ليـــــش / صرنا مانحس بطعم العيد ؟ موضوع للنقاش

[JDEED]

ما هي الاسباب و هل هناك من مازال يشعر بهذا الحس

كيف ومتى


دعونا نتكلم


​

 

[nouf]

انا عن نفسي ابد ما احس بطعم العيد!!!
يمكن لان مافي احد يلتزم في العيد الكل يسافر......
صارت حوست العيد وايده الكل يهرب منها....:confused:

 

[ALSALEM]

تدري ليش
لان كل واحد فينا صار لاهي في مشاكله وهذا مو بكيفه الا غصبن عنه
لما كنا اصغار كنا فعلا نحس بالعيد ....عيادي والعاب ووناسه والعوايل اتجمع
لكن الحين ما اقولك مافي احد يعايد لا في
بس تيار الهموم المتتاليه على العالم صار يشغل الناس عن هالامور
لما كنا اصغار كان اهلنا يصكونا بالعشره والعشرين وكان لها وزنها ذاك الوقت
والحين بالحسره يطلع الواحد العيديه
اتحسبه فقير ...لا والله لكن الظروف
عيدكم مبارك

 

[ولد البورصه]

كل زمان وقته وزما اول رااااااااااااح

يعنى ليمتى تبى تصير تحس مثل الصغار وفرحه العيد

هم عيال اليوم يحسون مثل ماتحس انت اول

عيادى وفراح ووناسه وجراخيات وبهجت العيد مرسومه على خطودهم

روح للمدينه الترفيهيه او الملاهى وشوفهم

 

[NoOoOoR]

انا برأيي ان العيد هالسنوات الاخيره صار للأطفال وبس
يحسون فيه اكثر من الكبير ويستانسون فيه اكثر
وهذي حال الدنياااااااااااااااااا
وبالنسبه للكبير يعتبر العيد مجرد اجازه وربما يقوم لبعض زيارات
للأهل.................ولا كزرها بالشاليه او سفره قصيره
ودمتم برعاية الله

 

[Faris]

ما هي الاسباب و هل هناك من مازال يشعر بهذا الحس

كيف ومتى


دعونا نتكلم


​

عشان كبرنا , ون كبرت كبرت مسؤوليتك , والعيد بـ جمعة الاهل والاقارب فقط , ولى فايزين فيها طبعا الاطفال لانهم فاقرينا بالعدايا وفوق هذا هم نوديهم وهم ندفع وسحب بالـ فيزا وطول الليل إنحسب وين نستانس بالعيد

 

[بترولي نشط]

أحنا تغير شعورنا اتجاه هذه المناسبة المباركة فقد كبرنا و لم نعد نحس بفرحة العيد ، الفرحة بأننا أكملنا الفريضة الرابعة من الفرائض الخمسة و هي الصوم فلم نعد نهتم سوى باللبس و الحلويات و السفر وغيرها حتى زيارة الأقارب استبدلت بالرسائل القصيرة عبر التلفون


اما بالنسبه حق اليهال فالعيد بالنسبه لهم له طعم حلو ( عيديه وملاهي وطلعات ومطاعم )





ليس العيد لمن لبس الجديد إنما العيد لمن نجا يوم الوعيد
وليس العيد لمن فرش البساط إنما العيد لمن عبر الصراط​

 

[maha_Q8]

 

[TAHOE]

انا برأيي ان العيد هالسنوات الاخيره صار للأطفال وبس
يحسون فيه اكثر من الكبير ويستانسون فيه اكثر
وهذي حال الدنياااااااااااااااااا
وبالنسبه للكبير يعتبر العيد مجرد اجازه وربما يقوم لبعض زيارات
للأهل.................ولا كزرها بالشاليه او سفره قصيره
ودمتم برعاية الله

ليش هالدمعه يا نور بتوقيعج,, احنا في عيد

ومسألة العيد ,, آنا يتراوالي ان حتى اليهال قامو ما يحسون بطعمه ,, لان قبل احنا كنا ننطر العيد علشان العيادي وان اهلنا يودونا الملاهي والمطاعم والاماكن الترفيهيه ,, وكانوا اهلنا يشترون لنا الملابس الجديده,, ونيمع العيادي علشان نشتري اللي بخاطرنا من العاب وغيره ,, بس الحين بالنسبه حق اليهال صار طول السنه يشترون هدوم جديده ,, وطول السنه طلعات ومطاعم وهدايا والعاب بمناسبه وبدون مناسبه ,, صارت دورهم فيها العاب اكثر من الالعاب اللي في المحلات ,, وصارت طلعاتهم من المقرارات الاسبوعيه ,, فعلشان جذي انا اعتقد انهم مايحسون بطعم العيد مثل ما كنا نحس فيه

ومشكور على الموضوع يا جديد

 

[راشد (بو نواف)]

الحين كل شىء متوفر والحمد لله

قبل ننطر العيدعلشان الدشداشة الجديدة والجوتي او النعال الجديدة

وكل يوم نقيس النعال ونخشها ننطر متى يصير العيد علشان نكشخ

وننطر الدوارف والعيادي وغيرها

الحين طول السنة متوفرة هالاشياء شلون نحس بطعمها

 

[nestla]

اظن ان الواحد كل ما يكبر كلما قل احساسه بفرحة العيد , لان كل الي نسويه ونلبسه بالعيد نقدر نسويه طول ايام السنه من جذي ما نحس بالفرق
اجازة العيد هي احلى شي وكل ما طالت الاجازة كل ما زادت الفرحه

 

[ALSERHAN]

أنا عن نفسي أحس بطعم العيد وعندي العيد عيدين..

وشكرا على الموضوع..

 

[برميت]

ليش هالدمعه يا نور بتوقيعج,, احنا في عيد

ومسألة العيد ,, آنا يتراوالي ان حتى اليهال قامو ما يحسون بطعمه ,, لان قبل احنا كنا ننطر العيد علشان العيادي وان اهلنا يودونا الملاهي والمطاعم والاماكن الترفيهيه ,, وكانوا اهلنا يشترون لنا الملابس الجديده,, ونيمع العيادي علشان نشتري اللي بخاطرنا من العاب وغيره ,, بس الحين بالنسبه حق اليهال صار طول السنه يشترون هدوم جديده ,, وطول السنه طلعات ومطاعم وهدايا والعاب بمناسبه وبدون مناسبه ,, صارت دورهم فيها العاب اكثر من الالعاب اللي في المحلات ,, وصارت طلعاتهم من المقرارات الاسبوعيه ,, فعلشان جذي انا اعتقد انهم مايحسون بطعم العيد مثل ما كنا نحس فيه

ومشكور على الموضوع يا جديد

انا رايي من راي اخوي تاهوو

اول كنا ننطر العيد مناطر علشان نكشخ ونطلع ونلعب واهم شي العيديه
ولكن في الوقت الحاظر اليهال كل يوم يطلعون وكل يوم لبس يديد يعني مافرق عن العيد شي

 

[امبلتع]

بالاول كنا انتعنى لاصدقائنا واهلنا .. اما الحين نظام مسجات مع الاسف
واول اليهال يشترون بفلوس العيد العاب وقواري . اما الحين يشترون تلفونات وغيره

 

[(فزاع)]

كل يوم اكون فيه مستانس .. فـ اهو عيد ..!

وقالوها الشياب قبل ،، كل ايام الله عيد ..