هل حان موعد دخول السوق بعد الانقطاع عنه ؟؟

[الدكتور م]

يا اخوان انا طلعت من السوق قبل 10 اشهر وشايف الاسعار نازله ومغريه للدخول شرايكم ؟؟؟؟؟؟؟

 

[kuwait25]

اخي الدكتور أول شي احمد الله عز وجل واشكره لانك خرجت قبل الانهيار وانك سلمت منه

ولكن الدخول ماعتقد اني مأهل لاني اقولك لكن الصبر جميل وبالنسبة للنزيف الله وعلم هل اهو انتهى او لا لكن انا في رأيي الانتظار حتى تتعدل الاوضاع مو شرط انك تكون مع اول الصعود القادم بالعكس انتظره يصعد وتظمن انه راح يستمر الصعود وبعدين ادخل

هذا الكلام انا اقوله من باب الاحتياط

واتمنى التوفيق لك عزيزي الدكتور

 

[الدكتور م]

اخي الدكتور أول شي احمد الله عز وجل واشكره لانك خرجت قبل الانهيار وانك سلمت منه

ولكن الدخول ماعتقد اني مأهل لاني اقولك لكن الصبر جميل وبالنسبة للنزيف الله وعلم هل اهو انتهى او لا لكن انا في رأيي الانتظار حتى تتعدل الاوضاع مو شرط انك تكون مع اول الصعود القادم بالعكس انتظره يصعد وتظمن انه راح يستمر الصعود وبعدين ادخل

هذا الكلام انا اقوله من باب الاحتياط

واتمنى التوفيق لك عزيزي الدكتور

مشكور اخوي والله يوفق الجميع ان شاء الله

 

[ورق خسران]

والله يالحبيب الاسعار مغريه بس النصيحه بالددخول لازم اللي انت تشوفه وبعدين الحين انا من رأيي ان الاسعار تجذب بس مو اجل كاش ويمكن السوق بينزل بعد حاول تتأكد عموما في شركات الحين سعرها سعر اكتتاب والله يوفقنا وياك يالحبيب

 

[(فزاع)]

الدخول بعدما يتم الارتداد وتأكيده ، وليس الآن ..

 

[wld al salmiya]

اهلا وسهلا

الدكتور م

صباحك ورد وياسمين

اول شي الحمدلله على السلامة

في قاعدة عامة تقول

اذا شفت الناس تبيع الاسهم من الخوف

فهذا هو وقت الشراء

ولكل قاعدة شواذ

عليك بالتــأني والحذر في الدخول والخروج

والله ولي التوفيق

 

[كويت2]

حياك بالقرقور ويانا

 

[سوق واجف]

مو مهم أنك تدخل الحين السوق ولا لاء

المهم شنو الأسهم اللي بهالوقت ممكن تاخذها؟​

 

[اشتراكي]

يا اخوان انا طلعت من السوق قبل 10 اشهر وشايف الاسعار نازله ومغريه للدخول شرايكم ؟؟؟؟؟؟؟

ادخل دكتور بنجرب فيك
اتغشمر معاك يامعود لا تدخل الحين اصبر

 

[بو سلطان_]

مو مهم أنك تدخل الحين السوق ولا لاء

المهم شنو الأسهم اللي بهالوقت ممكن تاخذها؟​

كلامك ميه ميه والاحلى الزهيريه

 

[sds2]

ياخوفي من التهويشه..وتصير كبش فدا....وانا انصح بالكاش اذا بيدخل الواحد افضل من الاجل لانه دمار

 

[حبيبكم]

+10 لايعتبر ارتداد كثير من الاسهم لازالت حد ادنى لهذا اليوم ولا تستعجلون
مثل ما أخذ السوق فترة طوييييييله في الهبوط فان الصعود ساخذ فتر طويله في مرحلة الصعود ولا والارجح بانها تكون اطول من فترة النزول واذا تاكدت من الصعود المتواصل لعدة ايام تقدر تدخل ولاحق عليهم لان الاسهم اغلبها في الحضيض.
ومثل ما يقولون "كل مطرود ملحوق"
لا تستعجل

