السوق الكويتى يغلق على تراجع (موضوع مدموج)

[اللافي 22]

سوق اليابان صاعد 1171 نقطة

 

[splendid]

والله يا بوبشير الرقابة حاليا شديدة على الصناديق الاستثمارية

بس أظل مقتنع قناعة تامة بأن وجود الصناديق الاستثمارية هو حماية للشركات التي تقوم بإدارتها بطريقة مباشرة أو بطريقة غير مباشرة

ما عندي أي معلومة بأن هذا السلوك تكرر عدا فضيحة زين وشراءها أسهم خزينة من أحد كبار الملاك بفلوس زيادة رأس المال وبأسعار خيالية مقارنة باللي تتداول عليها الأن لأن معدل الكلفة كان فوق الدينارين وتكرر الشراء بأسعار فوق ال 1700 فلس وبعد ما تم الشراء... يتم الإعلان بسذاجة بأن زين سوف تشتري أسهم خزينة.. هذه طريقة مبتكرة للعبث بأموال المساهمين​

ناس يطيحون واقفين ..


يبين ان شاء الله من اداء الصناديق ,,

مشكور يا بو عبدالوهاب ...

 

[Ferrari2008]

مساء الورد يا بو عبدالوهاب ,,

تتوقع اللي صار ب 2006 يتكرر ؟؟

اقصد لما دبسوا الصناديق وخلوا هي اللي تشيل الخساير ؟؟

والله يا سبلنديد ولو اني من متابعين تحاليلك الفنيه من فتره طويله وتشكر على جهودك بالمنتدى وهالحراميه عفسوا الناس وعكسوا بعض التحاليل والوضع صراحه صار صراع لنهب الكيكه بين هالمرتزقه واللي اجرموا بالسوق واهله الا انه ما نستغني عن نظرتك المستقبليه سواء فنيه او اساسيه وربط الامور خصوصا انه بعض الامور التاريخيه ممكن تتكرر وشاكرين كل من يفيد اخوانه اما من يحاول يبرر من بعض المشاركين للهئيه او المسوؤلين ويحاول يصور الوضع انه طبيعي او انهم ما يتحملون جزء كبير من تفاقم المشكله فايسمحلي انه ظلم نفسه واخوانه وانسان يا بليد فكر او ما قاعد يشوف ما يدور حوله مثل المغيب وترا نبي مشاركة كبار المحللين المخلصين والصادقين سواء كان تحليهم سلبي او ايجابي المهم انه للمصلحه العامه وليس شخصي وانت من بين من نحترم وجهة نظرة الفنيه يا بوبشير

 

[jarrah_aam]

قلبه متروسه :d

الله يكون بالعون ياخوي

حلوةةةةةةةةة:d:d:d

 

[بو فلاح]

انشاء الله اللي قاعد يخسر الناس ينقهر مثلنا واكثر والله لا يسامحهم دنيه واخره وخلهم يتعظون من اللي راحو الدنيه فانيه واللي ياكل فلوس الناس بالباطل يخسر .
نفس ناس بالجمعيه العموميه قالو السهم يسوه 600 فلس وعشم الناس خير واخر شي سهم ب120 فلس والله ظلم على العموم الشكوى لغير الله مذله والله المستعان

 

[مليون دينار]

كلام جميل .قواك الله

الله يقويك

 

[jarrah_aam]

قبل يموت المرض عطاه مهله باع اسهمه وكيّش وباعنا الحجي الفاضي بس وين بيروح بقبره ودعاوينا والحوبه بنشوفها ان الله عطانا وياكم عمر بتشوفون اشلون تشيل حشاشة فؤادهم الدنيا حق ودين وعن نفسي ماني متنازله عن ديني اللهم أرني فيهم عجائب قدرتك.

اختي الكريمة , يقول جل وعلى" فاذا جاء اجلهم لا يستاخرون ساعة ولا يستقدمون " فلا يجوز التشكيك بذلك او الاستهزاء به , والميت لا تجوز عليه الا الرحمة , فلعلنا نكون في مقامهم ونرجو الرحمة من الله ولا نجدها يا اختي العزيزة

 

[مليون دينار]

مشكلتنا الأمل الزائف في التعويض من نفس السهم أي أننا نحلم برجوع السهم غلى أسعاره السابقة

وكان الأجدر بنا على الأقل أن نضارب بنفس السهم وأن نكون نحن من يلعب به ولكن الفلوس عزيزة

والخسارة الغير محققة أفضل من المحققة لو بعد سنة من الانتظار

بصراحة كلامك عجبني وإن شاء الله أكون من أول المطبقين له (بس يرتفع السهم إلي شاريه )​

طبق ولا تنتظر

 

[فنان999]

شركات المجموعة الدولية ما لها والي وصانع السوق الظاهر ما له وجود
الله يفرج عن المساهمين وامسكو أسهمكم الظاهر يبون يدمرون أهل الآجل
الي دوماً ما يتعظون
الله يعوض عليكم
اذا عندك رصيد قليل وتأكل ثلاث وجبات وعندك كمبيوتر فأنت من 8% الي في العالم يعتبرون أغنياء فاحمدو الله
ودمتم

 

[مليون دينار]

