عندي الف دينار انصحوني

[الرامي1]

حاليا عندي الف دينار واخاف تطير
فشنو تنصحوني اشتري
وتراني غشيم حدي بالاسهم
وراح اخذ بنصيحتكم لاني اثق فيكم وثقي بالله اكبر ان السوق ربح وخساره

النصيحه ولا تشتتوني

اشتر تنكر شفر 72 وكد فيه مظخة حولي

 

[حطوير]

الحقيقه اشكر الاخوه الفضلاء ممن اعطوا الرأي بصدق وأمانه
وانا لما قلت عندي الف بررت الاسباب بباقي اكتتاب الاتصالات
واعرف ان الالف مبلغ بسيط في عالم البورصه
ولكن قلت بدل ما تروح لاي شي ما يفيد احطها باسهم مدام السوق نازل

ولكن الان سأخذ بنصيحة الاخ الي قال حطهم ببنك بوبيان
وعسي الله يرزقنا ويرزقكم بالحلال الطيب

اما من اتخذ الموضوع بالاستهزاء والسخريه
فأقول عسي الله يهديكم ويدلكم للطريق الرشاد
واحتراما للشهر الفضيل ولوجود اعضاء محترمين هنا اقدرهم واعتز بأراءهم
واتابع مواضيعهم وردودهم
وهذه ليست من اخلاق اهل الكويت الاوفياء ولكن الله يكفينا شر الدخلاء

وشكرا شكرا شكرا لكل من نصح باخلاص وامانه

 

[خبير قضائي]

النصيحه...شراء عدد 3 بانشيات وتأجيرهم بعطلة الربيع.........

 

[bo_hamood]

بصراحه حطوير وايد الشباب اطنزو عليك
انا اقول موعيب دش ب1000 دينار يمكن تصير10 الف
سوقنا سوق حراميه ماينفع معاه مبلغ كبير
والدليل انا دشيت ب70 الف والحين صارو 20 الف
لو داش ب1000 احسن 100 مره من 70 الف جان خسارتي 700 دينار بس
عشان جذي انت صح واشباب غلط
1000 وايد عليه وانا اخالف الشباب اللي يقول المبلغ شويه
والله ادعيلك من قلبي انها تصير مليون يارب
شوفلك اي سهم قريب ال100 فلس كسر واشتر وانساهم جنهم مو عندك
والله يرزقك
الحياه حلوه اذا السوق اخضر واذا احمر كدر
تحياتي

 

[wooow]

استغفر الله

الرجال شرحلكم وضعه وسبب ان المبلغ صغير ليش الطنازه

والله انك قمه فى الادب والاحترام

 

[دلوعة البورصه]

خلهم وديعه في بيت التمويل

 

[حطوير]

اشكركم اخواني اخواتي للنصح
وعسي الله يرزقنا وياكم من واسع فضله

 

[الفوارس]

قلوا خير او اسكتم محد جابركم علي الرد

اخي حويطر عسي ربي يباركلك بفلوسك وفي اهلك ان شاء الله
انا اشوف انك تشتري المستثمرون 1000 سهم بالف دينار مع العمولة
هم سعرة سعر اكتتاب وتنساة لمدة سنة وشوف اخوك بومحمد

 

[Medo]

الألف دينار اللي عند أخونا قيمتهم الفعلية بالسوق 2000 دينار والسبب أن أغلب الأسهم فقدت 50% من قيمتها​

 

[BuFawaz]

وزعهم 40% استثمار من سوق الكسور
30% مضاربة سوق الكسور
30% كاش... للازمات

 

[bobader77]

انتبه ولا تستعجل

أخوي نصيحة

لا تستعجل وادش فيهم السوق
انا بدايتي مثلك والحمدلله الله رزقني من بعد هالمبلغ
البدايه كانت 3 الاف دينار معاشات الغزو ودشيت السوق من بعدها وانطقيت طق وليل الحين قاعدين بهالسوق
انت حالك حال كثير من الناس
يعني لو انت داش على سهم المجموعه الدوليه او جيزان او غيرهم من الاسهم بنص دينار وماسك السهم الحين ما بقالك من العشر الاف والا من الخمس الاف الا ألف دينار اول ألف واشويه
يعني راح اعتبرك واحد كان يملك وخسر
ويبي يتعظ من اللي صارله من السوق ويبي يبدأ بدايه يديده
فما ما راح يدش السوق ويقول حق نفسه توبه من هالاسهم

النصيحه اللي ابي اقولها لك ، انت جديد في السوق وهالالف غالي عليك مثل اللي عنده عشر الاف دينار غاليه عليه واللي عنده مئه ألف غاليه عليه لانها راس مال وبدايه فكل واحد تعب بالمبلغ اللي عنده

