قصة فتاة بعد صدور حكم القصاص عليها

الموضوع في 'إستراحة المنتدى' بواسطة طير, بتاريخ ‏4 أكتوبر 2008.

  1. طير

    طير عضو جديد

    التسجيل:
    ‏28 سبتمبر 2008
    المشاركات:
    248
    عدد الإعجابات:
    0
    مكان الإقامة:
    أعالي القمم
    رسالة فتاة خميس مشيط بعد صدور حكم القصاص عليها

    --------------------------------------------------------------------------------

    ودي أرجع لأهلي

    ودي بأمي ..ودي أحضنها بقووووة ...

    ودي بزوجي أحب على راسه ..

    ياما وقف معي

    وياما هلً بسببي مدمعه
    ...................

    من ست سنين وأنا ما أعرف إلا الموت ...

    والخوف هو الوحيد اللي أعرفه

    ست سنين وانا ما أعرف إلا ثلاث حروف ..

    ميم وواو وتاء ..موت

    كلها حتوف وخوف وأحزان جارفة

    صدر الحكم ..وصدقته المحكمة

    مابقى على الموت شيء ..يمكن اليوم ..أو بكرة ..

    .بس الأكيد اني مت قبل بكرة ..

    كل يوم أموت في يومي.و.كل يوم أموت البارحة
    .................... .........

    لله حكمة بالغة

    يمكن أكون عبرة لكل بنت صغيرة

    تعيش لحظات سكرة ولهفة

    ..مع شاب يغازلها وهي تبادله

    وتصغي لكلام الحب والعشق وتصدقه

    ثم تمر الأيام وتتزوج ...ويوم تبغى تعيش ..

    تدري ان الماضي شبح يظهر لها كل لحظة في عمرها

    في لحظة خفت فيها على نفسي وبيتي وزوجي اللي حبيته ..

    وروحي وروحه متآلفة

    بعد ما هددني ..أنه بيفضح سري الطاهر ...

    ويفقدني حياتي الحالمة ..

    ومادريت ان الانسان ...لو نسى هو الماضي

    الماضي هو اللي ماينساه وبيظل طول عمره يلاحقه

    وفي لحظة

    استسلمت فيها للشيطان ...قررت اتخلص منه...

    وجت اللحظة الحاسمة

    ولحظتها مافكرت في عواقب فعلتي ..والخاتمة

    قتلته ..أيه قتلته ..والله يرحمه ...هو اللي بدا ..

    هو قتل فرحتي ...ونظرتي ...ولحظتي

    وقتل أحلى لحظات عمري ..

    من يوم زفافي ...إلى هاليوم

    عشت أيام وسنين

    لا ليلي ليل ولا نهاري نهار ...

    طول وقتي خايفة

    عشت ايام وسنين ..أدفع ثمن لحظة خاطفة
    .................... ................
    لاتتركوني مع الموت والعذاب

    وأنا انتظر لحظة يقولون اسمي .

    .لحظة أتقابل أنا والسياف ...والسيف ....

    كل يوم افكر في هاليوم ...

    وعجزت أبعده ....

    أتلمس حلقي ..رقبتي ..

    وأتخيل أن السياف بيقطعها قريب ....

    وأتخيل راسي يتدحرج ..وعروق دمي ..نافرة ...

    وأناظر وجهي في المراية ...

    عيني وفمي وخدي ....وشعري ..وكل جسمي ...

    وكل جزء أتحسس موضعه

    ياخسارة ...جسمي بيفقد راسي ....وراسي بيفقده

    وأتخيل جسمي لحظة الموت ..ينتفض ويرتجف ...

    ورجلي جافة ...

    ثم تلين ..ثم تسكن .ثم تموت..ثم انتهي

    ينتقل جسمي المذبوح لبيت أهلي

    ..وأمي تغسله ..وتكفنه ..واخوي يدفنه


    وأتخيل الناس ...تصلي علي ...اللي يبكي بحسرة

    واللي يدعي علي ويقول ...تستاهل ...

    أحسن ..هذا جزاها القاتلة

    .................... .................... .......... .....

    لاذكرت الموت طار النوم عن عيني

    وسالت دمعتي

    لا نمت ....حلمت

    وعشت مع أمي وأبوي وأهلي في النوم

    أشوف أحلام ...تعطيني الأمل.. وتخليني متفائلة
    .............



    شايفين كل هالكون الكبير ...وكل هالدنيا الوسيعة ....

