اللي عنده خبره بالنفط تكفون تساعدوني>>>>> بس استفسار

[كويتيه وافتخر]

السلام عليكم ورحمة الله وبركاته

اخواني .....


يمكن قريتو العنوان وفهمتو جزء منه

اللي ابيه منو عنده خبرة بوظايف النفط باي

قطاع كان سواء مطافي او ماكتب او شئ بالنفط

يعني بالنسبه للجنسيه السعودية

يعني يقدرون يقبلون شهادة ثانويه ومعها شهادة كمبيوتر ولغه

المهم اي معلومه بهالخصوص لاحد يبخل علي

وشااااااااااااكرة لكم


اختــــــــــــــكم

 

[بوناصر العجيل]

عدم القبول من غير واسطه بختصار

والله يعينج

وهذي الكويت صلى على النبي

 

[xkuwaitx]

www.q8ow.com/vb

دشي هالموقع ناس خبره بمعنى الكلمة بالشركات النفطيه بالكويت في قسم اسمه منتدى التوظيف

و موفقه خير

 

[joint.opration]

السلام عليكم يعطيكم العافيه اختى في منطقه اسمها العمليات المشتركه وهذى بالوفره وفيها شركات توظيف مقاولات اجباري توظف كويتيين وسعوديين وانا اشتغل هناك وفي بنات متوظفين والمنطقه هذى بين شركة شيفرون وشركه نفط الخليج يعنى منطقه مقسومه بينا وبينكم واللى ماسكها الحين اسمه مؤيد البسام واى استفسار انا حاضر

 

[TaShOo]

السلام عليكم يعطيكم العافيه اختى في منطقه اسمها العمليات المشتركه وهذى بالوفره وفيها شركات توظيف مقاولات اجباري توظف كويتيين وسعوديين وانا اشتغل هناك وفي بنات متوظفين والمنطقه هذى بين شركة شيفرون وشركه نفط الخليج يعنى منطقه مقسومه بينا وبينكم واللى ماسكها الحين اسمه مؤيد البسام واى استفسار انا حاضر

اشدعوى اخوي مو جذي الناس تنقل اخبار غلط !!!
انت تبي تفيدها وله تعنيها لي الوفره
فيه مقاولين ؟ ....... اي نعم
توظيف المقاولين ايضا واسطات
وبعدين مافي ولا كويتيه او سعوديه متوظفه على المقاول ؟!؟!؟

انا موظف رسمي بالشركه اكثر من 5 سنوات والموظفات الكويتيات ينعدون على الايد ومعروفين وولا وحده فيهم موظفة تابعه لمقاول جميعهم موظفين رسميين في الشركة

ومؤيد البسام مدير العمليات حاليا وماله اي دخل بالتوظيف ؟!؟!؟!؟
مسؤوليات الريال ادارة العمليات مو توظيف من الجانب الكويتي والسعودي

مادري من وين يايب المعلومات وعلى اي اساس
الله يهديك بس
فيد البنيه مو توهقها ؟!؟!؟!

 

[joint.opration]

الوفره

يعطيك العافيه اخوى اول شي التوظيف حتى اصغر موظف يقدر يوظف والمقاول اللى تقول عنه مقاول معاشاتهم على فكره اكثر من الرسمي لا تنسي دعم العماله بروحه حق المتوسط 360 هذا العزوبي طبعا وثانى شي البسام اللى تقول شغلته ادارة عمليات قاعد يوظف لا تقولي ادارة العمليات وادارته فاشله خله كل الشغل وقاعد يتصيد المسرعين بخط الوفره شوف خط الوفره مو خط ال jo بصير من طقة علي دغيم اذا تعرفه والبنات اللى تقول ماكو كويتيات مقاول اقولك في وايد بس ماله داعي اقول وين ووايد انا مقاول وعلى فكره بيدى باجر اصير رسمي بس ليش اطيح نص معاشي علشان رسمي الحمد الله دوامي مرتاح ومعاشي طق الالف وعزوبي شبي اكثر من جذى واذا خلص العقد يجدد مع مقاول ثانى وسلامتك

 

[TaShOo]

اخوي تكفى شنو قاعد تقول تكلم بالواقع
البسام كل يوم امر عليه ولا تكلم ماله شغل فيني بره المنطقه على قولتنه ورى الدوار
علي دغيم الي كان يسوي هالحركه
وبعدين على البنات اتحداك اتييبلي كويتيه متوظفه على المقاول
وبعدين ليش البسام ادارته فاشله ؟!؟!
وعلى طاري انك تصير رسمي من باجر اخوي هذي الشغله اتحداك فيها وانا جدام الكل اتحداك فيها
سواء تدخل عن طريق نفط الخليج او شيفرون
وعلى المعاش اخوي المقاول مع دعم العماله حده حده 800 وله الف دينار
انت عندك فكره عن معاشات الموظفين الرسميين جم ؟!؟!؟!
عندك فكره عن مميزات الموظف الرسمي
عندك فكره عن الحوافز الي يتلقاها الموظف الرسمي
عندك فكره عن قيمة الكورسات الي ناخذها + الكاش الي نستلمه حق الكورسات الخارجيه