انت الحين في بدايه الدخول ، وخطوه حلوه اهي اكتتاب الثالثه
اجعل محفظتك عباره عن اسهم اكتتابات

مثل ما قال الوزير راح تنزل شركات يديده المستودعات واللوجستيه
يعني خش فلوسك لهم
راح يكون في محفظتك ثلاث شركات بسعر الاكتتابات
يعني بعد فتره لما ينزلون السوق راح يكون هالالف من 3 الاف الى خمسه بإذن الله اذا مو اكثر
هذا من الناحية الماديه
اما من الناحيه المعرفيه راح تكون متابع للسوق وراح تتعلم وراح تكتسب معلومات
من الناحية الامنيه انت بعيد عن السوق ومؤمن على نفسك حيث أن اسهم الاكتتابات الحكوميه نادر ما تنزل عن سعر الاكتتاب

لا تتهور وادش وانت غشيم، انت طلبت النصيحه والنصيحه انك تتعلم قبل لا ادش بس بطريقة انك تشتري اسهم في لسته طويله من الاسهم اللي اسعارها حلوه اليوم، بس اللي قاعد يصير باجر تلقاها ارخص يعني كل ماله السوق وبنزول، حافظ على فلوسك وانا اخوك وخلك على الاكتتابات لين تقدر تتخذ قرار وتختار الاسهم الزينة بنفسك، اليوم الكل يرشحلك اسهم للشراء بس باجر لما ينزل سعر السهم ادور احد يشور عليك شنو تسوي
اخونا للي قالك عنده 70 الف وصارو 20 الف هذا حالك لو عندك سبعه الاف وصارو الفين شنو يصير حالك او لو ألف ما يبقى منه الا ميتين دينار
حطهم وديعه حق الاكتتابات وانا لك ناصح
الله يحفظك ويرزقكك من أوسع ابوابه والله يعوض الخسران في السوق


للعلم بنك بوبيان كاسر النص دينار في اخر اقفال وانتبه لا ينزل تحت ا420 فلس خوفك يصير مثل مشاعر وشوف صفحة سهم مشاعر وين كان السهم وشنو صار فيه ، والله المستعان

 

[اشتراكي]

وزعهم 40% استثمار من سوق الكسور
30% مضاربة سوق الكسور
30% كاش... للازمات

هههههههه حسبي الله عليك
بس صج نسيت شي
فلوس التبريد عالسهم!

 

[المانع]

اشتر فيهم قرقيعان

 

[cocker]

تكفه با الطيب دش السوق بالالف اللي عندك عشان يطلع السوق

 

[حطوير]

اشتراكي

المانع

cocker

اخلاق راقيه تسمو وتعلى ولا يعلى عليها
زيدوا فقد تموتون غيضا ان لم تخرجوا لنا هذه التربيه الجميله

 

[الفارس الجسووور]

اخوي حطوير ارجو انك توسع صدرك وانك تاخذ الموضوع بروح رياضيه ‏,‏ لان بصراحه موضوعك دمه خفيف جدا ومعظم مشاركات الاخوه بل اكثرها من باب الغشمره لا اكثر واذا انت متضايق من الموضوع والردود تقدر تلغي الموضوع من الخيارات اللي عندك وكل عام وانت بخير ‏ ‏ ‏

 

[الطراروه]

والله هذي الصفحه فلم فكاهي

 

[حطوير]

الفارس الجسور اتصور انت من المستهزئين
واتصور انا مو حاط نكته او شي مضحك حتي البعض يستظرف دمه
والموضوع ليش الغيه خل يدخلون ويقولون الي يبونه
لا يسخر ساخر الا من نفسه وهذه الردود تبين للجميع تربية واخلاق هذا الفرد
ونعرف جيدا كيف نرد عليهم
ولكن نسمو ونرقي باخلاقنا عن سفاسف الامور ودنيئها
وباحد ردودي علي الموضوع رد اغضاهم لانهم تساووا مع من ذكرت بالصفات



وعندك عضو محترق دمه الله لا يبلانا يدخل مليون
مره حتي وصل الزوار قريب الالفين لقراءة القصيده

 

[بحريابحر]

الله يبارك بحلالك ويزقك , وانت راقى بأخلاقك
واقول حق شباب , عيب خلاص حتى اللى يبى يقط نكته ويسوى نفسه عادل امام
شوفلك مكان ثانى تنكت فيه , احنا بالعشر الاواخر
ياتقول شى فيه خير ولا تسكت
مو من اطباعنا الاستهزاء وسخريه على الناس

 

[anw-exchange]

والله الكويتين صايرين اشطر ناس بالتطنز والتمسخر على خلق الله خسرانيين وحالتهم حالة وبالعشر الاواخ وهم مايتعظون