تحـــــرر أم حيـــــــاء ؟؟!!

الموضوع في 'إستراحة المنتدى' بواسطة سنوات الضياع 11, بتاريخ ‏15 أكتوبر 2008.

  1. سنوات الضياع 11

    سنوات الضياع 11 عضو جديد

    التسجيل:
    ‏8 أكتوبر 2008
    المشاركات:
    98
    عدد الإعجابات:
    0
    مكان الإقامة:
    في قلب العاصمة الريــــــاض
    << دعــــــــــــــــوة للنقـــــاش وتبــــــــادل وجهـــات النظر>>

    منذ زمن بعيد , آصبحت الفتاة تخرج من
    منزلها لتخوض معترك الحياة, وأختلطت بالرجال
    بل سبقتهم في كل الميادين , التي كانت
    طوال عهود سابقة حكراً عليهم فقط -
    لكن الفتاة تبقى فتاة , عليها الأنتباة إلى
    طريقة تفكيرها وكلامها ولباسها, وسلوكها
    وثمة حدود لايصح لها مطلقاً تجاوزها بأسم
    الجرأة أو التحرر , لأنها أنثى والأنثى سمتها
    الحياء , أغلب الفتيات يؤكدن أن الزمن تغير
    وأن الفتاة يجب عليها أن تتحلى بالجرأة
    لتصمد في وجه مستجدات الحياة , وأن
    الخجل مات وأندثر في زمن أمهاتهن وجداتهن
    بل أصبح جلباب قديم غير صالح للأرتداء
    ولكن يبقى السؤال الأهم هل تحرر
    الفتاة هو (قلة حياء )؟؟!!
     
  2. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    بختصار لموضوعك

    1.عثا فينا جهاز الدش بـث وعـرض واستقبـال***محـا قيـن الـردا لأبـارك الله فـي محاقنـهـا
    2.بدا عصر الفتن يطلع عسا لله يصلـح الأحـوال***ولا نقـدر نقـول إلا عـسـا ربــي يزينـهـا
    3.طلع جيلن يشيـب بالرضيـع ويذهـل العقـال***بعض ناسن ذكرهـا المصطفـئ شفنـا عواينهـا
    4.لقينا الكاسيات العاريـات الوصـف والأهـوال***عليهـا لبـس لكـن لـبـس يـبـرز مفاتنـهـا
    5.تميل عن الطريق المستقيم ومـن تبعهـامـال***خبيثـت شكـل ظاهرهـا يمثـل خبـث باطنهـا


    6.ترحله بليسـن وانجـلا عنهـا الحيـا وأنجـال***ولـو قامـت تلملـم مـن يصدقهـا ويـا منـهـا
    7.تستر لين تدخل رأسها فـي المشغـل الشغـال**وعلى الشغـال فـي المشغـل مذارعهـا تبينهـا
    8.غدت ماعاد تجفل مـن عيـال الهنـد والبنقـال***تغنـج لـه أليـن يهـز رأسـه ثــم يدينـهـا
    9.على ذا الحال يمكن تفتن الصاحي مـع البطـال***مـدام أنهـا تغـنـج لــه وكلمتـهـا تلينـهـا
    10.تجرد عن لباس عن المسلمين وتلبس البنطـال***مـع قـل الحـلاا تلبـس لهـا لبسـن يشينـهـا


    11.يقولون الرجال أن الفرس في عصمة الخيـال***وراء الخايـب يخلـي الخايبـه تبـرز محاسنهـا
    12.ولا يدب ولا ينصح ولا ينظر لها فـي حـال***يعاملهـا بهيمـة بــس مابـاقـي الايسمنـهـا
    13.وبعضهم لو يبي يدب وينصح زوجته محتـال***ولا ينكـر عليـه شـي وان زعلـت يساكنـهـا
    14.خذت منه ألقوامه وأصبح الحرمة وهي رجـال***تخلـي الثـوب نصـف السـاق وثيابـه يطمنهـا
    15.وإلا جاء الليل كلن راح له سايق ولـه جـوال***إن جــت ماتلـقـاه وان جــاء مايعيـنـهـا


    16.تحدد نسلها تبغـئ الرشاقـة ماتريـد عيـال***مـع عـدوان ديـن الحـق معلنتـن تضامنـهـا
    17.وضيفتها عساه البعد بين النـاس قيـل وقـال***تجيـب الهـرج وتـوديـه والفتـنـه تكونـهـا
    18.ولأعمم لان الخير فـي بعـض البشـر لازال***وكـم مصيونتـن فـي بيتهـا والـرب صاينهـا
    19.ولايمكن يضحي بالشرف والدين بنت رجـال***لان الطيبـة يحمـي شرفهـا طـيـب معدنـهـا
    20.عطاها الرب عقل ودين مافيها جهـل وخبـال***نتيجـة قــوة التـيـار ماتخـلـف توازنـهـا


    21.على زلت بعلها لـو يكررهـا وسيعـة بـال***تحلـت بالمحاسـن والعلـوم القـشـر تدفنـهـا
    22.له في مهجته منزل ولـه فـي قلبهـا منـزال***تبادلـه الـغـلا مـاهـي بخاينـتـه وخاينـهـا
    23.ولاننسئ شبابـن ابتلـن بـه طيبـات الفـال***تبي العفـة وستـر الحـال والـد اشـر يجننهـا
    24.مريض ناقصن عقله خبيـث وتشعفـه الازوال***منحيـه مـن ردا حـظـه وخبـثـه يحيينـهـا
    25.نهاره نوم وان جاء الليل يسهر في رداء وخبال***وليا جاء الفجر جـاك يسحـب رجولـه مطينهـا


