أنا وايد خوافه...يعني مهما اوصف لكم ما راح اتصدقون..نظريه المجرم اللي راح يقتلني على طول في بالى..بس خوفي الاكبر و اللي يفشل اخاف تقريبا من كل الحيوانات الاليفه...ما ادري ليش بس كل الحيوانات تدري اني اخاف منها فتهاجمني..مره لاحقني خروف ابينطحني..المره الثانيه المطارده الرهيبه اللي صارت بيني و بين القطوه طبعا اهي اللي لاحقتني و في النهايه الشغالين اللي في البيت الحمدالله هبوا لمساعدتي..اخر مره الاسبوع اللي فات في سوق الجمعه (طبعا اول و اخر مره اروح) حاصروني دجاجتين طبعا بقى يزر عقلي و صديقاتي قاعدين يطالعوني ويضحكون (يا لوقاحتهن) طبعا الجمهور هناك حده راقي...واحد من اللي مارين قالي: يوم انش تخافين اشيايبش - قلت ابقلبي اللي فيني كافيني...اتهقون شنو اسوي برستيجي صار زفت جدام الكل