اخوي مره ثانيه اقولك واتمنى انك تفهمني
عط الناس معلومه تفيدهم مو تشتت الافكار
بنت الناس تبي مساعده مو احد يأذيها ويعطيها معلومات مغلوطه

 

[joint.opration]

انا معاشي 650 + دعم العماله 360 جم صارو هذا غير الاوفر تايم كل
شهر غير البونص يامعود شي ماتدري عنه لا اتكلم فيه اسال الاكسس كنترول قبل جم يوم البسام جم رقم دازلهم وكلهم اتحداك واحد فيهم داخل ال jo يامعود الظاهر تدش وتطلع نايم
وسالفة انك اتحدى تعال شوف التريننق الصبح وشوف منو الكويتيه المقاول هم اقولك شي ماتدري عنه لا اتحجى وسالفة انى اصير رسمي وقسم بالله اقدر بابا ديرتنا ديرة واسطات والظاهر انك ماتدري عن الوظايف اللى نزلت قبل فتره سواءا شيفرون او نفط الخليج وعلى فكرة شهادتى دبلوم عقب الثانوى تخصص ادار يعنى ماقدر ادش يبا السالفه سهالات

 

[TaShOo]

اخوي مافي وضايف تنزل وما ادري عنها
وله نسيت انه كل موظف له ايميلين واحد حق شيفرون وواحد حق نفط الخليج وكل شي ينزل يبين عندنا
وانك تدخل انا عند كلمتي ليلحين اتحداك
والي بالترينننق منو قالك انها كويتيه
كل من تكلم بلهجه كويتيه صار كويتي
اخوي اي بونص واياوفر تايم الي ينزلكم تبي تعلمني فيكم
اخوي انا تحت ايدي موظفين مقاول وايد وادري شنو قاعد يوصلهم
انتو الطبيه يخصمون منكم
وشلون ادش واطلع وانا نايم وانا مكاني مهم لو انام جان علوم تصير بالوفره
وبعدين على المعاش يالحبيب تدري الدبلوم جم يستلم بالشركه
تدري جم ياخذ بونص من المؤسسه كل سنه
تدري اذا ادائه ممتاز جم يحصل بونص من الشركه
تدري انه بالكورس الخارجي يحصل 200 دينار باليوم والكورسات اسبوعين والكونفرنس اسبوع وعليك الحساب
تدري جم يستلم بدل تذاكر حقه وحق اسرته كل سنه
تدري جم يعطونه بدل سياره اذا الشركه موصارفتله سياره
تدري بنظام القرض بدون فوائد بالشركه وله ماتدري عنه
تدري عن نظام العلاج حقه وحق اسرته سؤاء بالكويت او بالخارج
تدري عن تأمين الحياة بالكويت وخارجها

الزبده موظف الدبلوم يستلم اكثر منك بوايد وفوق هذا مميزات اكثر
ولو انت تطولها جان حاولت ويمكن تكون حاولت بس ماتطولها لانه انت عارف نظامها وقوانينها

وسالفة البسام هذي خلها عنك موظف نفط الخليج مايقدر يسويله شي ولا يتعب نفسه ويركض وراه وقبل اسبوع انا كنت مع عبدالكريم الي اهوه اخو مؤيد وكنه نسولف اب هالموضوع
لا تتبلى على الريال
شوف يا انت مو منظبط ومسويلك شي او انه فيه بقلبك حسد عليه

 

[!وحيد الجزيره!]

اخوي الي تقول البسام ما يوظف

حبيبي توظيف السعوديين عند مؤيد البسام ^_^ محد يوظف السعوديين غيره << خبر موثوق 100% والحين هو طالع اجازه وماسك مكانه المانجر الهاجري

 

[joint.opration]

هلا وحيد انا معاك ان بس اهو اللى يوظف بس ليما تييله واسطه ويمون عالبسام يقدر يقول لا هذا انا قصدى ويامعود انشاء الله دوم باجازه خنفتك منه شوى ونريح

 

[أبو بدير]

انزين يااخوان صلو ع النبي ما تسوى السالفه
بعدين متى يحطون اعلان الوظايف حق الشركه ؟
وهل يقبلون شهاده شريعه ؟؟
مع العلم عندي واسطه
ارجو الرد وشكرا ..........

