مظاهرات صاخبة في البورصة !!!

[AL.MOUSAWI]

عمت مظاهرات صاخبة بورصة الكويت ...وحدث هرج ومرج وهجوم على مكاتب التداول......سلم على اطبيش !!!!

 

[المرزوق]

من صجك ؟

 

[شرياص الخالدية]

انقلاب!!

يا جماعة اللي يستولي على كمبيوتر اي بروكر خل يشتري اسهم السوق كلها بالأعلى و بالمكشوف

 

[AL.MOUSAWI]

حسبنا الله ونعم الوكيل !!! اللي ما يجي بعصا موسى يجي بعصا فرعون !!!

 

[1aziz]

اتقو الله في خلقه
هذا الكلام ما يجوز .................... لا اتكبرون السالفه
يجب نقل الاخبار بعد التأكد و التأكد و التأكد و التأكد​

 

[Navigator]

انقلاب!!

يا جماعة اللي يستولي على كمبيوتر اي بروكر خل يشتري اسهم السوق كلها بالأعلى و بالمكشوف

استوليت على جهازين

علموني طريقة ادخال الامر

ورجاءا شباب صفوا بالدور وكل واحد يسجل اسهمه بورقه::verymad::

 

[wwwQ8]

شنو قاعد يصير بالبلد

الله يستر على الكويت وشعبها واميرها


والله انا خسرت كل فلوسى بس عينو خير الكويت فوق كل شى

اهم شى الكويت

 

[المرزوق]

وبالمره اللى يستولي يحطلي امر بيع 100.000 بيتك حد ادني الدلال مايبي يشيل السماعه لا بارك الله فيه

 

[kuw-stock]

يعطبكم العافيه
الموضوع انه شخص صار بينه اصراخ معه البروكر
وبسسسسسسسسسسسسسسسسسسسسسس
وانتهى الموضوع

 

[Madridi]

الله يشفي البشر

مو قد البورصة لا ادش

ما تتقبل الخسارة لا ادش

على طول تبي فلوسك ربحانه لا ادش

 

[ALSERHAN]

صـــــــــــــــارت...!!!

 

[شرياص الخالدية]

وبالمره اللى يستولي يحطلي امر بيع 100.000 بيتك حد ادني الدلال مايبي يشيل السماعه لا بارك الله فيه

تبيع بيتك ؟؟ ماعندك سالفة! امسكه تراك قاعد تحت كنز

 

[AL.MOUSAWI]

شباب الدور الثامن ......هجوم !!!!

 

[kuw-stock]

والناس بره معتصمين

 

[المرزوق]

شرياص انت شايف السوق يعني بيتك اللى بيعدل بروحه كل شي راح والسوق مايبشر بالخير علي الاقل لو بعته الحين يمكن بااجر اخذ الكميه نفسها تحت لان مامن صعود والله العالم ... ميخالف متشائم

 

[للصبر حدود]

واحد منكم يروح يفشش تواير الفلاح

 

[mo7amey]

نبي نقل كامل للاحداث الظاهر صايره بالسوق اليووم :d ودي استأذن من الدوام واروح بس اللي مضيق خلقي المواقف ماراح احصلي مكان

 

[AL.MOUSAWI]

نبي نقل كامل للاحداث الظاهر صايره بالسوق اليووم :d ودي استأذن من الدوام واروح بس اللي مضيق خلقي المواقف ماراح احصلي مكان

خل سيارتك بالدوام ...واجرلك تاكسي جوال بدينار ..وروح البورصة وزودنا بالاخبار ..واذا خلص التداول اجر تاكسي جوال مرة ثانية وهم بعد دينار...ورد الدوام ...وجذيه حليت مشكلة المصافط ...وخسرت دينارين ...بس تكون بردت على جبدك وكنت شاهد على الاحداث .

 

[kuw-stock]

حاليا الناس قاعده تخلى قاعة التداول

والذهاب الى الخارج للاعتصام

 

[mo7amey]

خل سيارتك بالدوام ...واجرلك تاكسي جوال بدينار ..وروح البورصة وزودنا بالاخبار ..واذا خلص التداول اجر تاكسي جوال مرة ثانية وهم بعد دينار...ورد الدوام ...وجذيه حليت مشكلة المصافط ...وخسرت دينارين ...بس تكون بردت على جبدك وكنت شاهد على الاحداث .

يقولك حتى التكاسي الجواله مسوين اضراب ماكو زباين الديره كلها اضراب بضراب .. الله يسامحك يلي ابالي