شيك بدون رصيد ....... مطلوب نصيحه

[أعيان]

شيك بدون رصيد ....... مطلوب نصيحه

من اهل الخبره . اخواني للاسف بعت بضاعه بستة الاف دينار

دفعلي كاش 3 الاف و3 الاف شيك مؤجل لمدة 20 يوم وبعد يومين

من استلام البضاعه عرفت ان الاخ اللي اشرا بضاعتي مطلوب بقضيه شيك

ولا اعرف شالصرفه . اخواني اللي عندهم خبره يفيدوني جزاهم الله خير​

المشتري وافد​

 

[السعد محمد]

الله يعينك على هالايام لحين استحقاق الشيك حسب الاتفاق

لا نومك نوم و قعدتك قعدة ... كله تحاتي وتفكر

ولكن الامر ترا سهالات وان شاء الله اغلب ما تفكر فيه هو وساوس من الشيطان

المهم

روح اسئل عن الشخص في البنك ( اللي محول عليه الشيك - طبعا محد راح يفيدك لكن تلطف مع الموظف ) وراح تلقى معلومة تفيدك اذا الشخص تاجر معروف ولا على قدحاله

اذا معروف وعنده حلال في السوق وله تجارة وله شيكات تحت التحصيل ... انتظر

اذا لا خلك على اتصال يومي مع الشخص ومرتين في اليوم واطلب منه يجزء الشيك الى دفعات ( يعني ستة شيكات كل شيك 500 دينار وكلما نزل رصيداسحب شيك .

واذا شفته يتهرب .. اتخذ الاجراءات القانونية

 

[أعيان]

مشكور يا السعد ..طال عمرك طلعت عليه قضيه شيك . واهو وافد حاليا عليه منع

وانا ابي اعرف الشيكات حكمها والا قوتها مثل قبل والا غير لان فيه واحد صراحه

خوفني يقول الشيكات صارت قضيتها عاديه ومو ذاك القوه

 

[بصرك]

ياخوان وانا عندي مشكلع تقريبا مشابهه
اطلب شخص سعودي مبلغ70000ريال وعندي عليه3شيكات ولافيهم رصيد والحساب طلع مجمد
الي صارت معاه نفس التجربه المريره يشور علي وينصحني
وشكر

 

[سهمكووو]

سجل قضيه بدون تردد قبل لا يفوت الفوت وبأقصى سرعه

 

[al-karrar]

طويل العمر قدم الشيك الحين على البنك
البنك مايمشي على التاريخ المكتوب وانت وحظك اذا فيه رصيد اخذ فلوسك وكان الله غفور رحيم

 

[بو عيد]

مالك الا اصبر دام اتفقت وياه بعد عشرين يوم

يمكن يصرف البضاعة ويعطيك فلوسك

بالتوفيق

 

[اوكيشن]

اول شي روح قدمه على البنك مالك شغل بالتاريخ لان البنك مايعتد به

وفعلا قضية الشيك الحين اهون من قبل

قبل كانت جناية الحين بس جنحة والله يعينك

 

[fai11sal]

اخوي العزيز الشيك اذا كان بدون رصيد اولا تراجع البنك وتختمه راجع الساحب وبعدين تقدم الشكوى راح تصير جنحه تاخذ الحكم ترفع دعوى مدنيه وبعدها تقدر نزل عليه اجارآت منع السفر وحجز على السيارة وظبط واحضار

 

[ولد البورصه]

الله يسهل امورك ان شاءالله
ومثل ماقالوا الاخوان قدم الشيك او تأكد من الحساب والمبلغ