الله يسامحج بس
ليش ماخذه موقف من كويتى زوومانتى الى ذكرتيه الله يذكره بالخير وانتى الى عقبتى على كلامى
وبالعكس مادخلت اتصيد كل قصدى تنبيه ان الارتداد مضاربى
وماراح يتعدى اليومين الجايات وله هدف معين وبعده نزولوتحليل علمى المؤشرين السعرى والوزنى ملامسين خط
القناه الهابطه السفلى لازم يحصل فيهم ارتداد وكل محلل
يعرف الشغله هذى
والخميس اقفالات شهريه والاسهم بالحضيظ لازم يجملون اقفلاتها
لحسابات دفتريه
بنسبه لموضوع ابوعبدالله
ياليت تقرينه عدل الرجال ماقال انتهى التصحيح العنوان واضح
الشارت يقول انتهى النزول
واذا قريتى التحليل راح تشوفين ان ابوعبدالله ذكر انه فيه
ارتداد عند رقم معين وحصل الارتداد بالف نقط
هذا مو انجاز يحسب لبوعبدالله
هذا انتى كتبتى عن الارتداد الى احتمال يحصل
بكره وبعده والى ماراح يتعدى 800 نقطه
وابوعبدالله كتب عن ارتداد 1000
شوفى الفرق
وذكر رقم معين اذا كسره المؤشر فوق بينتهى التصحيح
وماكسر
انتى تفهمين بالتحليل شلون مافهمتى تحليل كويتى زووم
انا اشره على الى يعرف فى التحليل ومايعرف شنوا قصد
المحلل من التحليل
يبنى لى وين اخطى ابوعبدالله عشان اوضح لج
ولا لحد الحين شايله على بوعبدالله بعد موضوعج
السوق اعطى اشارة خروج والى وضحلج ابوعبدالله
ان السوق لازال فيه بعد تحليلج 1000 نقطه وطلع
كلامه صح
ترى القصد مو تصيد الاخطاء
لكن قول الحق لازم نذكر الواحد مايحب
يكون شيطان اخرس وهذا نهانا عنه الرسول
لاتاخذين الامور بحساسيه
الله يسامحك بو فواز والله العظيم والله العظيم ابدا مانى شايله بنفسى اى شى على اخوى كويتى زوم واكن له كل الاحترام والتقدير واحترم رايه
مدرى ليش تقولنى شى لم اقوله ماعندى اى حساسيه تجاه اخ وزميل عزيز كباقى زملائى فى المنتدى ولكن اقول الحق ولوعلى نفسى موضوع الاخ كويتى زوم موجود والكل يطلع عليه ويشوف ان التحليل كان فيه خطا واضح وهذا موعيب ولاينقص من قدره وكلنا نخطئى والله سبحانه هو المعصوم من الخطافقط وكان توضيحى لك يابوفواز كاخ وزميل يجب عليك انه لاتصف اى كان بعدم الخطا وشوف موضوع الشارت انتهى من النزول وشوف ردوود الاخوه كثيرا من عارضه واثبت له فى خطا والاخ امس ذكر انه فى دعم 9800وفيجب عليه عدم كسره لانه فى كسره ماراح يكون فى ارتداد
طبعا موضوعى السوق اعطى اشاره خروج موجود والكل لو يطلع عليه ويتمعن فى قرائته راح يشوف مدى تناقض فى كلامك لان الاخ كويتى زوم لم يقل فى موضوعى ان السوق بيطلع الف نقطه مستحيل لم يقل هالكلام وولو تحط لى رابط فى مشاركته مدرى فصلت الكلام تفصيل هو دخل وشارك مشاركه مبهمه لم يوضح وضع السوق ولم يقل الكلام الى تقوله والموضوع موجود نعم انا قلت وكان السوق وقتها 14500 قلت خروج وتكييش افضل ولو ارتفع السوق فهو للتصريف وايضا ذكرت فىذلك فى موضوعى حركه تصحيحه تلد اخرى وفعلا صرفوا بالعالى ووصل السوق 15600 نقطه وهبط يعنى انا حذرت من 14500 والحين 9600 يعنى 5الاف نقطه تقريبا نزول وانا بنظرك غلطانه لان الناس طافها الف نقطه وكلها من اقفالات الثوانى الاخيره تبى الحق والله اللى خرج من السوق وقتها وانا منهم لو السوق مرتفع مو الف 3الاف بس الى خرج من السوق وظل يضارب بسرعه وضعه افضل على الاقل وقف الخسائر والمحرقه التى حصلت.
طبعا الكلام الى بالاحمر انا ايده وقلته السوق يومين ارتداد فقط وذكرته ولكن يبدوانك ماقريت المشاركات الى قبلك ..المواضيع موجوده والناس تقراء وتحكم وتشوف اما انك تنظر للامور فقط من خرم خيمه كويتى زوم فهذا خطا ومرفوض يجب ان تكون منصف ولاتقولنى كلام لم اقوله ولاتقول الناس كلام لم يقولونه لمجرد العاطفه اخوى العزيز بوفواز نصيحه انظر للامور من زوايه الحق واترك امور زماله المنتدى والصداقه وراح تشوف الامور بصوره صحيحه ان شاء الله