 

[لاعبتها لعب]

اوووب اوووب وناااااسه واكو بناااات بس الوفره @@ بعيييد وما اتوقع اخواني بيرضووون بس سؤال من جم لي جم دوامهم ؟؟

 

[شراي1]

التوضيف بس للكويتين في الشركات النفطيه( القطاع النفطي )غير كويتي عقد لمده سنه ويجدد حسب الحاجه

وغير كويتي يمكن توضيفه مع المقاول ( عقد نفطي ) حسب عقد المناقصه (مده العقد )

.............وعس الله يوفقك

 

[لاعبتها لعب]

ما فهمت الحين يرضون بنات يشتغلوون ؟؟ ودوامهم من متى يبدي وينتهي متى ؟؟

 

[موظف حكومه]

التوضيف بس للكويتين في الشركات النفطيه( القطاع النفطي )غير كويتي عقد لمده سنه ويجدد حسب الحاجه

وغير كويتي يمكن توضيفه مع المقاول ( عقد نفطي ) حسب عقد المناقصه (مده العقد )

.............وعس الله يوفقك

باين ان عندك خبره فى النفط ممكن تساعدنى لان وظيفتى حكوميه وشهادتى رابع متوسط ومزيون

 

[joint.opration]

هلا لاعبتها صح

ما فهمت الحين يرضون بنات يشتغلوون ؟؟ ودوامهم من متى يبدي وينتهي متى ؟؟

يامعوده البنات قربو يصيرون اكثر من عندنا والدوام من 7 ليما 3 الجمعه والسبت اجازه وترى واسطه صغيره وتدشين حتى لو شهادتج متوسطه عن طريق مقاول شركه يعنى اما عن طريق نفط الخليج مادري متى الوظايف
والمقاول صار معاشه اكثر من الرسمي الحين مع دعم العماله وشكرا

 

[joint.opration]

هلا موظف حموكه

باين ان عندك خبره فى النفط ممكن تساعدنى لان وظيفتى حكوميه وشهادتى رابع متوسط ومزيون

اخوى اذا تبي عن طريق مقاول التوظيف موجود عن طريق بدر بوطالب مدير هناك حق الكويتيين واسطه صغيره وتدش وكل شركه معاشها يختلف واقل معاش 400 وشهادتك متوسطه يعطونك دعم العماله 360 عزوبي وموضوع العقد على حسب الشركه في عقود 3 سنين وفي عقود 6 سنين واذا خلص العقد تروح مع الشركه اللى بتاخذ المشروع يعنى انشاء الله مافيها تفنيش عاد شد حيلك وخنشوف معانا بالوفره وتطير صبغت سيارتك مثلنا

وتشوف هالشاحنات شسوون بالخط واتمنى اكون وفيت وكفيت

 

[joint.opration]

الى الاخ تشو

اخوي تكفى شنو قاعد تقول تكلم بالواقع
البسام كل يوم امر عليه ولا تكلم ماله شغل فيني بره المنطقه على قولتنه ورى الدوار
علي دغيم الي كان يسوي هالحركه
وبعدين على البنات اتحداك اتييبلي كويتيه متوظفه على المقاول
وبعدين ليش البسام ادارته فاشله ؟!؟!
وعلى طاري انك تصير رسمي من باجر اخوي هذي الشغله اتحداك فيها وانا جدام الكل اتحداك فيها
سواء تدخل عن طريق نفط الخليج او شيفرون
وعلى المعاش اخوي المقاول مع دعم العماله حده حده 800 وله الف دينار
انت عندك فكره عن معاشات الموظفين الرسميين جم ؟!؟!؟!
عندك فكره عن مميزات الموظف الرسمي
عندك فكره عن الحوافز الي يتلقاها الموظف الرسمي
عندك فكره عن قيمة الكورسات الي ناخذها + الكاش الي نستلمه حق الكورسات الخارجيه

اخوي مره ثانيه اقولك واتمنى انك تفهمني
عط الناس معلومه تفيدهم مو تشتت الافكار
بنت الناس تبي مساعده مو احد يأذيها ويعطيها معلومات مغلوطه

اخ تشو شلونك دش الحين على صفحه joweb وشوف جم مره داز البسام حق السيفتى تقارير عن المسرعين ورى الدوار يعنى بخط الوفره واتمنى اكون مازعلتك بهالشي

 

[فـــهــد]

اخ تشو شلونك دش الحين على صفحه joweb وشوف جم مره داز البسام حق السيفتى تقارير عن المسرعين ورى الدوار يعنى بخط الوفره واتمنى اكون مازعلتك بهالشي

ماعندك تلفون البسام ودي اكلمه يمكن يوظفني ماندري كل شي جايز

ممكن تلفونه لووووو سمحت