الله يرزقه ويوفقه ويزيد ماله..حلاله وبكيفه انشالله يستثمر لاديس ابابا مالنا شغل في
بس لايطلع بالصحف ويطالب الحكومه بضخ مليار ونص بالشركات الجيده.!!(شركاته) ويخرع العالم ويسبب ازمه ويلوي ذراع الحكومه
اذا ذكر الحقيقه زعلتوا, والأزمه على فكره قبل تصريحه! والسوق من 15660نازل, ماشوف واحد قال تصريح الخرافي
كلامك صح ما نقدر نقول لناصر الخرافي تعال اشتغل بالكويت غصب
ولكن بالمقابل من غير المعقول منه او من غيره تكون فلوسه كلها برى
ويجي يتامر على الحكومه لاتنزلون شركه ثالثه وابي مشاريع وفيرت الربح
واولويات وتسهيلات وانا فلوسي كلها برى واعمر برى وابي اوقف التعمير
بالكويت اذا تضارب مع مصالحي واخرتها ارقعها
بالروتين والحسد
وانا متاكد ان الروتين مو على الخرافي وامثاله من التجار
وهم مو معقوله ابي السفاره تتحرك لي برى والحكومه تدعمني
وانا مو قاعد افيد البلد
والله عجبتني كلمه قالها مكي جمعه الله يطول بعمره
قال انا اول من بني عماره فيها مجمع تجاري بالكويت
وشاركت في اكثر من عشرين مجلس اداره لشركات كويتيه
وبني بنك وفوقه شركات اسسها مالها اول ولا تالي
ولما صارت ازمه المناخ قدرت اسد للناس فلوسها وباقي فلوس الحكومه
وبنا مستشفى مكي جمعه كامل بالتجهيزات على حسابه
لانطرت مناقصه ولا شي بس خصصوله الارض وسجلو المعدات اللى يبون
انجزه كامل باقل من ثمان شهور
بتكلفه كامله ثمانيه ونص مليون ما يعادل اليوم خمسه وثمانين مليون
واحلا كلمه قالها يوم قال
انا كان عندي سياسه اتسلف من برى واعمر بالكويت
مو الخرافي وامثاله يتسلف من الكويت وبيعمر بري لا ويتشرط علينا بعد
ابي جذي ومابي جذي
لو مكان الحكومه اي تاجر ماله مشاريع لتنميه البلد وفلوسه كلها برى
ماله دعم ولا احقيه في المشاريع والمناقصات للدوله ولا له قروض
ولا تتدخل الدوله لدعمه بشكل مميز بالخارج بل اعتبره مواطن عادي فقط
وكل ماقالو الكويت فيها حسد واهم راس الحسد بهل ديره
والكلام لناصر الخرافي وغيره ممن يستثمر ويبني دول وديرته محتاجه له
ومطنش ورايح يعمر لي الاردن ومصر ومادري وين
واللى مافيه خير لديرته المفروض ديرته مافيها خير له وتخليه يولي
هذي وجهة نظري ممكن يتفق معاي البعض او يختلف
وليس هجوم على شخص ناصر الخرافي بل على سياسته الاقتصاديه من
الزاويه التى انظر اليها
والله يستر عليك يا الكويت صج تمشي بحفظ الله وبركته
لاحكومه ولا تجار يبون يصلحون
الكل يبي مصالحه فقط واغلبها تهدم ماتعمر
حجي هذا تاجر! انا اصلا ماشتري اراضي الا بره الكويت! ارخص وتعطيني عائد اكبر! لو بستثمر بالكويت على بو اقول دهنا في مكبتنا, عيل انا خسرت جذي! عطني شي يحفزني للإستثمار بالكويت استثمر! ماتعطيني ليش اعور راسي
يعني انت تبيه يخسر ربح كان راح اييله, عشان يثبت وطنيته؟ هم مايصير
انت حبيب وانا مابي ادش معاك في نقاش غير مبني على ادله
لالالالالالالالالا مو من حقه يستثمر برا الكويت ويترك الكويت اللي كل المشاريع صغيرها وكبيرها ماخذها من الحكومه ويبيعها على صغار المقاولين
اكثر المشاريع اللي ياخذها الخرافي تقعد سنين وماخلصت وكله يمدد بالمشاريع
ترسي عليه مناقصه بمليون وقبل نهاية المشروع يصير مليونين ولا يخلص
استاد جابر
مشروع محطة المجاري في العقيله
وغيرها كثير ماتخلص بوقتها وتقعد سنتين ويمكن 3 سنين ولا غرامات تأخير ولا عماة عين
وبعدين يستثمر بمصر وغيرها ويترك الكويت
حتى المشاريع بـ 5000 دينار يدش الخرافي فيها
اكل فلوس الديره ويطلعها برا الكويت وتقولون بكيفه يستثمر برا
يا جماعة الخير والله لو حكومه عندنا زينه جان شفتوا الخرافي مايقرب من المشاريع بالكويت لأنه مايقدر ينفذها لأنه متعود على التأخير والغش بالجوده
كل فلوس الخرافي من خير الكويت يعني يستثمر بالكويت ولا له فضل
ناس تقول حتى المشاريع بو 5000 آلاف داش فيها, وناس تقول حتى مشاريع مايدخل بالكويت, احترا ماندري منو نصدق
انزين اذا الخرافي ضاغط السوق, ليش اسهم البحر بالحد الأدنى؟ ليش اسهم البدر بالحد الأدنى ؟ ليش اجيليتي بالحد الأدنى ؟ ليش بيت التمويل الخليجي حد أدنى ؟ الخرافي صار يقدر يتحكم ويكسر اسهم البحر ؟
الي قاعد يصير شي, واتهامكم للخرافي لوحده شي ثاني