للذكرى بعد أيام

[مارجن]

السلام عليكم

الصناديق نالت كفايتها وتستعد الآن للدخول بقوة وقد أرفقت لكم المؤشر لنتذكره بعد أيام أين كانم وأين وصل ,,, لقد دار حديث اليوم بيني وأحد مدراء الصناديق من مكتب ........... وبدأت بسؤاله وقلت له (ضيعتونا الله يسامحكم والله أن في ناس تدعي عليكم ,,, أجاب ،،، كله يومين بتشوف شي ماشفته ... وكنت أكلمه بشدة لأني أمون عليه وقال بس نأخذ الإشارة وراح تشوف المؤشر وين راح يوصل ... واعتقد أنه صادق بكلامه وخلونا ننتظر والصبر زين

 

[طويل البال]

الله يسمع منك

 

[فريد]

المحك الحقيقي للسوق هو الاسبوع القادم

نلاحظ عدم وجود أي اسباب لتفسير الهبوط لكن عندنا يوم الاربعاء 31مارس اقفالات الربع الاول لهذا فيه ضغط كبير على الاسعار والجماعة يبون يسكرون حساباتهم استعدادا لجنى الارباح ، بعد هذا التاريخ يتحدد مسار السوق واللي اتوقع له صعود تدريجي والحمد لله إن يوم الخميس الاول من أبريل السوق مقفل

 

[طويل البال]

كلا الحالات يعني في صعود للسوق.
الحمدالله

مو قتلكم طولوا بالكم

 

[Q8_2004]

مؤشر السوق مشكل الراس والكتفين !
HEAD AND SHOULDERS
وهو تـنـبـيــه بحدوث نزول كبير بالسوق

وايضا المؤشر اخترق المتوسط المتحرك100 نـزولاً وهي اشارة بيع كبيره


http://www.cybertraders.biz/money-and-business/showthread.php?s=&threadid=414

 

[الريان]

كويت 2004 بدون تعليق على الموضوع مني اقرا الموضوع هذا

ولي وجه نظر بالموشر

http://www.indexsignal.com/vb/showthread.php?s=&threadid=12414&perpage=15&pagenumber=1

 

[قلنا لكم]

راح تشوفون الموشر مثل ما ارفقت لكم تحت
وقريبا جدا جدا جدا

 

[almotaktak]

شنو تقصد بكلمة تحت

الأخ قلنالكم يا ريت تقولي شنو تقصد بكلمة تحت للإشارة للصورة اللي تحت والا ان راح نشوف شيء ما شفناه والسوق إلى تحت كلامك مموه علشان لو صار تحت راح تقول قلنالكم تحت ولو صار فوق تقول أنا أقصد الرسم المرفق

 

[قلنا لكم]

مو انا اللي اتلاعب بالكلمات

قصدي واضح جدا جدا
اقصد تحت يعني الصوره المرفقه تحت
والسوق فووووق انشالله عن قريب

 

[أبو عبدالمحسن]

Re: مو انا اللي اتلاعب بالكلمات

الرسالة الأصلية كتبت بواسطة قلنا لكم
قصدي واضح جدا جدا
اقصد تحت يعني الصوره المرفقه تحت
والسوق فووووق انشالله عن قريب

من شفا طلتك البهيه وانت اتقول السوق بيطلع وبيطلع والسوق نازل نازل


ياليت تاخذ لك اجازه من الكتابه

 

[قلنا لكم]

شكرا اخوي

ارجع الى احد المواضيع قلت فيه لاااازم ينزل السوق
يعني انا اتمنى ان ينزل السوق لانه صحي هذا النزول
وفعلا نزل السوق كما توقعت
ولكن الصعود اللي اتكلم عنه انا
اهو قريبا جدا
لكن بالضبط متى مادري لكن اتوقع من الاسبوع القادم او اللي بعده
واذا طلعتي من المنتدى راح ترتفع السوق راح اطلع من الحين

 

[بوحسن]

هم الاسهم الكبار كبار

تحس ان نزول السوق بدون معنى بصراحه

لاحظ سهم المخازن وسهم الانابيب وتعرف ان النزول غير مسبب لباقى الاسهم الي ما تفصخت وهم هذا دليل ان السوق بخير لان الربع مخازن وانابيب بخير وبسميهم مخابيب كاختصار وانشالله مخاببيبنا دليل عافية السوق

