متابعه التداول ليوم الاحد الموافق 26-10-2008 على بركه الله

[unknown]

شباب الاوسط معلق معاكم ......... ولا ؟

.

اذا قصدك الاوسط ابرو شغال تمام بس مشكلته كل لونه حمر مدري ليش

 

[shapely08]

a, شو الى بيصير لزين
طالع لل 1.14

 

[unknown]

a, شو الى بيصير لزين
طالع لل 1.14

انطر زين 700 ولا تستعجل

 

[Navigator]

الحين بنك الخليج مو اعلن ارباح الربع الثالث ؟

هل التوقيف بسبب ان الارباح غير صحيحة ؟

ولا شنو بالضبط ؟

بخصوص خساير المضاربه بالعملات على عملائه اللي مو راضين يدفعون

والمركزي بيحمله الخساير

 

[borsa73]

الله يستر الظاهر إن قطاع البنوك راح يكون السبب الرئيسي لإنهيار بورصتنا وخصوصا بعد فضيحة بنك الخليج

 

[mo7amey]

رحمة الله عليك ياجابر الخير

 

[السوق الكويتي]

بخصوص خساير المضاربه بالعملات على عملائه اللي مو راضين يدفعون

والمركزي بيحمله الخساير

هل يعني ان ارباح الربع الثالث فيها اخطاء ؟ ولا ماله شغل ؟

 

[mo7amey]

الله يستر الظاهر إن قطاع البنوك راح يكون السبب الرئيسي لإنهيار بورصتنا وخصوصا بعد فضيحة بنك الخليج

شنهي فضيحته بعد !!

 

[قوانين]

بخصوص خساير المضاربه بالعملات على عملائه اللي مو راضين يدفعون

والمركزي بيحمله الخساير

ضربه قويه للبنوك و فى روس كبيره راح تطيييييييييييييييييييير ,,, على بالكم البورصه اتهبد من دون نتايج ؟؟ راح تشوفون بلاوى كل يوم

 

[rahaly]

شنهي فضيحته بعد !!

كله اشاعات

......... هذا وقت الاشاعات

 

[unknown]

اتكلم جد ما امزح اللى عنده وديعه بالخليج يسحبها او يشوف له صرفه لان الودايع غير مضمونه عندنا بالديره من قبل البنك المركزي

 

[قوانين]

كله اشاعات

......... هذا وقت الاشاعات

بنك الخليج ,,, شوف موقع البورصه و اتعرف ,,, الله يفرج عن البشر

 

[rahaly]

أقتراح برغبة ...

يعطلون الدوامات ... عشان الناس تتابع انهيار البورصة ... مثل الدول اللي تعطل وقت الزلزال (لله الحمد ما عندنا ازمات طبيعية كلها قروشية .. يعني مالية)

 

[baderalnajdi]

يعني ماكو مليونير الدانه هالشهر برقعون عمرهم بنك الخليج

 

[kuwait1979]

شباب ........ اليوم سالني واحد من الربع
بالدوام يقولي .... شكلها البورصه قاعد تتعدل وترتفع
عدل ؟ ......... قتله اي عدل :d

.

 

[rahaly]

اتكلم جد ما امزح اللى عنده وديعه بالخليج يسحبها او يشوف له صرفه لان الودايع غير مضمونه عندنا بالديره من قبل البنك المركزي

لا تخوف الناس ياخوي

ما سبق في تاريخ الكويت ان الحكومة خلت الودايع تروح على الناس

وراح يصدر قانون بالضمان هاليومين

وعندي وديعة فالخليج ... وما اسحبها

اطمئنوا ... بارك الله فيكم

 

[Navigator]

هل يعني ان ارباح الربع الثالث فيها اخطاء ؟ ولا ماله شغل ؟

ماله شغل طال عمرك

بس اذا تحمل البنك الخساير وما عنده ارباح مرحله او احتياطات كالكثير من البنوك ستخصم من ارباحه

 

[ALSERHAN]

اذا قصدك الاوسط ابرو شغال تمام بس مشكلته كل لونه حمر مدري ليش

أهو جذي صارلي جم يوم تقدر تغيّر اللون تضغط رايت كليك على السهم يطلعلك تعديل جدول تقدر تغيّير كل الألوان على راحتك حتى السوق نازل أنت بروحك بالكويت أخضر..

 

[borsa73]

شنهي فضيحته بعد !!

البنك عندة خساير جايده وموراضي يعترف فيها

 

[unknown]

لا تخوف الناس ياخوي

ما سبق في تاريخ الكويت ان الحكومة خلت الودايع تروح على الناس

وراح يصدر قانون بالضمان هاليومين

وعندي وديعة فالخليج ... وما اسحبها

اطمئنوا ... بارك الله فيكم

والله مو تخروعه ولا لي شغل لا بهذا البنك ولا ذاك بس من كلامك راح يعني اغبض من دبش يومين الحكومه سنتين