كم وصل طن الحديد غير المدعوم بالسوق ؟؟

[fsg70]

فعلا يا أخوان سعر الحديد مانزل في الكويت 300دينار ونزل السعر في الامارات والسعوديه

في السعوديه في مصنع سابك تكدس عندهم الحديد 3 أيام محد يشتري وقفوا مصنع من المصانع وبعد ذلك نزلوا الحديد 1425ريال​

يا أخوان توقفوا عن شراء الحديد​

 

[q8_oil]

الله يسمع منك ونشوف نزول سريع


ماعتقد خبر صحيح اليوم سائل عن الاسعار 300 الى 305 بس كل المؤشرات توحى بنزول قريب تحت 300

أخوي هذا مو خبر هذا إعلان انا شايفه و تقدر تشوفه بجريدة القبس أمس و حاطلك رقم الصفحة بعد و تقول خبر مو صحيح !!

 

[FLOOD]

أخوي هذا مو خبر هذا إعلان انا شايفه و تقدر تشوفه بجريدة القبس أمس و حاطلك رقم الصفحة بعد و تقول خبر مو صحيح !!

اخوى استسمحك انك فهمتنى غلط

انا ادرى انت تقصد محطوط بالجريده وكلامك صحيح فعلا

انا اقصد بارض الواقع ان فعليا بالسوق الرقم المذكور بالجريده غير متواجد لانه لازال يتداول فوق 300

اتمنى انى وضحتلك الصوره

 

[حوت السوق]

السعر بالكويت مازال على 300 دينار للطن.

السعر بالامارات 2500 درهم للطن = 180 دينار للطن.

السعر في عمان 290 ريال للطن = 200 دينار للطن.

الاسعار بالكويت مازالت عالية عن الخليج والسبب محاولات التجار السيطرة على الوضع وعدم انهياره .

بس الى متى؟

اتوقع خلال شهرين الى 3 شهور في طيحة قوية باسعار الحديد و الاسمنت في الكويت.

احسن حل للضغط على التجار ..


التوقف عن شراء الحديد مؤقتا. لان الوضع راح يطلع من ايدهم بعدها.



.

 

[الفهلوي]

السعر 240 دينار​

 

[من الكويت]

مشــــــــكوورين ع المعلوومات

 

[حوت السوق]

السعر 240 هذا حسب الاعلان للمؤسسات و الشركات ومن خلال وزارة التجارة .

ومافي رقم تلفون للاتصال فيهم.

الظاهر هذا الاعلان مو للبيع المباشر للناس.

 

[بوناصر10]

ماشاءالله السعر قاعد يطيح كل يوم انا شريت قبل فتره قصيره 380 على الطن الواحد بس كنت مستعجل اللى مومستعيل خل يصبر ويحصله أن شاءالله اقل 240 والله يوفق اللجميع



أخوكم بوناصر

 

[ابو مبارك 1]

اليوم 280 دينار للطن حديد كويتى

 

[fsg70]

اليوم 280 دينار للطن حديد كويتى

غالي جدا​

 

[wooow]

شباب المدعوم كم وصل بالسوق السوده

 

[AL_nasser]

شباب المدعوم كم وصل بالسوق السوده

يعتمد المدعوم اذا كان الشخص اللي تعرفه وصافطلك السعر تاخذه

حسب السعر المتفق عليه بينك وبينه وبالتوفيق

 

[wooow]

يعتمد المدعوم اذا كان الشخص اللي تعرفه وصافطلك السعر تاخذه

حسب السعر المتفق عليه بينك وبينه وبالتوفيق

جزاك الله خير ومشكور

 

[مقاول بناء]

الحديد يلعبو فيه التجار

اخواني سعر الحديد وصل في سوريا الى 28الف ليره سوري اي ما يعادل 170 دينار لطن اما هين متحكمين فيه التجار
وانتو تعرفو انو سعر الحديد عالمي

 

[ناصر فيصل]

الحديد

كنت اتمن احصل سهم قوي مثل الحديد اذا الحديد نزل شلون سهمي ياريت في نقطة ارتداد للحديد حتى ممكن ندش عليه .

 

[تفائلوا بالخير]

الحديد مكدس بالمخازن والتجار يحاولون يصرفون لاكن الطلب راكد, والاسعار في هبوط والتجار في حيره ,انصح بتاجيل شراء الحديد حتى تستقر الاسعار.

 

[ابووحمد]

شباب ذكرونى جم سعر الحديد المدعوم من الحكومة

انا خبرى من خمس سنين كنت اخذه على 170 من السوق اذا مانى غلطان

ابى الحديد المعدوم الحين جم كميته وجم سعره

والاسمنت المدعوم جم كميته وجم سعره

اللى يعرف لايخل علي فى المعلومه

 

[*الاخطبوط*]

شباب ذكرونى جم سعر الحديد المدعوم من الحكومة

انا خبرى من خمس سنين كنت اخذه على 170 من السوق اذا مانى غلطان

ابى الحديد المعدوم الحين جم كميته وجم سعره

والاسمنت المدعوم جم كميته وجم سعره

اللى يعرف لايخل علي فى المعلومه

على ماعتقد
الحديدالمدعووووووم 85 ك

اسمنت مدعوووووووم 850 فلس

 

[bu sale7]

الحديد المدعوم 79 دينار

الاسمنت 850 فلس

 

[bu sale7]

الحديد المدعوم بالسوق السودا 185 دينار يوم الخميس

اتوقع هاليومين نزل اكثر