ساعدوني ممكن

[t300]

السلام عليكم


اول شي انا اسمي عبدالعزيز ق من الكويت

وعمري ......... 16

ههههههههه خل اقولكم قصتي الصغيرونه

انا من كثر ما شفت الاعلانات الي تطلعلي عن تداول العملات قلب ابي اسجل واشوف اشسالفت العملات

طبعن سجل وسويت كل شغلي وحطين مبلغ 100 $ هههههه شويه


ومدير الاعمال الي يحطونه لي ساعدني لين فهمت شوي


وقعدت وبصراحه وصلتهم 700 دولار بمده صغيره حيل

وبيوم اليمعه طاااااار كل شي

ومن يومها وبعد طلعت وما رجعت للعملات ومدير الاعمال اتصل علي قالي انت الحين تعلمت حط مبلغ 1000 دولار ما يدري ان عمري 16
المهم اشرايكم ارجع احط ولا لاء بعدين ابصراحه الموضوع عجبني

ابي اتعلم عدل ممكن تساعدوووووني

 

[سلمان الفهد]

خلك حريص يااخي العملات تحتاج متابعة الاوضاع السياسيه والبنوك وانا فقدت مبلغ كبير بسقوط الدولار وبغفله اذا عندك 1000 زائد عن حاجتك حطه وتاجر فيهم بس خلك حذر ومو طماع ولاربحت مره او مرتين سكر الشاشه وقول الحمدلله وشوف الاخبار وارجع اشتر

 

[t300]

والللللللللله العضيم هذا الي حدث معاي

والبرنامج الي حملته على جهازي اسمه iforex

لان عربي وسهل

بعدين يعني بجذب ليش اذا انا داخل ابي تساعدوني

 

[ECLE]

نصيحه لوجه الله

صحيح أن الدنيا تجارب والواحد مفروض يزيد من مصادر الدخل ودائما يسعى للأفضل لكن .... لا تحط فلوسك تحت رحمة ظروف ما تقدر تتحكم فيها ولو قليلا ... لا تسأل اللي ربحوا في تداول العملات إسأل اللي خسروا وهذولا تعرفهم بسهولة تلقاهم قاعدين وياك وهم مو وياك في الواقع , عيونهم مبققه وهم حقيقة في غيبوبة , كله يبون يعوضون خسارتهم وهم للأسف يغرقون ببطئ مثل اللي يتخبط في رمال متحركه كل ما تخبط زياده كل ما غرق زياده .

تصدّق من فلوسك ولو بالقليل إن شاء الله لو تتصدّق بدينار واحد فقط فما نقص مال من صدقه أو كما قال الرسول عليه الصلاة والسلام وشوف لك درب غير هالدرب وأنا أخوك عسى الله يرزقك من واسع رزقه

 

[FOREXER]

نصيحتي لك .. تعلم أولا عزيزي ولا تتسرع

إقرأ الكتب التعليمية وشارك في الدورات المخصصة لسوق العملات وأفتح حسابات تجريبية وتعلم أساسيات التحليل الفني إلى أن تتقن التداول بشكل جيد

صاحبك أكثر من ستة أشهر يتعلم بالحسابات التجريبية ولا زال غشيم في سوق العملات


تحياتي

,,,​

 

[t300]

انا مشكلتي اني على طول مسعيل وما احب اصبر

انا لمن فتحت الحساب فتحت معاه حساب تجريبي وتعلمت شوي

لمن اربح شوي احس بوناسه مع ان كنت اربح 5 دولار بالكثير

ابصراحه كنت امفكر الموضوع سهل ما دريت ان فيه سوالف

اممممم دام جذي خلوني ما افهم شي احسن الدنيا تجارب وانا جربت مو مهم اربح المهم جربت