سمعت بأذني وانا بالسوق...

[المحسود]

اثناء وجودنا بالبورصه يوم الاربعاء الماضي واحنا كنا متضايقين من النزول الكارثي وكل واحد حاط ايده على خده ينتظر الفرج واذا اسمع شخص يقول زين يسون بصغار المتداولين والله لم اتمالك نفسي واذا بي ارد عليه بعفويه وقلت له انك انسان ماتستحي على ويهك هذول الصغار الي تقول عنهم وانا واحد منهم واتشرف بذلك هذول اشرف منك ومن اهلك عالاقل هذولي دشوا بفلوسهم مو انتو الي دشيتوا بالحيله والجمبزه وشريتوا ذمم بعض الصحفين علشان يلمعونكم بالجرايد واتقولون عن نفسكم تجار وانتم مصاصين دماء واذا به ينسحب بسرعه ويخرج بره البورصه والله لو تشوف شكله مايسوى بيزه اه يا زمن ولكن احنا الصغار الله ويانا وانشالله بحيل الله بالصبر والعزيمه امورنا تتحسن يارب

 

[coooool2]

صار البلد تجار تجار تجار ... صار الغلا بسعر السوق يبيعون


للشاعر فواز الداوي ..

 

[fahad100]

طوّل بالك

وما تسوى منه او منك

واذكروا الله

 

[حفار قبور]

زين سويت فيه

هذول يبونا خدم عندهم الله يقطعهم هالحثالة

 

[بو الصراحة]

اخاف انك غسلته ... وهو من الكبار

يعني يا صغير ... والا مفلس !!

 

[Trend Line_Q8]

اثناء وجودنا بالبورصه يوم الاربعاء الماضي واحنا كنا متضايقين من النزول الكارثي وكل واحد حاط ايده على خده ينتظر الفرج واذا اسمع شخص يقول زين يسون بصغار المتداولين والله لم اتمالك نفسي واذا بي ارد عليه بعفويه وقلت له انك انسان ماتستحي على ويهك هذول الصغار الي تقول عنهم وانا واحد منهم واتشرف بذلك هذول اشرف منك ومن اهلك عالاقل هذولي دشوا بفلوسهم مو انتو الي دشيتوا بالحيله والجمبزه وشريتوا ذمم بعض الصحفين علشان يلمعونكم بالجرايد واتقولون عن نفسكم تجار وانتم مصاصين دماء واذا به ينسحب بسرعه ويخرج بره البورصه والله لو تشوف شكله مايسوى بيزه اه يا زمن ولكن احنا الصغار الله ويانا وانشالله بحيل الله بالصبر والعزيمه امورنا تتحسن يارب

كفو والله وزين تسوي فيه ​

 

[نوط بو ربع]

بصراحة ماله داعي تقول له هالكلام كله ؟!
المفروض ترشه بفليت واذا شفته يبي ينحاش من تحت باب البورصه اضغط الفليت حده ولا ترفع صبعك ليمن تشوفه انسدح على ظهره وقام يرافس .
الطريقه الثانيه :
اعصر على راسه صمغ باتكس وولع فيه وخل صغار المستثمرين يطفون راسه بالنعال ((وانتو بالكرامة))

 

[بو بدر]

يا موعد الكلام ببلاش ..تبي تضحك ...
لي صديق كان يتداول بالبورصة ... وأنا الوحيد أدري عنه ... راس ماله ما يوصل 4000 دينار المهم بشهر 7 دفع مقدم سيارة ... وطلع من السوق

اليوم لو تسمع كلامه ... يحلل يقول أنه كان يدري السوق نازل من شهر 7 وهو كيش و و و ..

الي مايعرفه يقول .. أكبر تاجر ومحلل بالسوق ... وبصراحه هو .. أي كلام

ياعني ليس كل من أدعى أنه كبير فهو كبير

 

[Doc30]

يا موعد الكلام ببلاش ..تبي تضحك ...
لي صديق كان يتداول بالبورصة ... وأنا الوحيد أدري عنه ... راس ماله ما يوصل 4000 دينار المهم بشهر 7 دفع مقدم سيارة ... وطلع من السوق

اليوم لو تسمع كلامه ... يحلل يقول أنه كان يدري السوق نازل من شهر 7 وهو كيش و و و ..
الي مايعرفه يقول .. أكبر تاجر ومحلل بالسوق ... وبصراحه هو .. أي كلام

ياعني ليس كل من أدعى أنه كبير فهو كبير

هههه. حلوه

 

[مضارب شجاع]

بصراحه فى ناس مالهم داعي يروحون للسوق بس قاعدين وكل واحد مسوى نفسه مليونير وهو ما عنده الا اسهم الاكتتاب
انت لاحظ النتواجدين ولا واحد منهم يشترى ولا يبيع بس قاعد مبقق عيونه وبس

 

[mo7amey]

لووول حجي الشباب عدل نص الموجودين تلقاه ناسي شنو سهمه اصلن لوول بس مع الخيل يا شقرا :d

 

[Abdullah Alhajeri]

بصراحة ماله داعي تقول له هالكلام كله ؟!
المفروض ترشه بفليت واذا شفته يبي ينحاش من تحت باب البورصه اضغط الفليت حده ولا ترفع صبعك ليمن تشوفه انسدح على ظهره وقام يرافس .
الطريقه الثانيه :
اعصر على راسه صمغ باتكس وولع فيه وخل صغار المستثمرين يطفون راسه بالنعال ((وانتو بالكرامة))

هههههههههههههههههههههههههههههههههههههههه

جزاك الله خير

اضحكتني وانا مهموم متفصخ علي اجل

 

[ورق خسران]

زين سويت فيه الدنيا دواره وحوبتنا ان شاء الله ما تروح عنه وعن غيره

 

[بو ضاري 2005]

المفروض حاط صمغ فيران عند الباب وخليته يرفس يرفس ليمن يتعب وبعدين ترش عليه مبيد حشرى هههههههههههههههههه صج ناس ماتستحى

 

[nabeels8]

صباح الخير

هذا المحسود ​