 

[frozen]

شراء الاسهم الثقيله مثل بيت التمويل و الصناعات و تمويل خليج و بوبيان ب يعتبر فرصه

 

[بـوغـانـم]

صراحه انا استغرب من اللى يقول السوق مو وقت دخول للناس يا اخى قول مادرى او كيفك لاتعطيه شي انت ماتدرى وين مكانه الاخ الدكتور انت تقول انا كنت بالسوق وطلعت قبل 10 سنوات يعني تعرف السوق احسن من يمكن الفين مشترك بهالمنتدى وسئوالك غريب كانك لاعب الكوره اللى اعتزل ولما دش للملعب يشاهد مباراه قال ليش يركضون وراء هالكوره

 

[frozen]

صراحه انا استغرب من اللى يقول السوق مو وقت دخول للناس يا اخى قول مادرى او كيفك لاتعطيه شي انت ماتدرى وين مكانه الاخ الدكتور انت تقول انا كنت بالسوق وطلعت قبل 10 سنوات يعني تعرف السوق احسن من يمكن الفين مشترك بهالمنتدى وسئوالك غريب كانك لاعب الكوره اللى اعتزل ولما دش للملعب يشاهد مباراه قال ليش يركضون وراء هالكوره

المفروض من المشرفين يثبتون صفحه حق الدكتور يرد فيها علي تساؤلات المستثمرين الجدد

 

[بـوغـانـم]

الظاهر الدكتور تقاعد ومل من قعده البيت

 

[m.h.a]

صراحه انا استغرب من اللى يقول السوق مو وقت دخول للناس يا اخى قول مادرى او كيفك لاتعطيه شي انت ماتدرى وين مكانه الاخ الدكتور انت تقول انا كنت بالسوق وطلعت قبل 10 سنوات يعني تعرف السوق احسن من يمكن الفين مشترك بهالمنتدى وسئوالك غريب كانك لاعب الكوره اللى اعتزل ولما دش للملعب يشاهد مباراه قال ليش يركضون وراء هالكوره

بوغانم الرجال يقول قبل
عشر اشهر موعشر سنوات
الضاهر الصيام مأثر فيك​

 

[mans1234]

ادخل وانت مغمض مغامره 60% الأحوال الإقتصاديه و التغيرات الأخيره و الإشاعات الآنيه و القادمه تصب في مصلحة التجار يعني ادخل على حساب الناس اللي انذبحوا بالآجل واذا طافت الفتره اقعد و لا تدخل! ليش قلت 60% التصحيح على طريقة كاميكازي انتحار السوق شي فيه (إنه) !ما هدوها الا بيلعبوا و هم منتصرين على أحدث و آخر علم عرفوه سوف يطبقوه علينا لكن قوة و متانة السوق الكويتي و نهوضه من الكبوات شي طبيعي و بعدين هذي رزقتهم ما يتركونها لو شنو راح يورثونها لاعيالهم و اعيال اعيالهم ولكن المغامره وارده و اللعب مع الكبار شي خطير أقول احذفهم وشير تشيير
أتوقع نهوض السوق نهضه عملاقه بعد ذلك ... ما ني قائل اقرأ الفنجان بس يا جماعه قلبي يقولي
وانت بكيفك

 

[متداول جديد3]

+10 لايعتبر ارتداد كثير من الاسهم لازالت حد ادنى لهذا اليوم ولا تستعجلون
مثل ما أخذ السوق فترة طوييييييله في الهبوط فان الصعود ساخذ فتر طويله في مرحلة الصعود ولا والارجح بانها تكون اطول من فترة النزول واذا تاكدت من الصعود المتواصل لعدة ايام تقدر تدخل ولاحق عليهم لان الاسهم اغلبها في الحضيض.
ومثل ما يقولون "كل مطرود ملحوق"
لا تستعجل

وانا معاك بالراي اخوي حبيبكم

 

[الدكتور م]

مشكورين على المرور والمشاركة والله يوفق الجميع