اي والله وانت الصاج
أنا واحد منهم
وانت السبب لأنك ماتنصحني

حاضرين للطيبين

 

[Ferrari2008]

قلبه متروسه :d

الله يكون بالعون ياخوي

والله بعد اليوم من كان يتوقع هاللي يصير يعني اسوء اسوء المتشائمين ماتوقع هالمهزله اللي صارت يعني العالم كله المنهار والمتضرر ضخ المليارات والقرارات الحاسمه والشجاعه وذيلا على طفسه فلوس متهاوشين عليها تقول تكرمون ذبان على على كيكه ولا داشين تعرف مثل بقولك اياها بطريقة بسيطه دخول الهئيه للسوق ( مثل الجبان اللي داخل بوسط هوشه والدم فيها للركب وماهو قادر يفك رفيقه من الضرب ولا فوق هذا يبي ياخذ بوك رفيقه بوسط الضرب عليه وياخذ من فلوسه ) هذا اللي صاير في بورصة الكويت وناس اقل منها وفرق السماء عن الارض تضخ المليارات وماتحسب حساب وانعشت اسواقها وشوف الخليج يومين ارقام فلكيه واحنا نزول والامريكي رقم خيالي ما تحقق من 1933 واحنا نزول طيب دام لا يمشي سوقنا على التحاليل ولا على الاسس العلميه ولا مرتبط في العالم اجل ليش عافس هالناس من بدات ازمة امريكا شوف اصلن فشله عليهم وربي اليوم بينت السالفه انها خربطه بخربطه

 

[المحارب الشرس]

للرفع

 

[بو ضاري 2005]

فى شى غريب ممكن محد لاحضه

مسا الخير شباب ممكن انا اشوف مجموعة الصفاة الصفوه وصافتك نزول موطبيعى زين ليش صفاة عالميه تاركينها تقول مو مع لقروب ليش ممكن احد يقول السبب ونسية وهم شعيبه ورقيه

 

[مضارب شجاع]

ساعات الواحد يعشق السهم ويكون علاقة غير شرعية مع السهم
ولكن تكون نهاية هذه العلاقة ماساوية وتؤدى الى السجن او الى الهذيان العقلي او الى التفكك الأسري .

 

[jarrah_aam]

شركات المجموعة الدولية ما لها والي وصانع السوق الظاهر ما له وجود
الله يفرج عن المساهمين وامسكو أسهمكم الظاهر يبون يدمرون أهل الآجل
الي دوماً ما يتعظون
الله يعوض عليكم
اذا عندك رصيد قليل وتأكل ثلاث وجبات وعندك كمبيوتر فأنت من 8% الي في العالم يعتبرون أغنياء فاحمدو الله
ودمتم

احسنت جزاك الله خيرا

 

[Ferrari2008]

ولا ياما بتشوف تبريرات شوفوا باجر الجرايد اللي اطبل لهم وتصريحات النواب الصمنديقه اللي يبون يتكسبون من خسايرنا شعبويا والحكومه الدايخه اللي تجذب اشكره ويمكن اول مهمه تسند لمجلس التخطيط هي طلعوا لنا جذبه جديده ترا توهقنا استنفذنا كل الجذب اللي بالعالم ومابقى تبرير او سبب ما قلناه وانقذونا بجذبه ما انقالت من بدات الانهيارات

 

[بلوتو]

قلبه متروسه :d

الله يكون بالعون ياخوي

:d:d:d:d

 

[jarrah_aam]

ساعات الواحد يعشق السهم ويكون علاقة غير شرعية مع السهم
ولكن تكون نهاية هذه العلاقة ماساوية وتؤدى الى السجن او الى الهذيان العقلي او الى التفكك الأسري .

افا والله علاقة غير شرعية؟؟ اعقد عليها وانا اخوك وعدل غلطتك:d

 

[متداول جديد]

نزول اليوم للأسباب التالية؟ وفقا للمصادر..


1- انشغال الكثير من المحافظ الكويتية بالسوق الخليجي..
2- احتجاج بعض الشركات الصغيرة بسبب غياب الدعم الحكومي عنها..
3- أغلب الشركات الورقية سوف تعلن عن خسائر..وابتعاد الدعم الحكومي وكثير من المحافظ عنها..
4- وجود خلاف وضغط متعمد بين بعض المجاميع خصوصا الاشكالية الحاصلة بين شركات مجموعة عارف والأبراج والدولية للاجارة..
5- استغلال النزول الحالي من بعض المجاميع للضغط على أسهمهم لمزيد من التجميع بأرخص الأسعار لحين عودتهم من السوق الخليجي..خصوصا لعلمهم اليقين ان النزول الحالي وسط الارتفاع الحاصل بالسوق الخليجي سوف يسبب احباط شديد بين المتداولين مما يسهل عملية تجميع الأسهم ..

والله أعلم..

 

[احمد بو نواف]

جراند

السلام عليكم رحمة الله وبركاته

جراند عليها اجل 10 مليون خلال شهر و15 مليون تقريبا الشهر الجاي اوكي
الملاحظه: البيع اليومي فوق 20 مليون فهذا يعني تفصيخ الآجل ام ماذا
شنو( الغمنده) بالكوتي؟