سوق الاوراق
عضو نشط
- التسجيل
- 5 يوليو 2005
- المشاركات
- 5,635
السلام علسكم
ديكي ضاع من دوره ...ضاع الديك من دوره ... ديكي شريته بالفين ... بالسوق ينباع بأنتين ... وارخص من الشكليت ... والله لا اروح سوق الكويت .... اشتر ي الديك بأنتين .... ديكي ضاع من ضيعه !!!!!!!!
القرف ... يعني حالة اشمئزازية تنتاب من اصابه ضجر ففجر .
القرف .... يعني شيل كثر ما تقدر ...
الظرف ... يعني كيس .
يقولون على العام والخاص سوق الاوراق متشائم وكتاباته تضيق الخلق وتنرفز الواحد وتحطمه .. ودائما يخطأ على ملاك الشركات ويتهمهم باْنهم حرامية وسراق للمال وسفاحين ودائما يتنباْ بانهيار السوق بوقت مبكر ودائما لديه نظرية الخيانة
اخواني الكرام .. بهذه المقدمة البسيطة اتواصل معكم وكلي تفائل بالمستقبل البعيد وكلي امل باْدراك ما انا بصدده لان الفرص لن تتكرر بالعمر الا على عدد اصابع اليدين اغلب الاحيان .
الكل الان متشائم وسوق الاوراق متفائل ... ليش ؟
شاهد معاي ماكنت تحلم به فقد اصبح حقيقة !!!!!!!!
طبعا السوق بحالة احتضار الاموال والا سهم السابقة ننساهم بالوقت الحالي ...
اليوم السوق سوق الثروات القادمة ( مثل ما قال الضب العود )
اليوم السوق سوق الفرص الكبيرة والعظيمة لمن يريد ان يصبح مليونيرا بعد عدة سنوات !
اليوم السوق يبيله ( صائد الثروات )
سوق الاوراق لايعتبر منتجا للثروة بل ساحة لتبادل الثروة ........ لو حصل بالظرف اقرف قرق .......... !!!!!!
مو نتشيحط لما نروح البنك وتاخذ قرض ولا تتفلسف وتاخذ اجل تكفون بس الكاش .
مو تكشخص لما تروح البنك وتسحب الفلوس تقول حق الموظفة لو سمحتي عتج ظرف علشان احط الفلوس ....
الحين بنفس الظرف اقرف قرف كثر ما تقدر !!!!!!!
الاسهم اللي تحت 100 وخاصة تحت 80 فلس واحسن بعد لو تحت 70 فلس ....
وفي احسن من جذي ؟ اكيد في ممكن تشوف 60 فلس واقل ..
لاتقولون شركات ورقية ولا تفكرون كثيرا طب وتخير وغمض عينك وخذ اي سهم باْقل سعر !!!!
على العموم فرصة العمر للجميع لا تقولون سوق الاوراق كله متشائم يالله الحين انا بتفائل معاكم ..
ودك واحد يقول ابي تحليل وواحد ثاني عطنا الاثبات ...
مبروكين مقدما ان شاء الله وان الله احيانا نشوف بعض بعد عدة سنوات ..
هذا الموضوع تعبان فيه وكاتبه بمزاج وانا منشكح على الاخر ...... يايبه ورافعه على عجالة البارحة بدون ما احط فكرة او مناسبة معينة للرفعه ....
وهذا الموضوع قلت فيه قبل سنوات ما حدث الان على ارض الواقع بعد مرور اكثر من ١٠ سنوات ،،،،،،
يطلع واحد ذكي وعبقري تبيني اقعد عشر سنوات روح يامعود انت وخرابيطك ......!!!!!!!!!!!
شوفو المقدمة تعرفون الموضوع .........................
الحين اقولكم عليكم الانتباه واخذ الحيطة والحذر جيدا وجدا مان تومان لاتغفل لحظة ... لا تستخدم اكثر من الربع لا تطمع ولا تقترض ولا تتسلف ولا تبيع ذهب الاهل او بيتك او جاخورك او اي شي تملكه وتفرط فيه ذو قيمة حقيقية .
ما انت خسران شي وبالعكس انت الربحان تابع الاخبار والاحداث الاقتصادية بدقة بالغة وواذا ارتفع السوق لا تلحقه وراح يرفعونه علشانك ويبونك بعد ما تم التجميع وبالحقيقة ماكو شي كلهم يعانون الامرين ،،،،،،،،
الذكي يفهم ليش رفعت هذا الموضوع والغبي يقول انت السبب
خليتنا مانشتري والسوق ارتفع وضيعت علينا الفرص وخرعتنا وخوفتنا ... الخ
عيل ليش رفعت لكم هذا الموضوع ....... !!!!!