 

[almotaktak]

قلنالكم لا تزعل

أرجو انك ما تزعل اخوي قلنالكم آنه أتغشمر وياك لثقتي الكبيرة انه سوقنا سوق يا نصيب لا يجدي فيه التفكير المنطقي مثل الأسواق الأخرى بدليل ارتفاع الشركات الخسرانه وثبات او نزول الشركات الربحانة والسوق ما أقدر لنه او انت او حتى هيئة الإستثمار تحدد متي يرتفع لأنه في هوامير ياكلونها تخيل ياكلون هيئة الإستثمار باعتبار أنها ( هيئة الإستثمار ) ليس لها مصلحة بما يحدث لو أحسنا النية فيها فبعد ما يفصخون العالم من أسهمهم وياخدوها منهم بأبخس الأسعار تبدأ الإجتماعات لعدم السماح للبعض بتلاعب بالسوق الخ .. ومن هالحجي اللي ماكول خيره وتبعا لقاعدة اشتري يشترون وبع يبيعون تصير الهيئة تشتري شوي شوي لين تاخد كفايتها والناس تهب وياهم شغلة تقهر بيني وبينك ( ( (

 

[خوش ولد]

والله السوق زين الحين

 

[خوش ولد]

مثل ما قال الاخ الصبر مفتاح

شوف المخابيب على قولته وانت تعرف ان السوق ممتاز
وماعليه خوف لان هالسهمين شغلهم قوي وربحانين
يعني لو انه السوق مو زين جان نزلو هالسهمين مع السوق
لكن نزولهم الحين يعتبر قليل وفرصه للشراء
يعني اللي يشتري الحين في المخابيب اعتقد انه ماراح يندم

 

[قلنا لكم]

اخوي المتكتك

لا والله ما ازعل ولاهم يحزنون عادي
ومافيها شي كل شخص له حق يقول رايه
والحمدلله محد غلط
على العموم السوق للحين يبشر بالخير
والاخ الصبر مفتاح قالها لكم عدل
شوف كلمة الاخ الصبر وانت تعرف شنو اقصد انا
انا بقولك المحافظ طالعين من السوق الحين
بس في بعض الاسهم يحافظون عليها من النزول
لانه تعتبر اسهم ذهبيه بالنسبه لهم
ومن هالاسهم المخازن والانابيب لو تلاحظ العرض والطلب عليها تشوفها تقريبا مقاربه لبعض يمكن نفس المحفظه اللي تتحكم بالسهمين
وكما قال الاخ الصبر اذا هالسهمين لازالو محافظين على قيمتهم او متماسكين اعرف ان السوق بخير

 

[بوحسن]

الاسهم نازله والله يستر من السكته القلبيه الي بتحوش بعض الناس الي ما شرو ليم الحين من هالاسهم

احلى فرصة للشراءءءءءءءءءءءءءءءءءءءءءءءءءءءءءءءءءءء

يا اخي عشان لاتقولون الكويت مو فرص اذا مو الاربعا الارتفاع بعد الساعه 10 الصبح

الاسبوع الياي مليون بالميه فوق النخل فوق بس كافي نزول وبوادر الارتفاع اوضحت
شلون اوضحت السبت تدرون !

 

[مارجن]

أتمنى أن يدوم هذا الإرتفاع إلا أنه ارتفاع انتقامي وأعتقد أن الأيام السابقة فعلا أصبحت ذكرى وأعتقد أن الشركات الموعودة بالإنطلاق هي( العقاري ـ برقان ـ اتصالات ـ أنابيب ـ المخازن ـ وعليكم الباقي )
هنيئا لمن أخذ بالكلام واشترى قبل كم يوم

 

[بوحسن]

همم انا قلت

والله وناسه لو انا بدل ماغي فرح جان ضبطت الشغل اكثر منها

حق الي شرى من قبل مبروك بس ترى ليم الحين في وقت للشراء

ترى الاسهم ما زالت على صعود بس السبت كانت النشوه بكل الاسهم والحين بدى انتقاء الاسهم وديرو بالكم من الاسهم الي عليها توزيعات


عموما المخابيب احسن اسهم والاسهم الي فوق بالاول مالت مضاربة سنعه يالله موفقين يا شباب

 

[محب الخير]

فعلا كانت ذكري
وارجو الا تعود تلك الايام
امين