انا شخصيا شاري السهم ب 88 فلس
بس عاد شلون بنحاش منه ما ادري
علشان يوصل سعري معناته السهم بيدوبل 3 مرات
يعني الي يدش ب 100 الف يطلع ب 300 الف خوش خوش
بس الله يعين الي شارينه ب 700 فلس
انا اعرف واحد بايع ارضه وداش على السهم ب 600 فلس وقت كان
الله يعينه ، ناطر الفرج
بس انتوا كل اشوي تعلقون ، ومحد فيكم شرح لنا الوضع المالي للشركة حسب ما هو مبين بموقعهم بالبورصة ، من اصول وديون وموجودات وما الى ذلك ، يبا خل واحد فاهم فيكم يسوي كوبي بيست حق الجدول مالهم ويشرح لنا خل نكون على بينتن من امرنا ، السهم اذا وصل فلس بعد شنسوي .
الحين هم ودنا نفهم ، شنو الخيارات جدامنا ، نبيع ونطلع بفتات ، ما يصير بعد ، تعور القلب هذي ، من 88 فلس نبيع ب 22 فلس
يرضيك يا عادل صقر يرضيك . اقول وين تاجر بن تاجر بهل الأزمة ممكن يفيدنا هههههههههههههههههههه
راحت ايام منا قابضة ب 1900 ، يسلام على الأيام الخوالي كنا ربحانين وسعداء .
انا الي بطا جبدي وذابحني ، كنت منثبر بسهم تبريد وكافي خيري شري ، شكو بعت ودشيت على اسهم البدر ، شكو شكو ليش هل التهور ، بس لأنه كان يصعد ، ما فكرت انها مصيده علشان انا وامثالي نبيع وندش معاهم يعني بنربح ودبسونه .
ميخالف قمنا انكلم روحنا ، بس شنسوي بعد
الحين عطونا خيارات ، عطونا شنو عندهمو عليهم ، وانا عندي صديقي محامي ، مكتبهم يعتبر ملك التعويضات ، هل ممكن يفيدنا بشي ان نشتكي ، هل هناك ما يدين مجلس الإدارة بشي ممكن نشتكي ، سمعت بايعين قسم من اسهم الخزينة ، هل ممكن نكون مشاغبين ممكن نطلع بشي
فيدونا
وهم عاش بو عادل
