أفضل مكان لرش السيارة من تحت ضد الصدئ حياكم شباب

[بور-صا]

أفضل مكان لرش السيارة من تحت ضد الصدئ

السلام عليكم : نبي احد من الاخوان يفيدنا عن الرشة اللي من تحت السيارة ضد الصدئ وين يرشونها وسمعت في كفالة توصل 15 سنة وجم سعرها وين افضل مكان

 

[kuwait1977]

في المغسله السيارات العلبه 1.5 د.ك في اي مكان في الكويت بدون كفاله

 

[بور-صا]

صح اخوي بس سمعت يقولون في شركة معينة تعطيك كفالة توصل 15 سنة ؟؟

في احد من الشباب يمكن تكون عنده خلفية يفيدنا

 

[rakan_yes]

اخونا الغاالي

ياهلا فيك وبصرااحه انا شفت استفساارك وحبيت افيدك اذا ممكن ؟


تروح صفات الغانم الي بشارع الوكالات اعتقد تعرفه صح

فيه شركه جريب من هالمكان لاكن بحاول اوصفلك على قدر الي اعرفه عن هالمحل القريب من شركة موبيل 1

اهي شركه متخصصه للزيوت سبق اني بدلت زيت سيارتي عندهاا ساااااابقا لاكن تروح لها تلاقي محل عند هالشركه الباب عند الباب تقريباا اعتقد زينة سيارات وشيء من هالنوع
والي تسال عنه موجود

ملاحظه؟

خلي صفات الغانم علي ايدك اليسار وانت نازل لهم من الخط العام
وبعدهاا تروح سيدا ليمن تطوف اول لفه على اليمين مالت مكاتب السياارت
تلاقي بعدها لفه على اليسار تطوفها وتاخذ اللفه الي وراها بالظبط
اول ماتاخذ فوق تحت من اللفه يجيلك شارع يمين تاخذه بعد
اهو شارع عام الي نهايته بالتحديد شركة بحره سابقا والحين اعتقد شركة فورد او الساير تويوتا

المهم اول ماتاخذ يمين تمشي مسافه قريبه تلاقي المحل واضح على ايدك اليسار يعني الجهه الثانيه مكتوب موبيل1 والي تسال عنه بحد هالمحل

اتمنا وضحت الوصف

تقبل مروري
اخوك
ابورااشد​

 

[بور-صا]

هلا فيك اكثر بوراشد : تقصد اني امشي باتجاه دوار النصر الرياضي وقبل الدوار في لفة يوتيرن وارجع وبعدين يمين ..هذا بالنسبة للوصف ومن ناحية الرشه هل لك تجربة سابقة معاهم؟

تحياتي لك

 

[rakan_yes]

هلا فيك اكثر بوراشد : تقصد اني امشي باتجاه دوار النصر الرياضي وقبل الدوار في لفة يوتيرن وارجع وبعدين يمين ..هذا بالنسبة للوصف ومن ناحية الرشه هل لك تجربة سابقة معاهم؟

تحياتي لك

اي نعم صحيح

بس بالنسبه اني مجربهم لاوالله ماجرب ابد ابد بصرااحه

لاكن حبيت افيدك فقط لاغير
واسمحلي على القصور​

 

[wooow]

روح زيبارت اعتقد يرشون ضد الصدأ وايضاا بنفس الوقت عزل خارجى للصوت

 

[بور-صا]

ماوراك قصور بوراشد مشكور على التوضيح

اخوي ووو زيبارت وين موقعهم بالضبط ؟

 

[خدمة الشعب]

ووو زيبارت وين موقعهم بالضبط ؟

زيبرت

ياطويل العمر شارع كندادراي خلف الماكدونلدز أسأل عنه

بس اللي اعرفه ان ( زيبرت - والمركز البريطاني ) للعزل الشفاف لصبغ السياره

اخوي بو-رصا

ترا اسعارهم غاليه لا تفكر أقل من 240 فقط لمقدمة السياره ونص المداقر

أما السياره كامله فوق الـ 300 إذا صالون

تقبل مروري​

 

[بور-صا]

مشكور اخوي خدمة الشعب والله اذا هذي اسعارهم هونت عن الروحة لهم بس يمكن يفيدنا احد من الاخوان وتسلم لمرورك العطر

 

[saud101]

أخوى أشتر قوطى زفتة وفرشاه عريضة ودها عند أي مغسله وعط الغسال 5 دنانير ويسويها لك ( حل سريع و رخيص )

 

[بور-صا]

فكرة حلوة اخوي سعود مشكور على المرور