جاخور 1250م

[nasser_q8i]

السلام عليكم
ياجماعة ابي استفسر
جاخور بكبد قطعة 8 داخلي ، يعني مو عالشارع الرئيسي و مساحته 1250
والجاخور مافي غير السور طابوق ابيض
وغرفتين ومرافقهم

يعني الجاخور اقرع

ابي اعرف جم يسوى

لان معروض للبيع على السوم مثل ما يقول صاحبه

ياليت تفيدوننا عن سعره

 

[nasser_q8i]

ياجماعة ماطلبنا شي
نبي نعرف اسعارهم بس

 

[بوناصر10]

السلام عليكم اخوى اى بلوك من قطعه 8 يعنى الاول ولا الثانى وانت اتقول اقرع وفيه غرفتين ومنافعهم يعنى الاستراحه مبنيه على العموم اذا على الاسود موخالصين من 26 وفوق واذا خالص ومتعوب عليه حيل من 40الف وانت طالع وان شاءالله قدرت افيدك بشى


اخوك بوناصر

 

[بوناصر10]

وازيد على كلامى اذا اقرع بس سور اتحصله على 22 الف بس داخل مو قريب على الشارع ولازم اتسويله غرفه وحده وعريش وجبره حق الغنم عزكم الله علشان يتحول عند الهيئه وسلامتك
وانا بالخدمه فى اى استفسار


اخوك بوناصر

 

[al.jamly91]

اخوى تقدر تديرلى بالسعر هذا 22
اشكرك مقدما

 

[أحمـــــــد]

أخوي ابو ناصر اسمحلي ادخل اشوي بكلامك

الغنم ما تقول عزكم الله هذا حلال ونأكله

واسمحلي أخوي ابوناصر

 

[السهم الامريكي]

أخوي ابو ناصر اسمحلي ادخل اشوي بكلامك

الغنم ما تقول عزكم الله هذا حلال ونأكله

واسمحلي أخوي ابوناصر

تشكر اخوي احمد على هالتنويه وكلامك عدل وجزاك الله خير

 

[قيس]

الاخ /// احمد اعتقد ابو ناصر يقصد حوش الغنم

 

[أحمـــــــد]

أخوي السهم الأمريكي

بارك الله فيك

أخوي قيس

هذا مجرد تنويه فقط

وجزاكم الله خير جميعا

 

[بوناصر10]

الاخ /// احمد اعتقد ابو ناصر يقصد حوش الغنم

جزاك الله خير اخوى على التوضيح عنى بالرد

اخوك بوناصر

 

[بوناصر10]

اخوى تقدر تديرلى بالسعر هذا 22
اشكرك مقدما

موجود الطلب وكان الكلام فيه قبل كم يوم بس يبيله شغل مجرد ارض خاليه ولهيئه لها شروط بتحويل لازم تبنى فيه علشان يتحول لو بنيان بسيط لتحويل ورقم الوسيط راح ارسله لك على الخاص ومارح يقصر معاك وانا بالخدمه


أخوك بوناصر

 

[بوناصر10]

أخوي ابو ناصر اسمحلي ادخل اشوي بكلامك

الغنم ما تقول عزكم الله هذا حلال ونأكله

واسمحلي أخوي ابوناصر

جزاك الله خير اخوى احمد انا كنت اقصد مكان الغنم ليس الغنم

اخوك بوناصر

 

[أحمـــــــد]

هلا أخوي بوناصر

بارك الله فيك

بالنسبة للموضوع أنا سمعت راح تسحبهم الحكومة يا ريت اتنورنا بهالشي

 

[Doc30]

هلا أخوي بوناصر

بارك الله فيك

بالنسبة للموضوع أنا سمعت راح تسحبهم الحكومة يا ريت اتنورنا بهالشي

بالفعل اخوي الحكومه هددت انها تسحب بعض الجواخير الي اهلها ما استغلوها . يعني الي ارض فاضيه او بنيان سور فقط بدون تواجد احد.

اما انهم يسحبون جميع الجواخير فهذي اشاعات تطلع بين فتره وفتره والناس تعودت عليها .

الي يروح جبد يلقى انهم قاعدين يسوون محطة بانزين جدام الجمعيه وقربت تخلص

وايضا عند الجمعيه قاعد يسوون مطعم ..اما هارديز او كنتاكي ..ماني متاكد .

يعني اتوقع المنطقه لها مستقبل اكثر من الكلام الي ينقال عن سحب الجواخير

بالتوفيق جميعا

 

[bo_ahamad]

أخوي ناصر نصيحة أتعب على هالقطعتين 8 و 9 وغيرهم لادور!! وبالنسبة لسعر الجاخور اللي محصلة أذا باعك ب25 ألف واايد زين

 

[بوناصر10]

هلا أخوي بوناصر

بارك الله فيك

بالنسبة للموضوع أنا سمعت راح تسحبهم الحكومة يا ريت اتنورنا بهالشي

هلا أخوى أحمد تشرفت فى معرفتك بنسبه لجواخير كبد من الصعب يسحبونها منك لاانه بينك وبين الهيئه عقد مدته عشر سنوات واجار رمزى عشرين دينار بسنه حاله حال مزارع الوفره ومزارع العبدلى وشاليهات كلهم امالك الدوله واذا انت ملتزم بشروط اللى بالعقد من المستحيل يسحبون منك الجاخور اما اذا انت مخالف يعطونك انذارات قبل السحب هم يبون منك حوش للغنم وانك تبنى لك بنيان لايتجاوز 200 متر
ويمكن الكثير سمع قبل فتره اسحبو عدد من لستراحات لعدم البناء عليها وبعدها رجعوها للاصاحبها بمخالفه ماليه تقدر 500دينار وفوق على حسب المساحه واعطيك مثال يالغالى جواخير اصليبيه اللى عند الالبان عوضوهم بالعبدلى ولوفره
واذا ودك تشترى اخذ تره فرصه لجدام وفوق كل هاذه استراحه لك ومتنفس للعائله


واى خدمه ترانى اخوك لاتردد



أخوك بوناصر

 

[بوناصر10]

بالفعل اخوي الحكومه هددت انها تسحب بعض الجواخير الي اهلها ما استغلوها . يعني الي ارض فاضيه او بنيان سور فقط بدون تواجد احد.

اما انهم يسحبون جميع الجواخير فهذي اشاعات تطلع بين فتره وفتره والناس تعودت عليها .

الي يروح جبد يلقى انهم قاعدين يسوون محطة بانزين جدام الجمعيه وقربت تخلص

وايضا عند الجمعيه قاعد يسوون مطعم ..اما هارديز او كنتاكي ..ماني متاكد .

يعني اتوقع المنطقه لها مستقبل اكثر من الكلام الي ينقال عن سحب الجواخير

بالتوفيق جميعا

نعم كلامك صحيح وفيت وكفيت بارك الله فيك




أخوك بوناصر

 

[nasser_q8i]

جزاك الله خير يا بوناصر كفيت و وفيت
ومشكورين باجي الاخوان على الايضاحات

 

[بوناصر10]

تامر يالغالى ماسوينا شى الله يوفقك ويسعدك


أخوك بوناصر