تداول يوم الثلاثاء 21-10-2008 على بركة الله ( اخضر )

[سايق الخير74]

تستاهلون العافية

بو فهد شلونك؟

هلا وغلا بوالنصح الحمدلله آخر ساعه بالسوق فرحتنا وان شالله تدوم هالفرحه

الله يجزاك كل خير ويسوقلك من خيره على ماتحب وترضى دنيا واخره

بس ما احب الكراعين وعندي بيجامات واجد

مافي كرت ايزي دينار ونص هديه :d

كرت دينار ونص؟ اممممممم....اتوقع انك من اللي يدقون رنه اتغشمر معاك

 

[wld al salmiya]

مبروكين الاخضر المؤقت والله العالم

 

[jeme_E]

بكره خض بطون والله اعلم

انا توني نشبت بسهم

بس بخليه استثمار وبوقف مضاربه

والله مدري

الاسثتمار تو الناس عليه سوقنا مريض

باجر تبيعه باذن الله بربح ماعليك

واذا خض بطون نخض معاهم

او نتماسك لما نشوف هدف الموشر وقبله شوي ننحاش

وننطر تحت

 

[bo fawaz]

بو فواز ما شاء الله شنو هالكشرة

هذا والمؤشر زايد بس 180 نقطة

لو 600 نقطه شلون ؟

:d

هلااااااااا ابونواف

لا يالحبيب الصعود عندى

احسبه من 10770

يعنى 270

هذا الى مخلى الكشره شكبرها :d

 

[AutoCad]

قلت لكم عندي بعض التفاؤل

 

[Navigator]

بو فواز كيف حالك؟

 

[jeme_E]

كرت دينار ونص؟ اممممممم....اتوقع انك من اللي يدقون رنه اتغشمر معاك

انت بس لوتعطيني الكرت

راح اقدر ادق رنه

الحين مافي رصيد كلش ادق من تلفون البقاله واقولهم دقو علي

((ايام البياجر يدقون عليك تصقط عند بقاله

الحمدلله على النعمه اليوم حتى الجاهل بيده تلفون))

 

[bo fawaz]

بو فواز كيف حالك؟

هلاااااا وغلااااااا يابوالنصح

طافتك ابراج خوش صعده اليوم

 

[Navigator]

هلاااااا وغلااااااا يابوالنصح

طافتك ابراج خوش صعده اليوم

منو يقول

خذيت 375

وعرضت وانا خايف على 380

سوالفهم مكشوفه

بس ما اعتقد يطولون

 

[jeme_E]

منو يقول

خذيت 375

وعرضت وانا خايف على 380

سوالفهم مكشوفه

بس ما اعتقد يطولون

حدهم يوم يومين بالكثير

اتوقع جذي

بس مافي مانع نستانس معاهم

بس النشبه معاهم مشكله

اسأل مجرب

 

[flamincoo]

والله مو انا

تبي تثبت المثل الي يقول الي على راسه بطحه يتحسسه​

 

[بوقاسم]

كلامك صحيح حاولو ؟
السؤال منو الي قاعدلهم ومايبيه يصعد​

اهو من الصبح حاط 1,300,000 يعنى ناوى ينزله غصب طيب

 

[jeme_E]

تبي تثبت المثل الي يقول الي على راسه بطحه يتحسسه​

الله يسمع منك ويجي اليوم اللى نقط مليون سهم مره وحده

لو بوخمسين فلس راضين

 

[ميكانيكي]

محد شاري بتمدين استثماريه ؟؟

حد ادنى

حد اعلى

ههههههههههه

 

[flamincoo]

اهو من الصبح حاط 1,300,000 يعنى ناوى ينزله غصب طيب

صحيح بس ابي اعرف منو الي عارض او قط هالمليون
هل اهو البنوك الي مرهونه فيها الاسهم
ام الشركه نفسها وانا استبعدها
ام تاجر وله مئارب في تكسير مجاديف السهم (الاداره)
وما أدري شي محير​

 

[سايق الخير74]

انت بس لوتعطيني الكرت

راح اقدر ادق رنه

الحين مافي رصيد كلش ادق من تلفون البقاله واقولهم دقو علي

((ايام البياجر يدقون عليك تصقط عند بقاله

الحمدلله على النعمه اليوم حتى الجاهل بيده تلفون))

اذا تذكر البيجر قبل الغزو لازم تدخل الرقم اللي داق منه بعدين تطور سبحان من علم الانسان ما لم يعلم.

 

[ميكانيكي]

انت بس لوتعطيني الكرت

راح اقدر ادق رنه

الحين مافي رصيد كلش ادق من تلفون البقاله واقولهم دقو علي

((ايام البياجر يدقون عليك تصقط عند بقاله

الحمدلله على النعمه اليوم حتى الجاهل بيده تلفون))

::verymad::

 

[jeme_E]

محد شاري بتمدين استثماريه ؟؟

حد ادنى

حد اعلى

ههههههههههه

شرينا بس مابعنا

ونبهنا عليه بالمنتدي محد طاع

شريت فوق الادنى بطقه وناطر باجر ابيع باذن الله

اذا تذكر البيجر قبل الغزو لازم تدخل الرقم اللي داق منه بعدين تطور سبحان من علم الانسان ما لم يعلم.

لا انا توني نونو لحقت على بيجر بعد التحرير بس

 

[jeme_E]

::verymad::

ترى بكلم بوعلي واطالبه بايقافلك

بسبب مضايقة الاعضاء وجرح احاسيسهم

وتعوير نفسيتهم

 

[adel1968]

انشالله وبعون الله تنكشف الغمه اليوم ويكون السوق اخضر واحساسي يقول انه اخضر انشاءالله
ولحد يقولي شنو دليلك ولا وين التحليل لاني قلت احساس
والله يفرجها علي الجميع قولو امممممممممممممميييييييييييييييييييين

قتلكم احساس وانشالله يكون بداية الانطلاقه انشاءلله ويكون نهاية الانهيار مو التصحيح لانه اللي حصل مو تصحيح والله كريم