بعد 10 ايام اذا استمر السوق بهذا الحل .... راح يطلعون ملح السوق ... !

[kuwait1979]

- خلاص يا جماعه الخير :

(( مصخت ))

اقسم با الله راح يطلع اكثر صغار المتادولين من السوق
واللي هم يسمونهم :

(( ملح السوق ))

بسبب الافلاس لان المستثمر الصغير ماعنده الا مدخراته
القليله وهالجم بيزه اللي طلعها من ورث او من قرض
او من تجمع جم دينار من معاشه .
يعني هالمستثمر اذا بيرجع السوق اتوقع يبيله اكثر
من 5 سنوات عشان يجمع فلوس وعشان تقنعه انه يرجع
يستثمر بسوق الكويت للاوراق الماليه .

راح تبقى بس الصناديق والمحافظ والهيئة
خل يصرفون على بعض ويشترون ويبيعون على بعض .

كلنا عارفين ان شركاتنا اغلبها بخير وقاعد تعلن ارباح
والمشكله خلاص قاعد تتلاشى حتى من السوق الامريكي
واغلب دول اوربا واسيا - لكن مشكلتنا واضحه وضوح الشمس
جشع التجار الكويتيين - الله يسامحهم .

ملاحظة : كل الشكر والتقدير لحكومتنا الرشيده على دعمها
للسوق بهذا الوقت - والله يحفظ قيادتنا - اللهم امين .

لاحول ولاقوة الا با الله العلي العظيم .
استغفر الله واتوب اليه ..​

 

[kuwait1979]

نزول يوم الاحد 19 . 10 . 2008 م


309 -


.​

 

[kuwait1979]

لاتلومونا يامشرفين ويا اعضاء .
بس لازم الواحد يتحلطم بالكيبورد .

.​

 

[jo0ok]

كاسك يا وطن
الجميع يردد يا ليل مطولك

 

[KUWAIT_220]

الله كريم الله يعوضنا

 

[أسد سليمان ملك]

حتى لو اطلعو من السوق اول مايرد السوق اول من يرجعله صغار المستثمرين

البورصه مثل الدم بالورود لكل كويتي

 

[unknown]

لا تضيق اصدوركم اللى في بجوه او تحلطم عندكم حائط المبكا .. شكلي ربده مره ثانية لكثرة زواره

 

[أسد سليمان ملك]

لا تضيق اصدوركم اللى في بجوه او تحلطم عندكم حائط المبكا .. شكلي ربده مره ثانية لكثرة زواره

 

[unknown]

مو مني من اللى فيني قمت احجي بنغالي

 

[kuwait1979]

حتى لو اطلعو من السوق اول مايرد السوق اول من يرجعله صغار المستثمرين

البورصه مثل الدم بالورود لكل كويتي

والله ما ادري شقولك ... بس منو اللي عنده فلوس
كااااااش نقدي عشان يرجع - حاليا الناس تعرض وحداتها
بالكسور عقب ماتكسرت اسهمهم تكسر .
والبنوك شوفت عينك ماتعطي قروض بالهبل مثل قبل .
فمن وين الواحد بيرجع . طبعا انا اتكلم عن اغلبية
الكويتيين اللي وضعهم عادي عالمعاش .
.

 

[notime]

قالها سعد الفرج بتصير طبقات

الله يستر علينا

 

[alhilo]

ملح السوق اللى هو المستثمر والا المضارب خلاص فلوسة بح اكلهم الغول
والحين يفتر ع الدواوين يبى سلف علشان ياكل مو ع الكماليات
حسبى اللة ونعم الوكيل باللى يتعمد ينزل السوق لهالمستوى

 

[Design]

حسبي الله ونعم الوكيل---- حسبي الله ونعم الوكيل
80% من افلوسي راحت(وهو مبلغ وقدره) والباقي على وشك
اذا ظل السوق يتراجع جذي

((قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ))


الحمدلله رب العالمين على الصحه والعافية

 

[kuwait1979]

حسبي الله ونعم الوكيل---- حسبي الله ونعم الوكيل
80% من افلوسي راحت(وهو مبلغ وقدره) والباقي على وشك
اذا ظل السوق يتراجع جذي

((قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ))


الحمدلله رب العالمين على الصحه والعافية

الله يعوض عليك خير ياخوي .


.