    كأنها عندي خرم ابره ..وودي لو اني أطير ..واطير

    ودي أذوب .ودي أختفي من هالوجود

    ودي أن كل شيء في هالكون ينسى

    ينسى اني ..كنت في يوم ...قاتلة

    .................... .................... .........



    وياحر قلبي على امي ...

    تدمع عيوني ..

    وأنا اتخيل منظر عيونها وهي تبكي على فراقي

    أخاف عليها تموت ..بعد ابوي ..وفاة عاجلة

    .................... .................... .......... .................... .

    يمه

    ابوي بعد سجني ....مات بحسرته ... عارفة ...

    اعذريني ...تراني خذيت منك كل شيء ..أبوي ..

    وبنتك اللي هي أنا ...والبسمة ..وخليتك في هالديرة سالفة

    يمه أدعي لي ..تكفين يمه

    تكفين يالغالية

    وادعي لكل القلوب اللي معي متعاطفة
    .................... .................... .......... .........

    وينكم ؟؟؟؟

    وين الرجاجيل ؟؟؟

    ارحموا بنت ضعيفة ......ارحموا بنت هي في الأصل مظلومة ...

    لكن البندق خلاها في لحظة ظالمة
    .................... .................... .......... .................
    وين النشامى ؟؟؟

    وين الرجاجيل اللي إذا صاح الغريب وصاح الأسير ...

    يفدونه بارواحهم الغالية

    ياأبوي عبدالله ..بنتك بيقتلها السيف ...

    وأنا بك منتخيه .وبعيرنا عند بابك ناخية

    نصيتك ياسلطان الخير ....ودي بخير منك ...

    وأعظم خير ياسلطان ..أنك تعيشني مع السيف بأمان

    يانايف ....أمن قلبي.... ... ترى قلبي من الموت خايف

    ياسلمان ..ماودي أمي تذوق حرقة فراقي ...

    وفراق الضنا ...مامثله فراق ..حزنه اعظم الاحزان

    .ودي أجلس مع اهلي وزوجي ...

    ودي أعيش ..ودي أعيش ...

    ودي أصوم رمضان

    ياعبد العزيز ..ياولد فهد ..

    الأمير اللي إذا جاه الفقير ..يقول له : ابشر ..وسم

    وين اللي كنت أشوفه في الجريده

    يحط يده على خشمه ...ويقول للناس : على هالخشم ...

    ثم تقول أفعاله : تم

    .................... .................... .......... .

    وين المشايخ اللي عرفوا بقصتي

    وعرفوا ...قبيلتي ..وأهلي و الخال والعم

    ياشيخ عايض ..وياشيخ سعد

    الوقت يمر ...والموت حكمه ...تم .

    .وصدقته المحكمة


    يمكن أموت في أي لحظة ...الدقيقة غالية

    .................... ...................

    ست سنين والموت يلاحقني ...

    ست سنين وأنا في سجني في هم وغم

    ست سنين وأنا مايعرفني إلا الموت ...

    والخوف هو الوحيد اللي أعرفه

    ست سنين وانا في سجني ...

    مااحدن تحرى ما احدن راح لابو القتيل يستسمحه ..ويقنعه

    ودي المروة تدخل قلوب الرجال ..

    و ينسون الكرامة ..اللي مالها هالحين لزمة

    .ودي بالشهامة وتروح للأبو تستشفعه

    وياحظ من أحيا نفس بتموت

    كأنه احيا كل الكون بأجمعه

    وياسعد من قدم في الدنيا هالمنفعه

    يارب اعتق من عتقني

    واحيي من احياني

    ويارب تمد في عمر من يمدد لي سنيني الخالية

    ويارب تعطي من عطاني الأمل

    جنة عالية ..جنة عالية ..جنة عالية

    .................... ..............


    يا أهل القتيل ..سامحوني ..

    أنا قاتلة ..واعترف أني قاتلة ..

    .قتلت ولدكم ..

    لكنه هو قتلني قبل وبعد

    ثمان سنين عشت فيها الموت .

    .ثمان سنين متواصلة

    أخذت جزاي ...وإذا أنتم تبون تأدبوني ..

    تراني تأدبت

    والله تبت ...والله ندمت .

    .والله تبت ..والله ندمت

    والله أني نادمة

    خلوني أعيش ..واتركوا الموت يجيني في ساعته

    يكفيني السجن ..يكفيني الخوف ...يكفيني الوعد بالموت
    .................... .

