استفسار عن حملات الحج الكويتية

[ناطر خير]

السلام عليكم ورحمة الله وبركاته
انا نويت الحج هالسنة ان شاء الله
بس دخت بين الحملات
ياريت تفيدوني عن الحملات الطيبة
انا اعرف ان في حملات معروفه مثل الشايع والكندري والياسين ومندكار
بس هالحملات إما غالية اقل شي 1600 او اكتمل العدد
اتمنا من الاخوان الذين سبق لهم الحج عن طريق حملة يفيدني
ولكم جزيل الشكر ،،،

 

[ابو سالم1]

صدقنى كل الحملات الكويتية الى معتمدة من الجهاة الرسمية بالكويت تغريبا نفس الشى اهم شى تكون حملة رسمية .

 

[ناطر خير]

شكرا على الرد السريع
انا كنت اقول مثلك بس لا افتريت شفت في فرق
اولا السكن نوع السراير يفرق ونوع الاكل يفرق.
ثانيا الخيام بعرفا ومنى يفرق بعضها مكيفه وحماماتها نظيفة تكرمون
وبعضها خيامهم حدها مراوح
هذا اللي قدرت اعرفه ومنكم نستفيد
وشكرا مره ثانيه على اهتمامك بالموضوع

 

[ابو سالم1]

انا قصدى عن الحملات الكويتية غير الى انت ذكرتهم هذول سعرهم بالعالى لان خدماتهم vib
الى انا اقصد ان الحملات الكويتية العادية كلهم مستوى واحد تغريبا لان كلهم فى نفس المنطقة بالعزيزية وفى منى وعرفات كلهم جنب بعض

 

[mr-mac]

ياجماعه افضل حمله مندكار والحمدالله فازت باحسن حمله كويتيه اول امس

 

[باب عوود]

اخوي اسئل الله ان يرزقك حجه ولكن هناك حملات نسبيآ كويسه
حملة احمد الهولي بالخالديه واسعارهم تبدأ من 1250 دينار وعماره
في العزيزيه الجنوبيه نظام شقق فندفيه
مساعد الشايجي 1350 دينار كذلك العزيزيه شقق فندقيه
اذا انت بروحك حملة رصيف مع الشباب واحلى حجه باصولها وياهم

 

[ناطر خير]

مشكور يابوسالم وما قصرت

 

[ناطر خير]

مستر ماك انا رحت حق مندكار قالولي 1550 دينار
قالولي انها ممتازه الله يجزاهم خير بس انا على قد حالي ما اقدر على هالمبلغ

اخ بومحمد مشكور على المساعده وعساك على القوه
في حملات موجودين بصليبيخات والسالمية قالولي على 800 و900 بس محتار بينهم من ضمنهم البدر(الفضلي سابقا) والجلاسي شرايكم فيهم في احد مجربهم؟؟؟

 

[باب عوود]

لاوالله مو مجرب ولا وحده فيهم اسئل عن حمد الدوسري خوش حمله
مجربها قبل 5 سنوات عندكم بالسالميه
الله يوفقك يالغالي

 

[filfil]

مستر ماك انا رحت حق مندكار قالولي 1550 دينار
قالولي انها ممتازه الله يجزاهم خير بس انا على قد حالي ما اقدر على هالمبلغ

اخ بومحمد مشكور على المساعده وعساك على القوه
في حملات موجودين بصليبيخات والسالمية قالولي على 800 و900 بس محتار بينهم من ضمنهم البدر(الفضلي سابقا) والجلاسي شرايكم فيهم في احد مجربهم؟؟؟

الاخ العزيز
هل الاسعار للبر ولا للجو

 

[تفاءل بالخير]

والله يا اخوي الاهل راحوا مع حملة الرومي السنة اللي طافت

وكانت مميزة لانهم سكنوهم في فندق اعتقد شقق فندقية مستواه ممتاز وجديد واحسن ما فيهم ان كل عايلة تسكن بشقة بروحها يعني مو فاصلين الاهل عن بعض وهذا شي زين وكان مستوى الاكل ممتاز

وسعرهم اعتقد يبدي من 950 دينار للجو

 

[ناطر خير]

up up

 

[azzd]

عندك حملة عبدالله العساكر .......سكن في فندق ....حملة معروفة من زمان
وسعره فيها

 

[ناطر خير]

عندك حملة عبدالله العساكر .......سكن في فندق ....حملة معروفة من زمان
وسعره فيها

حملة العساكر اذكر انها بكيفان عدل
بس ماقتلي بجم
مشكور اخوي عساك على القوة