للبيع جهاز كمبيوتر Desktop متخصص جدا جدا للألعاب !! ( بالكويت )

[tajer]

السلام عليكم

عندي جهاز دسكتوب او بالأحرى ليلحين ماعندياه ليلحين ما ركبته P:

الجهاز راح يكون متخصص جدا للألعاب وحق الي يحبون القرافكس وهالسوالف .. المواصفات :-

المذربورد : Nvidia Nforce 790i Ultra SLI

البروسسور : Intel Core 2 Quad Q9550 Quad-Core Processor, 2.83 GHz, 12M L2 Cache, 1333MHz FSB

الدرايفر : LG GGW-H20L Super Multi Blue - Blu-ray Disc Burner / HD DVD-ROM Drive w/ Lightscribe - 6x2x6x/3x - Serial ATA - internal - 5.25"

الرامات : OCZ OCZ3N2000SR2GK DDR3 2000MHz 2GB Kit NVIDIA SLI-Ready ( هذا انشاله بركب منه 2 يعني يصير 4 قيقا ) والسرعه مالته 2000 ميقا هرترز يعني هذا اسرع من الصاروخ .. هذه السرعه ليلحين مو متوفرة بالأسواق !!

كرت الصوت : - Creative Sound Blaster X-Fi XtremeGamer Sound Card

كرت الشاشة :- eVGA e-GeForce GTX280 1GB DDR3 PCI-Express 2.0 Graphics Card ( وهذا الكرت انشاله بركب منه 2 ) يعني يصير 2 قيقا كرت الشاشه

الهاردسك : - TB 1
الكيبورد :- Logitech G15 Gaming Keyboard

الماوس:- Razer Lachesis 4000 dpi Gaming Mouse --Wraith Red

نظام التشغيل :- وندوز فستا أصلي

ألعاب :- كرايس جزء الأول والثاني أصليين

الكيس : Thermaltake Armor +

التبريد :- LCS -- Liquid Cooling System

المحول :- thermaltake 1200 watt

الشاشه :- ليلحين ما ركبتها بس احتمال كبير تكون DELL 24 inch full HD


---------------------------------------------------------------

بداية السووم 1000 دينار
شكرا

 

[tajer]

up up

 

[OZain]

أخوي انت بكيفك تحط بداية السوم 1000 دينار
اروح محل واركب كل المواصفات مايطلع علي اكثر من 450 دينار وجديد
وانت سعرك غالي في ناس ماتعرف وفي ناس تعرف فلازم تحط هالشغله ببالك وصراحتا الي يبي يشتريه ماعنده سالفه انا مااقطع نصيبك بس ماارضى انك تقص على واحد من هالمنتدى وشكرا

 

[tajer]

اخوي انا مو ياي اقص على أحد

اذا انت ما تفهم بالكمبيوتر ولا تعرف قيمة القطع لا تدش وتتفلسف

انت تدري انه قيمة الكيس مال الكمبيوتر بروحه قيمته 200 دينار ؟؟

روح حولي واسأل وشوف بنفسك .. ورجاء مره ثانية اذا ما تفهم بشي لا تتكلم فيه وانا مو ياي ابوق أحد

 

[tajer]

up up

 

[kuwait79]

الرام يكلف تقريبا 56 دينار

المعالج يكلف تقريبا 87 دينار

كرت الشاشه يكلف تقريبا 120 والرجال يقول بركت اثنين

كرت الصوت يكلف تقريبا 24 دينار


والصندوق يقول بــ200

والباقي عليكم

 

[tajer]

يعطيك العافية اخوي كويتي

الرام يكلف اكثر من 200 دينار كويتي هذه السرعه مو موجوده بالسوق اساسا 2000 ميقا هرتز

وكرت الصوت تقريبا شي و80 دينار

انا حاط اسامي القطع عشان الي حاب يروح يسأل ويشوف أسعارهم ويتأكد بنفسه يتأكد من الأسعار

انا مو ياي ابووق احد واعتقد المنتدى مو منتدى يهال عشان اقص عليهم .. واللي يفهمون بالكمبيوتر راح يقدرون هالسعر

 

[bo 3zooz]

لحظه لحظه .....