    يا أهل القتيل ..سامحوني ..لا تعدموني

    عدوني ..ميته

    وش تخسرون لو عتقتوا رقبة بنت ضعيفة

    بحبل الموت عالقة

    اعتقوني لوجه الله ..لوجه الله ...لوجه الله ...

    لأجل الله ..

    لأجل الله وبس ...

    يعتقكم الرحمن من نار حارقة
    .................... .................... .......... ........

    لا ذكرت كل هذا

    أصيح ..وأصيح وأصيح ...بصوت عالللللي

    اتمنى الكون كله يسمعه

    ويجيني بكى ....ما اقدر أدفعه

    لاذكرت الموت ...تخنقني العبرة ...تخنقني خنق ...

    ويوقف الزاد في حلقي وما أقوى أبلعه

    وكل ما تضيق ..وتضيق

    أفك عن نفسي ,,وأردد ..

    لو يضيق الكون كله ...

    عند الله سعة

    ولا فكرت بالموت ..ذكرت الله ..

    وذكرت أن راسي ما يتقطع إلا بأمره

    هو اللي خلقني وراسي هو اللي ركبه

    وهو اللي إن شاء ...وأراد ...

    هو بس اللي يقطعه

    بعدها ...اتنفس براحة ...وأرتاااح

    وأحسن ظني بربي ..وطني ان ربي بيعتقني

    أيه هذا ظني

    وربي عند حسن ظن عبده به و من نصاه ما ضيعه

    وأنام وأعرف أن بكرة بيجي الصبح ..وكل صبح رزقه معه

    يارب مالي إلا انت

    اعتقني أنت

    اعتقني أنت

    اعتقني أنت في الدنيا الحين ...وفي الآخرة

    يارب صوت العفو ..

    ودي هاللحظة أسمعه

    ودي هاللحظة اسمعه


    انهت حديثها وهي تتمنى العفو






    كانت قضية الفتاه قتل صديقها في عام 2002 الذي هددها بفضحها بعد زواجها
    تم أعتاق رقبتها بوساطة ولي العهد السعودي في شهر 3 2007


     
  2. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
    ها اقتنعتوا يا البنات بردودي ؟

    الحمدالله قناعاتي صح .. حبها.. صونها..عطها الحب و الحنان و انت وافي .. ..بالاخير تخونك ..!!
     
  3. راشد (بو نواف)

    راشد (بو نواف) عضو نشط

    التسجيل:
    ‏23 مايو 2008
    المشاركات:
    3,851
    عدد الإعجابات:
    0
    وين اللى يتعض
     
  4. sms 74

    sms 74 عضو جديد

    التسجيل:
    ‏30 أغسطس 2008
    المشاركات:
    524
    عدد الإعجابات:
    0
    الحمدلله انه رب العالمين امرهم واعتقوها ,,, عسى الله يتوب عليها ويغفرلها ,,,
    انا حيل شدتني الرساله وانطر متى تخلص بعرف شصار عليها ,,, ( بصراحة كسرت خاطري )
     
  5. sms 74

    sms 74 عضو جديد

    التسجيل:
    ‏30 أغسطس 2008
    المشاركات:
    524
    عدد الإعجابات:
    0
    ليس دفاعا عنهن ولكن ؟

    اصابعك مو سوى يا الغالي ,,, مو كل الحريم يخونون ولو خليت خربت ,, والتعميم ما يجوز فيه الصالح وفيه الطالح من الجنسين ,,
     
  6. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة


    بس انا اقصد الغالبيه منهن و هذي مشكله ..
     
  7. طير

    طير عضو جديد

    التسجيل:
    ‏28 سبتمبر 2008
    المشاركات:
    248
    عدد الإعجابات:
    0
    مكان الإقامة:
    أعالي القمم
    كم عمرك اذا ممكن ؟​

    قصه مؤثره لمن كان له قلب​
     
  8. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
     
  9. man.vip

    man.vip عضو نشط

    التسجيل:
    ‏9 ابريل 2008
    المشاركات:
    2,135
    عدد الإعجابات:
    0
    مكان الإقامة:
    الكويت
    جزاك الله خير,,

    ان شاء الله في من يتعض ويعتبر من هذي القصص المؤلمه الصراحه,,

    وأسال الله ان يغفر لها وينسيها الي صارلها لانها مصيبه بمعني الكلمه وكل الي مرت فيه لا يتحمله انسان واكيد راح تبقي معاها ذكريات مؤلمه تتذكرها وتتألم,,


