه


الله يعين اللي يشبك يوم خميس وجمعه يكون ضغط وتفصل وماكو تصفح