هاردسكه جم ؟!!


اول شي الجهاز مجمع ولا اصلي ياي من الشركه ؟!

 

[tajer]

لا اخوي الجهااز مجمع مو أصلي ..

بس القطع كلها أصلية ومواصفاته أقوى من أي جهاز أصلي زاهب . هذه المواصفات خيالية , مو أقوى أقوى شي بس جدا قوية

الهاردسك 1 تيرا يعني 1000 قيقا

 

[tajer]

ويا جماعه انا ما قلت بداية السوم 1000 عبط , الجهاز مكلفني مبلغ كبير

روحوو بن خلدون وسئلو عن هالقطع بالتحديد وشوفو جم يطلع السعر

وللعلم الجهاز كامل معاه شاشة وكيبورد وماوس والصندوق والتبريد ماله

 

[tajer]

up up

 

[tajer]

up up

 

[Live4LiFe]

قاعد اشوف الردود

صج الي مايعرف الصقر يشويه

والله يعينك ياراعي الموضوع

 

[ابومشعل62]

ويا جماعه انا ما قلت بداية السوم 1000 عبط , الجهاز مكلفني مبلغ كبير

روحوو بن خلدون وسئلو عن هالقطع بالتحديد وشوفو جم يطلع السعر

وللعلم الجهاز كامل معاه شاشة وكيبورد وماوس والصندوق والتبريد ماله

نعم كلامك عدل اخوي وانا اشهد على كلامك بس بعض الاخوه لاتلومه ممكن ما عنده خبره وبالتوفيق للجميع

 

[بوحمود1]

اخوى مع احترامى لموضوعك لكن 1000 دينار صعبة وايد وعلى ديسكتوب بعد ،،،،

لو تنزل بالمواصفات شوى وسعرك معقول ،،، انا ابى واحد وبالتوفيق ياخوى

 

[AMIGA_VOICE]

أخوي بالنسبة لكرت الشاشة أيهو الأجدد والأقوى الgforce ولا nforce
وكرت الان فورس الي عندك تبريد الكرت تبع الشاشة سائل liquid

 

[tajer]

عشت بو مشعل

اهو صح السعر الي حاطه يخرع , بس هذه تكلفته صج , هذا خاص حق الألعاب وحتى نظام التبريد ماله يكون تبريد بالسائل يعني يتركب داخل الجهاز مثل هووز وحتى يركب داخله رادييتار

يعني مو شي بسيط كلش

 

[دكتور الليل]

الله يوفقك الجميع

بس ما تسوى علينا البهدله يعني انت عرضت بضاعه وانا مو عاجبتني يا اسكت واقول الله يوفقه
او اذا عندي راي وله تعقيب يساعد حلوووو كلنا اخوان
ماله داعي الغلط ........ والسموحه

 

[Nagooshy]

السلام عليكم

اخوي سعرك واااااااااايد غالي وخيالي

 

[tajer]

بوحمود بالنسبه للسعر , أرد واقول انه هذا الجهاز مخصص حيل حق الألعااب , تقدر تحصل كمبيوتر بسعر أقل بواايد بس هذا قوي حده حق الألعاب والقرافكس , واذا تبي تتأكد روح محلات بن خلدون واسأل المحلات قوله يركبلك جهااز وعطه المواصفات الي انا حاطها واذا عطااك سعر اقل من 1300 دينار انا مستعد اعطيك جهازي اب بلاش .

اخوي اوميقا .. كرت الشاشه الي بركبه بالجهاز اهو آخر واحد نزلووه ال geforce وبالنسبه للتبريد ما فهمت سؤالك بالضبط ؟ اهو التبريد كله مال الجهاز تبريد بالسائل liquid cooling

دكتور الليل ماذكر اني غلطت عليك ما شفت نكك علقت قبل ؟

عالعموم انا ما غلطت على أحد ولكم كلكم الإحترام طبعا ,, بس اذا الواحد مو فاهم بقيمة السلعة ولا عنده خلفية عن سعر السوق المفروض ما يدش ويتهم راعي البضاعه انه نصااب !!

وحياكم الله