    واحب ارد علي اخوي coooool2

    واسأله سؤال بسيط؟

    انت اشلون طلعت علي هذه الدنيا؟

    لولا الله ثم المرأه لما شاركت ويانا اليوم بالمنتدي ,,

    اقصد لولا الله ثم النساء لما استمرت الحياه,,

    انت لما تقول الغالبيه يعني ماخليت الا عدد بسيط اهم الي فيهم الخير,,

    ان شاء تفهمني وتعرف شنو قصدي وتتقبل كلامي بارك الله فيك..​
     
  10. al-karrar

    al-karrar موقوف

    التسجيل:
    ‏7 ديسمبر 2005
    المشاركات:
    675
    عدد الإعجابات:
    0
    مكان الإقامة:
    الكويت
    اخ جبتها على الجرح

    والله قصه اثرت فيني

    لي متى يابنات _____ لي متى ياشباب

    اسغفرو الله ترى الدنيا لحظه والاخرى الفوز العظيم

    يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب
     
  11. سيدة أعمال

    سيدة أعمال موقوف

    التسجيل:
    ‏17 سبتمبر 2008
    المشاركات:
    53
    عدد الإعجابات:
    0
    مكان الإقامة:
    المملكة


    والله أدمعت عيني من قصيدتها من جد تعور القلب
    وتبون الصراحه الشاب يستاهل القتل وأي وحده
    بمكانها بتسوي نفس ماسوت - وهذا هو حال الشباب
    رجولته وقوته بالتهديد وفضح بنات خلق الله لكن لاجاء وقت
    الجد وحقت حقايقها مايقدر يهدد حتى ديك - والله لو كنت
    مكانها <والله لايقوله والله يكفيني الشر ويبعده عني >
    راح أطبق مبدء وداوها بالتي كنت هي الداء > يتعامل
    معي بإسلوب التهديد أنا بعد أهدده وافضحه عند
    الهيئه يعني وحده بوحده < خطيره هالبنت مرره
    قويه -بنت أبوها >:d:d:d:d
     
  12. سيدة أعمال

    سيدة أعمال موقوف

    التسجيل:
    ‏17 سبتمبر 2008
    المشاركات:
    53
    عدد الإعجابات:
    0
    مكان الإقامة:
    المملكة


    أما أنت عندك ردوود الصرااحه شئ تووحفه من قلب
    وعندك مبادئ الصراحه غريبه وعجيبه مدري من وين
    جايبها ؟!!! يصلح لك قاموس خاص فيك - ونسميه
    موسوعه كووووول للردود الخياليه
     
  13. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة


    عاد اشوف شباب بالمنتدى يؤيدوني و يقولون كلامي صح هذا غير عن كوني اجتماعي و طلع الراي سديد و صح

    المهم ..

    خلي البنات يرجعون لعهدهم السابق و اقصد يرجعون ايام العادات و التقاليد مو كل وحده نافخه براطمها و 24 ساعه صالون و كلام يوصل لي الراس ..

    الصراحه البنات غريب عجيب امرهم قولهم أي شي نقوله و لو غشمره تعطون الرياييل طراق او تشتكون بالمخفر او تزعلون علينا و تبون الريال يراضيكم حتى لو عطاكم ورده اعتذار تقطونه بزباله ..صج بنات عقلهم معقد و صعب نتعامل معاها الحين ..سابقا سهل نتعامل معاها

    و لازم نحط البنات في موسوعه غينيس للأرقام القياسيه في معدلات الخيانه ..!!
     
  14. bo 3zooz

    bo 3zooz عضو جديد

    التسجيل:
    ‏28 يوليو 2008
    المشاركات:
    594
    عدد الإعجابات:
    0
    ككككككككككككككككككككككككككككككككككككك


    يقولك البنات مخفهم قفل ........ قفل قفل قفل ولا علييه قنابل عشان الي يتجرااااا يلسمه

    ينفجر عليه لوووووووووووووووووول
     
  15. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    البنت علي الاغلب هي من تجني علي نفسها المصائب
    ودائما تكون عندها جرءه اكثر من الرجل

    ولكن لماذا الرجل يضع نفسه بموضع الشك والريبه
    يبتعد عن هذا الصنف
    لانها ان باعت لك باعت لغيرك والدنيا دواره


    والعفيفه منهن صعبة المنال


    والله يستر علينا وعلي محارمنا في وتحت الارض