استفسار بخصوص خدمة zain go2go

[mr.soft]

السلام عليكم شباب المنتدي الكرام اذا في حد عنده خبره بخصوص الخدمه هذي يفيدنا لان خدمة العملاء دائما مشغوله الله يعينهم

 

[باركر]

اخوي اذا انت رجال تدش الانترنت بشكل يومي ماتصلح انحش لانه نفس الايزي تعبي مثلا بدينار ونص يعطيك انترنت لمدة 24 ساعه فقط

 

[برقان 2008]

وعليكم السلام ورحمة الله وبركاته

اهي انا سألت عن هذه القطعه فقالو لي انها خدمة انترنت مسبقة الدفع
يعني تشتري كرت تعبئة لمدة 24 ساعة او ينتهي رصيد البطاقه من الكيلو بات اللي استخدمتها قبل 24 ساعه

فهي تصلح اكثر شي لرجال الأعمال اللي يزورون الكويت ويحتاجون انترنت من غير فواتير


طبعا السرعه تكون عالية 7.2

واتمنى اني اكون وفقت بنقل المعلومه

وبالتوفيق اخي

 

[mr.soft]

يعطيكم العافيه شباب زين واذا بغيت استخدم ساعه من الكرت يصير اسعمله مره ثانيه بعد اسبوع

 

[nokia*nokia]

الله بالخير يا أخوان

كلام الأخ باركـر صحيح 100% هذي الله يسلمك أنا أسميها

الصيـــد فــي الميـــاه العكـــره

إذا رصيد التعبئه عندهم مثلا بدينار ونص وياخذون الشركه على كل كيلو بايت

فلس واحد ، معناتها لاطبنا ولا غدا الشر علشان تنزلك صوره صغيره من النت

بحجم 100 كيلوبايت حجم طبيعي للصور فمعناتها هذي 100فلس راحت منك

فكم تتوقع على كل موقع تدشه وفيه واجهات اعلانيه أو فلاشات أو أي ماكان

تصميم الموقع بياخذ منك ؟؟؟ فكل دخول لموقع راح يكون محسوب عليك

فما أتوقع شخص يدش النت للتصفح فقط

أخوي إصرف النظر عن هالخدمه التعبانه لأنه نصب بنصب

وتحياتي لكم​

 

[yawwash]

وعليكم السلام ورحمة الله وبركاته

اهي انا سألت عن هذه القطعه فقالو لي انها خدمة انترنت مسبقة الدفع
يعني تشتري كرت تعبئة لمدة 24 ساعة او ينتهي رصيد البطاقه من الكيلو بات اللي استخدمتها قبل 24 ساعه

فهي تصلح اكثر شي لرجال الأعمال اللي يزورون الكويت ويحتاجون انترنت من غير فواتير


طبعا السرعه تكون عالية 7.2

واتمنى اني اكون وفقت بنقل المعلومه

وبالتوفيق اخي

الله يكون بالعون رجال اعمال يعني كل رجل اعمال بدل الكرفته يعلق قطعة ايقو برقبته الله لايوفقكم يا شين

يا اخوان اناانصحكم اللي يبي يشترك ينتظر شوي شركة فيفا نتأمل الخير بنزولها السوق ولاالوطنيه وشين مترديه ونطيحه وياخوفي الثالثه ما اكل السبع

والله الموفق

 

[التمساح]

في شركة موبايلي وشركة الاتصالات السعودية النظام كالتالي
ترسل رسالة ولنفرض مثلا تبي اشتراك سرعته 7.2
ياخذون 5 دنانير
واذا تبي اقل ياخذون مبلغ اقل..كله بمسج..مسسسسسسسسسسج
ويعطونك مدة شهر!!مقابل هالمبلغ
وعن تجربة كان عندي سواااالصيف اللي طاف وارسلت رسالة وسحبو الرصيد حوالي 50 ريال وعطوني سرعة ممتازة باشتراك شهر..لاعقود..ولاشي..لاتراجعهم..ولايطالبونك!!!!!!!!!!!!!!!!!
وهني للحينهم بالكيلو بايت...!!

جم سعر الكيلو الحين؟؟؟شيل على ربع على ربع ههههههه

 

[الفياض]

السلام عليكم ورحمة الله وبركاته،القطعة هذي عندي(ego to go) واحب اوضح شئ واحد وهو انك تعبي ب1،5 ويعطيك خدمة 24ساعة و500 كيلوبات سواء download او up load
والمشكلة انك لو سويت تحميل برامج اوتصفحت بكثرة وانتهت ال500 كيلوبايت مع العلم ان ال24ساعة لم تنتهي فان الخدمة تتوقف الى ان تعبي رصيد 1.5 مرة ثانية وهذا يعتبر عييييييييب كبير في الخدمة

 

[Mosaab]

اخوي الفياض ... استفسار بسيط !!!!

قصدك 500 كيلوبايت ولا ميجابايت !!؟؟!؟!؟

و شكرا

 

[الفياض]

اخوي الفياض ... استفسار بسيط !!!!

قصدك 500 كيلوبايت ولا ميجابايت !!؟؟!؟!؟

و شكرا

طبعا ميجابايت وليس كيلوبايت اعتذر عن الخطأ

 

[mr.soft]

مشكورين شباب يعطيكم العافيه علي الافاده

 

[كويت2]

نصب علني

 

[ahmadm]

نصب علني

صح لسانك

 

[nxman]

الله يفكنا من شين انشاء الله ويوفق فيفا