    26.من أثار المخدر كن في جوفه مـرض سـلال***مـن التدخيـن كـن شـفـاه بالنيـلـة يلونـهـا
    27.ومنهم من تميز بالنعومـة والضفـور طـوال***وذيك القذلـه اللـي مـن دهـون أختـه يدهنهـا
    28.تحـلا بالانوثـه مابقـئ إلا يلبـس الخلخـال***يشوف أختـه تجمـل للعريـس وغايـرن منهـا
    29.إلى هرج بالمجتمع جـات الهـر وج هـزال***يــدور للرخـامـة والمـراجـل مايواطنـهـا
    30.يطابق هاالاذان ويطرب الداشر مـع المـوال***قضى ليلـه مـع الشلـة وبنـت النـاس هاينهـا


    31.ولأعمم لان الخير فـي بعـض البشـر لازال***ترى الدنيا من أهـل الطيـب ماخليـت مخازنهـا
    32.رجالن تلتزم نهج الرسـول وللحمـول جمـال***ولا يخـرج حداهـم كلمـتـه يـكـود وازنـهـا
    33.ولا ننسئ قضية من مسكها لأجل حب المـال***لأجل المـال وصلـت بنتـه الخمسيـن راهنهـا
    34.يبيع ويشتري فيها كمـا السلعـة مـع الـدلال***يبي ينظر من اللـي يدفـع أكثـر مـن زباينهـا
    35.ترى هذا ومثلـه بالمجالـس عـده الفنجـال***جزا اللـي علـى شـان الطمـع بنتـه يخزنهـا


    36.إلى جـوه رجالـن طيبيـن الديـن والأفعـال***يحولهـم علـى أم الحـوش والـد اشـر ملقنهـا
    37.تقول ابغئ المهر ذلحين نقد ريال فـوق ريـال***تبي فـوق آلميـه مـن غيـر حاجاتـن تامنهـا
    38.تحده لين يبقئ رأسه مالـه غترتـن وعقـال***تـحـده للـدداسـن بالمـعـارض ويتديـنـهـا
    39.الاوشيب راسي شاخـت النسـوان والاانـذال***ولا يعتـز جيـل شـيـخ الحـرمـة ومكنـهـا
    40.ترى ماني بلا شامت مارا بين واضرب الأمثال***لعـل أهـل العقـول ألطيبـه تــردع مجننـهـا


    41.ابحاول علاج امرض عصر الدش والااهـول***وناسـن ماتبـي تسمـع كلامـي ماعلـي منهـا
    42.يقوله واحد يخطـي مـع التفريـط ولاهمـال***ولكـن فـي رجـاء الرحمـن لصعبـت يهونهـا
    43.الئ منـا هوينـا بالمقابـر والحمـول ثقـال***وبدينـا فـي حيـاة الآخــرة وأول مساكنـهـا
    44.وجاء يومن عبوس قمطرير يشيـب الأهـوال***نهـارن فيـه نـاس يفرحـه ونـاس يحزنـهـا
    45.ورود النـاس شـي ثابـت ماعليـه إشكـال***ولكـن النجـاة اللـي تـرى ماحـدن بظامنـهـا


    46.تسمع ياوسيع العرف لاتجهـل مـع الجهـال***أبعـرض النصيحـة وأنـت ياجعـلـك تثمنـهـا
    47.تخيل يـوم ينقطـع النفـس وتضيـع الآمـال***ونفسك عـن هجـوم المـوت ماتقـدر تحصنهـا
    48.ولا ينفع ولدك ولا ولد عمـك ولابـن الخـال***مسـا جـاب المكفـن عـن جثمـانـك يكفنـهـا
    49.ألا يالله ياللـي بـيـدك الأرزاق والااجــال***ولا للنـاس غـيـرك رب يرحمـهـا ويمنـهـا
    50.تجاوز عن خطانا إلى من عرضت الأعمـال***نهـارن فيـه نفـس العبـد مايجـدي تغابنـهـا
    51.عراة ما علينـا لبـس وحفـاة بـدون نعـال***نهـار ن يجمـع فيـه ظالـم ألامـه ومحسنـهـا

    وسلامتكم ولا اعرف من قائل هذى القصيدة

    شكرااا لموضوعك الجميل
     
  3. سنوات الضياع 11

    سنوات الضياع 11 عضو جديد

    التسجيل:
    ‏8 أكتوبر 2008
    المشاركات:
    98
    عدد الإعجابات:
    0
    مكان الإقامة:
    في قلب العاصمة الريــــــاض
    أبــــــــــــــوســـــــــالم صـــــــح لســــــــانك أخـــــــوي
    وشـــــــــــــــــاكره لك مشـــــــــــــــاركتك
     
  4. nestla

    nestla عضو نشط

    التسجيل:
    ‏20 ديسمبر 2007
    المشاركات:
    1,618
    عدد الإعجابات:
    0
    اوافقك في كل كلمه كتبتها
    لو تخلت المرأه عن حيائها لما بقت لديها ذرة انوثه .
     
  5. سنوات الضياع 11

    سنوات الضياع 11 عضو جديد

    التسجيل:
    ‏8 أكتوبر 2008
    المشاركات:
    98
    عدد الإعجابات:
    0
    مكان الإقامة:
    في قلب العاصمة الريــــــاض
    nestla
    شــــــــاكرة لك مشــــــاركتك