--- متابعة التداول ليوم الثلاثاء 7/10/2008 ---

[Master-Leo]

سلامات بو النصح ماعليك شر ان شاءالله حبيبنا

أسد بوسليمان البيع على المكشوف يعني مثل صانع السوق يسلفك أسهم تبيعها بسعر عالي ولما ينزل انت تسكر بيعتك لها بأنك تشتريها بالنازل فبهالطريقه تكون ربحان الفرق بينهم

 

[Master-Leo]

طبعا هالطريقه مو موجوده بسوقنا لكن محتمل ان مسوينها بالتلاعب عن طريق التسويات

بإني أبيع سهم ماعندي إياه اليوم وباجر أشتريه بالنازل فأكون ربحان طبعا

مثال بسيط : أمس ابيع زين 1200 واليوم أشتريه 1160 وأقوم أسوي تسويه طبعا هالسالفه هذي مايسويها الا واحد واصل بالرقابه بإداره البورصه الموقره

يعني ان سووها هني تعتبر حرمنه ولاتجوز لأنها ممنوعه وهذا اللي يقولون ان سهم الصفاه واجيليتي سووها فيهم الله أعلم ماندري من الصاج والجاذب

 

[أسد سليمان ملك]

جزاك الله خير يابو علي على هالمعلومه وبيض الله ويهك
تدري انه سألت هالسأل بس لاياكثر مايتكلمون بخصوص الصفاة انها حاصل عليها هالعمليه والحين صار عندي معلومه قيمه

ياليت جان عندك احد تبيني اشرحله البيع على المكشوف يراسلني على الخاص
خبرك خبير الحين
مشكور يا اسدنا

 

[(طموح وقنوع)]

جزاك الله خير يابو علي على هالمعلومه وبيض الله ويهك
تدري انه سألت هالسأل بس لاياكثر مايتكلمون بخصوص الصفاة انها حاصل عليها هالعمليه والحين صار عندي معلومه قيمه

ياليت جان عندك احد تبيني اشرحله البيع على المكشوف يراسلني على الخاص
خبرك خبير الحين
مشكور يا اسدنا

ههههههههههههههه
ذكرتوني مرة عرضت سهم وقالي الدلال ماراح
وثاني يوم عرضتة وبعتة،وبعدها دق علي وقالي بعنا السهم مرتين
والحل؟ قال نشتري السهم ونسوي تسوية
ووقعوني على ورقة وقالولي صير عاجل ولاتعيدها مرة ثانية​

 

[Data]

فوائد ال short sell

1-يضيف مصداقية و نزاهة للسوق , يعني اذا المستثمر شاف ان الشركة تتلاعب بميزانيتها و تحاول اتبين ارباح غير حقيقية في محاولة لرفع سعر سهم الشركة , في هذه الحالة المستثمرون يسوون شورت سل على السهم و ينزلونه لسعره العادل.
2-في حالة نزول السوق , المستثمر يقدر اطلع ارباح بالشورت سل , لكن اذا بس شراء معناته ان الخسارة حتمية في حالة نزول السوق.

3-اعطاء حيوية للسوق عبر استخدام الاسهم المجمدة للمستثمر طويل الاجل(يعني واحد يشتريها و يخليها لسنوات طويلة)
4-اضافة سيولة.