خلونا نصوت لبشار ...

[ابوهاني]

وش عاد يعني يقتل الشيخ ياسين
‏ هذا الخلاوي راح وارتاح بشار
‏عادي نبذّر فــ الرسايل ملايين
‏ عشان نحسم من يكون افضل ستار
‏حنا العرب حنا الرجال الميامين
‏ نخسر حروب بشرط ما نخسر قمار
‏شعارنا معروف ( عاشت فلسطين ‏)
‏ عاشت فلسطين العروبه للاحرار
‏كلام ضايع فــ الهوا والميادين
‏ نرفع علم صهيون ونولعه نار
‏آخر ‏بقايا امجادنا وسط حطين
‏ واليوم صار المجد درهم ودينار
‏نشجب ونستنكر ‏ولكن على مين ؟؟؟؟؟
‏ الشجب ما عمره أبد حرّر امصار
‏بالقدس تاجرنا وحنا ‏بعيدين
‏ يمكن يجي من يغسل الدم والعار
‏يمكن يكون اللي يحرّر فلسطين
‏بشار .. خلونا نصوّت لــ بشار !!!

*منقول

 

[ابن الرشيد]

أول ما قرأت العنوان قلت صبأ ابو هاني ورب الكعبة

لكن أشوى ما خيبت ظني فيك يالغالي

بوركت أخي

 

[yaser]

الأخ أبو هاني

لا فض فوك .... تسلم يالغالي


الأخ ابن الرشد

ألف آمين على توقيعك


أخوكم
أبو عمار

 

[Pivotrend]

ياجماعة لاتنسون هذا الدعـاء

((( اللهـم لا تآخذنـا بمـا عمـل السفهـاء منـا )))

 

[المتداول]

اي والله صح لسانك بوهاني

اكو برنامج صار بتلفزيون الكويت قبل جم يوم
يايبين الدكتور الطبطبائي عميد كلية الشريعه و اقبال الاحمد و ..
وكانوا يايبين طلبة من جامعة الكويت .. ليتناقشون عن برنامج ستار اكاديمي ... والله واحد من طلبة الجامعه يقول حق الدكتور الطبطبائي انه الفتوى ما كانت لها داعي و جذي.

يعني اوكي قول رايك بس مو تغلط اللي اكبر منك و فاهمين اكثر